Biblia Todo Logo
Bìoball air-loidhne

- Sanasan -

Ɛfesofoɛ 2 - AHYERƐLƐ KRONGRON


Ɔnate adom so yɛnya ngoa

1 Na ɛmɔ de, ahaa ɛmɔte awufoɛ wɔ mvomsoɛ ne bɔne nu,

2 bɔ daa ne, ɛmɔbɔle ɛmɔ bra kyɛbɔ wiase brabɔlɛ te ɔ, bɔ ɛmɔlili ewienu tumi panyi ne si, bɔ ɔte sunzum bɔ kekesaala ye odi dwumaa wɔ asoserɛfoɛ nu ne.

3 Na sɔ nningyein nemɔ anu yeɛ daa ne, yɛ mukoraa yɛfale so yɛbɔle yɛ bra wɔ anwoɔnaen akɔnnɔ nu, ná yɛlili anwoɔnaen ne adwene apɛdeɛ si ɔ; na kyɛbɔ yɛ sue te ne, yɛyɛle mmenia bɔ Nyameɛ ahone ahu bɛ so ɔ, kyɛ mmenia bɔ baha ne ala.

4 Nakoso Nyameɛ bɔ ye anwumvoinnwunɛ sone ne, ɔnate ye hurolɛ bɔ okuro yɛ dwirɛ pee ne aso

5 wama yɛ bɔ ahaa yɛte awufoɛ wɔ mvomsoɛ nu ne yɛne Kristo yanya ngoa, (adom yeɛ bafa bale ɛmɔ ngoa ɔ.)

6 Na watingye yɛ ne ye, na wafa yɛ ne ye waatena nyameɛso dɔ wɔ Kristo Yesu nu,

7 kyɛ ewiase bɔ ɔ́ba ne anu ɔkɔla ye adom anwonya mmorosoɛ ne ali wɔ paayɛlɛ bɔ ɔyɛ yɛ Kristo Yesu nu ne anu.

8 Na adom yeɛ bɛnate gyidie so bale ɛmɔ ngoa ɔ, nna bɔ ɛmɔayɔ hɔ ɔ, ɔte Nyameɛ akyɛdeɛ;

9 nna ɛmɔ nnwumaa ti ɔ, ná ebiala amva anhoahoa ye nwo.

10 Ofikyɛ yɛte ye adwiililɛ bɔ wali ɔ, bɔ ɔbɔle yɛ Kristo Yesu nu mane nnwumaa paa bɔ Nyameɛ asiesie ato berɛ kyɛ yɛfa yɛbɔ yɛ bra ɔ.


Yɛte ko wɔ Kristo nu

11 Yiti ɛ́mɔkaye kyɛ, daa ne, ahaa né ɛmɔte Amaenmaensofoɛ wɔ anwoɔnaen nu. Na bɛ bɔ bɛfrɛ bɛ nwo bienzuapɛlɛfoɛ, bɔ bɛ sa mbaen yeɛ bɛfa bɛpɛ ye anwoɔnaen nu ne, né bɛfrɛ ɛmɔ bɛmbɛ-bɛ-bienzuafoɛ.

12 Ɛ́mɔkaye kyɛ, sɔ mmerɛ ne, né ɛmɔ ne Kristo b’afia atete; né ɛmɔte amanvrafoɛ bɔ bɛnga ɛmɔ bɛmmoka Yisrael maen mmaa so ɔ; né ɛmɔte ɛwɔfoɛ wɔ apam bɔhyɛ ahoroɔ ne anwo, bɔ né ɛmɔlle anyelasoɛ biala, bɔ né ɛmɔlle Nyameɛ wɔ wiase ɔ.

13 Nakoso afei de, Kristo nu, ɛmɔ bɔ ahaa né ɛmɔwɔ dedeede ne, ɛmɔafa Kristo mogya ne aso bapingye.

14 Ofikyɛ ye yeɛ ɔte yɛ asomdwee ɔ, wahã nyɔ ne wabɔ nu wayɛ ye ko, na wadwiri ɛpɔen fasue bɔ ɔla yɛ afia ne wagua,

15 ɔnate kyɛ waye ɛpɔen bɔ ɔte mmeraa dwirɛ ahoroɔ bɔ ɔwɔ ahyɛdeɛ nu ne wafi berɛ wɔ ye nwonaen nu, na wahã bɛ munyɔ ne wabɔ nu wayɛ bɛ sona foforɛ ko, wɔ ye bɔbɔ ye nu ama asomdwee awa,

16 na wafa mmeamudua ne aso wasiesie yɛ munyɔ ne ne Nyameɛ y’afia, wɔ nipadua ko nu, na ɔnate so watu ɛpɔen ne bo.

17 Na ɔwale ɔɔbɔle asomdwee nwo dawure hyirele ɛmɔ bɔ né ɛmɔwɔ dedeede ne, ɔne bɛ bɔ bepingye ne;

18 ofikyɛ ye so yeɛ yɛ munyɔ ne yɛnate Sunzum komapɛ nu yɛnya atee yɛkɔ Baba ne berɛ ɔ.

19 Yiti afei de, ɛmɔtte ɛwɔfoɛ ne amanvrafoɛ ko, na mmom ɛmɔ ne anwoteefoɛ nemɔ bɛte maen mmaa ne Nyameɛ awuro ama.

20 Bafa ɛmɔ basie asomafoɛ nemɔ ne ngɔmhyɛlɛfoɛ nemɔ fapem bɔ Yesu Kristo bɔbɔ yeɛ ɔte ye ndweasoɛ nyɔboɛ titire ne aso.

21 Ye nu yeɛ bɔ bahyehyɛ ne ngorabata amukoraa basosɔ ɔ, na ɔpagya kɔ anwuro kɔyɛ asɔneyɛɛ sua krongron wɔ Awurade nu;

22 bɔ ye nu yeɛ bɛ́fa ɛmɔ koso besi maa ɔyɛ Nyameɛ atenaleɛ wɔ Sunzum nu ɔ.

Esahie Bible © Bible Society of Ghana, 2018.

Bible Society of Ghana
Lean sinn:



Sanasan