Edwein 125 - AHYERƐLƐ KRONGRON

Nyameɛ bɔ ye mma nwo waen

¹ Bɛ bɔ bɛfa bɛ wora bewura AWURADE nu ne, bɛte kyɛ Sion bokaa bɔ ɔnwoso, ná mmom otimu berɛ daa ne.

² Kyɛbɔ mmokaa apɛ Yerusalem nwo ayia ne, sɔ ala yeɛ AWURADE apɛ ye maen nwo wayia, ofi ɛnɛ bɔ ɔkwaadwu afebɔɔ ɔ.

³ Ahemvo bɔnefoɛ mɔ bɛ hɔtɔ ngɔhɔ so ngoli tumi wɔ aseɛ bɔ bafa bama teneneefoɛ ne aso, kyɛbɔ ɔkɔyɛ bɔ teneneefoɛ bɛngɔfa bɛ nwo bɛngɔfɔlefɔle amumuyɛɛ ɔ.

⁴ Ao AWURADE, yɛ mmeni paa ne bɛ bɔ b’ahone nu te ɔ paa.

⁵ Nakoso mmenia bɔ bedi makyebu bɛfa b’atee bɔ ɔndengyɛ so ne de, AWURADE kɔfa bɛ kɔfra amumuyɛɛfoɛ so kɔfoa bɛ kofi berɛ. Asomdwee ɔ́tena Yisrael!