Edwein 122 - AHYERƐLƐ KRONGRON

Yerusalem nwo mbaeɛ ne ayɛyelɛ

Dawide dwein

¹ Besele me kyɛ, “Maa yɛhɔ AWURADE awuro berɛ” nen, me nye gyele.

² Ao Yerusalem, yɛ gya gyigyi wɔ pambim nemɔ anu.

³ Yerusalem, bakyekye ye kyɛ kuro bɔ bakyekye bama nu amia ɔ.

⁴ Berɛ yeɛ mmusua kure nemɔ bɛkɔ ɔ, AWURADE mmusua kure nemɔ; kyɛ bɛkwaafa asennaa bɛma AWURADE dumaa, kyɛbɔ wahyehyɛ wama Yisrael ne.

⁵ Ofikyɛ berɛ yeɛ bafa ndɛenbualɛ ahennie bia nemɔ basiesie ɔ, Dawide awuro ama mɔ b’ahennie bia nemɔ.

⁶ Ɛ́mɔbɔ mbaeɛ kyɛ Yerusalem onya asomdwee: “Bɛ bɔ bekuro wɔ dwirɛ ne, mesrɛ kyɛ oyie bɛ yé.

⁷ Asomdwee ɔ́tena wɔ nu, ná ngɔsoɛ ɔtena w’ahemvie nemɔ anu.”

⁸ Nniɛma mɔ ne me mmango mɔ ati, ngɔhã kyɛ, “Asomdwee ɔ́tena wɔ nu.”

⁹ Ɔnate AWURADE yɛ Nyameɛ ye awuro ne ati, ngɔpena wɔ yeeyɛlɛ.