Edwein 123 - AHYERƐLƐ KRONGRON

Nyameɛ te m’anyelasoɛ

¹ 1 Wɔ yeɛ mema me ti so menea wɔ ɔ, ao wɔ bɔ ɛte w’ahennie bia so wɔ nyameɛso ɔ!

² Amba, kyɛbɔ ngoaa bɛ nye la bɔ bɛ mene ɔfa ma bɛ so, ɔne kyɛbɔ afaneɛ ye nye la bɔ ye mene brasua ɔfa ma ye so ne, sɔ ala yeɛ yɛ nye la AWURADE yɛ Nyameɛ so ɔ, kɔpem kyɛ okonwu yɛ anwumvoin ɔ.

³ Nwu yɛ anwumvoin, ao AWURADE, nwu yɛ anwumvoin, ofikyɛ animguaseɛ ato yɛ maa wafono yɛ.

⁴ Mmenia bɔ bɛ nwo atɔ bɛ ne, bagoro yɛ kra nwo maa wafono yɛ, yeɛ anwomasoɛfoɛ bagua yɛ kra nyunu ase maa wafono yɛ.