Edwein 67 - AHYERƐLƐ KRONGRON

Asennaa mbaeɛ

Sangoo dwein. Ɔfa mane edweinhyirelɛniɛ ne kyɛ bɛfa sangoo bɛto

¹ Ao Nyameɛ, nwu yɛ anwumvoin ná yira yɛ, ma wɔ nyunu ɔta hyireinn ma yɛ, Sela

² amaa ɔnate so banwu w’atee wɔ aseɛ ye aso, ná banwu wɔ ngoalelɛ tumi ne wɔ maen maen amukoraa nu.

³ Ao Nyameɛ, odi kyɛ maen maen bɛye wɔ ayɛ, odi kyɛ maen amukoraa bɛye wɔ ayɛ.

⁴ Odi kyɛ maen maen bɛ nye gye ná bɛfa ahurusililɛ bɛto dwein, ofikyɛ ɛfa pɛpɛɛpɛyɛlɛ ebua maen maen mɔ ndɛen, na esa fa bu aseɛ ye aso maen maen mɔ. Sela

⁵ Ao Nyameɛ, odi kyɛ maen maen mɔ bɛye wɔ ayɛ, amba, odi kyɛ maen amukoraa bɛye wɔ ayɛ.

⁶ Aseɛ ahye aleɛ; Nyameɛ, yɛ Nyameɛ ne, wayira yɛ.

⁷ Nyameɛ koyira yɛ, na odi kyɛ bɛ bɔ bɛwɔ aseɛ so nekaa biala besuro ye.