Edwein 4 - AHYERƐLƐ KRONGRON

De me fi pɔfoɛ mɔ sa nu

Dawide dwein. Ɔfa mane edweinhyirelɛniɛ ne kyɛ bɛfa sangoo bɛto

¹ Ao, me Nyameɛ bɔ edi me dwirɛ ma me ɔ, mefrɛ wɔ a tie me e! Me nwo hyerele me ne, wɔ yeɛ ɛpepɛ lele me ɔ. Nwu me anwumvoin, ná tie me mbaeɛ.

² Ao adasa, ɛmɔkogua me nyunu ase maa okoodwu kyinzu? Ɛmɔkoli edwirɛ mbaen mbaen ne ngondombo dwirɛ si maa okoodwu kyinzu? Sela

³ Nakoso ɛ́mɔkaye kyɛ sona bɔ ɔtengyɛ ne, AWURADE aneanea nu waye ye wasie berɛ wama ye nwo; sɛ mesu mefrɛ AWURADE a, otie me sufrɛ.

⁴ Ɛ́mɔma ye nwo yɛ ɛmɔ suro, na nnɛma ɛmɔyɔ bɔne; ɛ́mɔdwene edwirɛ ne anwo wɔ ɛmɔ bɛen so, ná ɛ́mɔyɛ konn. Sela

⁵ Ɛ́mɔbɔ afɔleɛ bɔ ɔtengyɛ ɔ; ná ɛ́mɔfa ɛmɔ wora bewura AWURADE nu.

⁶ Mmeni pee yeɛ bebisa kyɛ, “Nwa yeɛ ɔkɔmaa yɛkonwu yɛ bɔ ɔte paa ɔ?” Ao AWURADE, ma w’adom ne ɔta wɔ yɛ so!”

⁷ Afa anigye awura m’ahone nu atra mmerɛ bɔ b’aburoo ne bɛ nzaa sonene pee ne.

⁸ Ngɔla ngɔlafe asomdwee nu, ofikyɛ AWURADE, wɔ ngome yeɛ ɛmaa metena ase wɔ asomdwee nu ɔ.