Edwein 129 - AHYERƐLƐ KRONGRON

Ongoyie Sion pɔfoɛ mɔ yé

¹ “Ofi me ngwadaa nu, mmerɛ pee yeɛ bafa koɛ baateta me ɔ, afei, Yisrael kã e:

² Ofi me ngwadaa nu, mmerɛ pee yeɛ bafa koɛ baateta me ɔ, nakoso bangora banni me so ngonim.

³ Nhyɛsoɛfoɛ babo me bama me si apakyepakye; bamaa wabeabea berɛ ndendenn ndendenn.”

⁴ AWURADE te teneneeniɛ, wapepɛ bɔnefoɛ bɛ nyamaa nu.

⁵ Bɛ bɔ bɛpɔ Sion amukoraa, ma bɛ nyunu ogua ase, ná besa bɛ si.

⁶ Maa bɛyɛ kyɛ ndire bɔ wafifi sua so, bɔ ɔkese ná onnyi ɔ,

⁷ ye aleɛ ne, ondwu sona bɔ ɔpɛ fieso aleɛ ɔ ye sa bum, yeɛ ondwu sona bɔ ɔkyekye ye tire tire ɔ ye sa bum;

⁸ yeɛ bɛ bɔ bɛpɛ nu bɛkɔ ne, bɛnga kyɛ, “AWURADE óyira ɛmɔ oo! Yɛyira ɛmɔ wɔ AWURADE dumaa nu oo!”