Edwein 47 - AHYERƐLƐ KRONGRON

AWURADE di wiase amukoraa so hene

Kora boso ama dwein. Ɔfa mane edweinhyirelɛniɛ ne

¹ Amaenmaen amukoraa, ɛ́mɔbɔ ɛmɔ sa nu; ɛ́mɔbɔ se bɛto Nyameɛ nwo ahurusi dwein.

² Ofikyɛ AWURADE, Anwuro Anwuro Nyameɛ ne, ye nwo yɛ suro, ɔte ɛhene piri bɔ odi wiase amukoraa so ɔ.

³ Ɔbrɛ maen maen ase wura yɛ bo, ɔfa maen maen mɔ wura yɛ gya bo.

⁴ Ɔye y’agyapadeɛ sie berɛ ma yɛ, Yakob bɔ okuro ye dwirɛ ne, agyapadeɛ ne te ye animnyam. Sela

⁵ Esebɔlɛ nu yeɛ Nyameɛ fa fo kɔ anwuro ɔ, totorobɛndohulɛ nu yeɛ AWURADE ɔfa fo kɔ ɔ.

⁶ Ɛ́mɔto Nyameɛ nwo ayɛyelɛ dwein, ɛ́mɔto ayɛyelɛ dwein, ɛ́mɔto yɛ Hene nwo ayɛyelɛ dwein, ɛ́mɔto ayɛyelɛ dwein!

⁷ Ofikyɛ Nyameɛ te aseɛ ye amukoraa so Hene, ɛ́mɔfa ndeaseɛ bɛto ayɛyelɛ dwein.

⁸ Nyameɛ di maen maen mɔ so hene, Nyameɛ te ye ahennie bia krongron ne aso.

⁹ Maen maen ahemvo baboa bɛ noa, Abraham Nyameɛ ye maen ne. Ofikyɛ aseɛ ye aso akokyɛm te Nyameɛ deɛ, ɔte ɛhene piri paa wɔ ebiala so.