Edwein 128 - AHYERƐLƐ KRONGRON

AWURADE surolɛ ma saleɛ

¹ Ebiala bɔ osuro AWURADE, ná ɔnate ye atee so ne, onya saleɛ.

² Ofikyɛ ekoli wɔ bɔbɔ wɔ sa noa adwuma nwo mvasoɛ; wɔ nye kɔgye, na okoyie wɔ yé.

³ Ɛye kɔyɛ kyɛ bobe bɔ osu biribiraa ɔ wɔ w’awuro, na wɔ mma kɔyɛ kyɛ olive mmaen, bɔ wapɛ wɔ poen nwo wayia ɔ.

⁴ Amba, sona bɔ osuro AWURADE ne, sɔa yeɛ onya saleɛ ɔ.

⁵ AWURADE kofi Sion koyira wɔ, na ekonwu Yerusalem ngɔsoɛ, mmerɛ bɔ ɛte ngoa nu amukoraa.

⁶ Amba, ekonwu wɔ nana nganzowa mɔ. Asomdwee ɔhã Yisrael!