Edwein 82 - AHYERƐLƐ KRONGRON

Ndɛen turoloo

Asafe dwein

¹ Nyameɛ atena ye bia nu wɔ nyameɛso badwa ne anu, na obua nyameɛ mɔ ndɛen kyɛ,

² “Kyinzu koraa yeɛ ɛmɔkobua ndɛengyea, ná ɛmɔayɛ nyeyemuɛ bagyina bɔnefoɛ si maa waadwu ɔ. Sela

³ Ɛmɔli ehiafoɛ ne nyisiaafoɛ bɛ dwirɛ bɛma bɛ; ɛ́mɔbua bɛ bɔ bɛyɛ anwumvo ne bɛ bɔ belle bie ɔ ndɛen turoloo.

⁴ Ɛ́mɔpepɛ bele bɛ bɔ bɛyɛ anwumvo ɔ ne ehiafoɛ, ɛ́mɔpepɛ bele bɛ befi bɔnefoɛ mɔ sa nu.”

⁵ Belle nimdeɛ, yeɛ belle ndeaseɛ, bɛnate awosii nu; aseɛ fapem amukoraati ɔwoso.

⁶ Menwa nyoo, “Ɛmɔte nyameɛ mɔ, ɛmɔ amukoraa, ɛmɔte Anwuro Anwuroniɛ ne, ye mma mmɔ.

⁷ Nakoso ɛmɔkowuwu kyɛ adasa mmaa, na ɛmɔkɔtotɔ kyɛ ɛhene biala.

⁸ Ao Nyameɛ, dwɔso ná bua aseɛ so ama ndɛen, ofikyɛ maen maen amukoraa bɛte w’agyapadeɛ!