Edwein 3 - AHYERƐLƐ KRONGRON

Fa wɔ wora wura AWURADE nu

Dawide dwein bɔ ɔtole mmerɛ bɔ ɔnwati fili ɔwa Absalom nyunu ne.

¹ Ao AWURADE, me pɔfoɛ mɔ sone! Mmenia pee bedwɔso betia me.

² Mmenia pee bɛkã bekyire me kyɛ, “Ongonya mmokalɛ biala ngofi Nyameɛ berɛ.” Sela

³ Nakoso ao AWURADE, wɔ yeɛ ɛte m’akokyɛm, m’animnyam ne me worakyekyelɛniɛ ɔ.

⁴ Ndeane nu nzu mvrɛle AWURADE, na otiele me sufrɛ fili ye bokaa krongron ne aso. Sela

⁵ Metɔ berɛ medafe; na mesa metingye, ofikyɛ AWURADE gyi me si.

⁶ Menzuro mmenia apee apee bɔ babɔ me nwo porɛ bapɛ me nwo bayia ne.

⁷ Ao AWURADE, dwɔso e! Pepɛ de me, ao me Nyameɛ! Ofikyɛ wɔ yeɛ ebubu me pɔfoɛ amukoraa b’awogyee, ná ebubu amumuyɛɛfoɛ bɛ gye ɔ.

⁸ Ngoalelɛ fi AWURADE berɛ; wɔ saleɛ ne, maa ɔbra wɔ mmenia so! Sela