Edwein 127 - AHYERƐLƐ KRONGRON

Nyameɛ nne nu a sona fɛ mbaen

Solomon dwein

¹ Sɛ AWURADE anzi sua ne a, suasilɛfoɛ nemɔ bɛfɛ ye nwo mbaen. Sɛ AWURADE wanwɛne kuro ne a, wɛmvoɛ ne osiri ye nwo pɛ mbaen.

² Ɔte mbaen kyɛ ɛmɔkɔpɛ aleɛ bekodwɔso, ná ɛmɔanna ndɛ, ná ɛmɔfɛ tetanwuu bɛpena ɛmɔ noa aleɛ ɔ; ofikyɛ bɛ bɔ okuro bɛ dwirɛ ne, sɛ bɛda po a, ɔma bɛ bɔ behia ɔ.

³ Amba, mmaa te AWURADE sa nu agyapadeɛ, na aworɛ te ye sa nu saleɛ.

⁴ Kyɛbɔ agyaen te wɔ koɛhonɛniɛ ye sa nu ne, sɔ ala yeɛ sona ye mmerandeɛ mmerɛ nu mmaa bɛte ɔ.

⁵ Sona bɔ sɔ agyaen nemɔ ayi ye ndokue nu tɛkyɛ ne, onya saleɛ. Sɛ ɔne ye pɔfoɛ mɔ bɛkã edwirɛ wɔ kuro berɛ nekaa bɔ bedi dwirɛ a, ye nyunu ngua ase.