Edwein 124 - AHYERƐLƐ KRONGRON

AWURADE pepɛ de yɛ

Dawide dwein

¹ Sɛ nna AWURADE yeɛ ogyinane yɛ si a, afei, Yisrael kã e:

² sɛ nna AWURADE yeɛ ogyinane yɛ si a, mmerɛ bɔ mmenia bɛfale koɛ bɛɛtetale yɛ ne,

³ mmerɛ bɔ b’ahone huli yɛ so paa ne, ahaa bɛmemene yɛ anyekaenn so;

⁴ ahaa asue ayi apia yɛ wahɔ, ahaa asorɔkye wabungam wafa yɛ kra so;

⁵ ahaa nzue bɔ ɔse wuruwuru ɔ, opiane yɛ hɔle.

⁶ Animnyam hã AWURADE, ye bɔ wamma bamva yɛ banyɛ naen bammɔ bɛ gye so ɔ!

⁷ Yɛ kra anya ye ti wadidi nu kyɛ anomaa wafi ngaensualɛfoɛ nemɔ bɛ ngaen nu, ngaen ne anu abubu, na yanya yɛ ti yadidi nu.

⁸ AWURADE bɔ ɔbɔle anwuro ne aseɛ ne, ye dumaa nu yeɛ yɛ mmokalɛ wɔ ɔ.