Edwein 126 - AHYERƐLƐ KRONGRON

AWURADE ye yɛ fi nnurehyelɛ nu

¹ Mmerɛ bɔ AWURADE fale Sion fili nnurehyelɛ nu sa wale ne, edwirɛ ne yɛle yɛ kyɛ mmenia bɔ bɛkye laleɛ ɔ.

² Ɛserelɛ yili yɛ noa nu to, na anigye dwein yili yɛ temverema so. Na bɛkekane ye wɔ maen maen mɔ nu kyɛ, AWURADE ayɔ nningyein mbiri mbiri wama bɛ.

³ AWURADE ayɔ nningyein mbiri mbiri wama yɛ, na yɛ nye agye.

⁴ Ao AWURADE, sa fa yɛ fi nnurehyelɛ nu bra, kyɛ ngwaen dɔ aseɛ asue.

⁵ Bɛ bɔ bele ɛmoen bedua nningyein ne, bele anigye yeɛ bɛkɔte ɔ.

⁶ Sona bɔ ole esuɛ fite kɔ, bɔ otira mmakaammaa paa kyɛ ɔkwaalua ne, nahorɛ nu, ɔkɔfa ahurusi kosa kɔwa awuro, bɔ otiratira ye fieso aleɛ bɔ bakyekye ye tire tire ɔ.