Edwein 121 - AHYERƐLƐ KRONGRON

Nyameɛ kɔbɔ yɛ nwo waen

¹ Mema me ti so mefa me nye mekyire mmokaa nemɔ. Nisua yeɛ me mmokalɛ fi ba ɔ?

² Me mmokalɛ fi AWURADE bɔ ɔbɔle anwuro ne aseɛ ne berɛ.

³ Ɔngɔma wɔ gya ngosoti; ye bɔ ɔbɔ wɔ nwo waen ne, ɔngɔtɔ ngosie.

⁴ Tie, bɔ ɔnea Yisrael so ne, ɔngɔtɔ ngosie, yeɛ ɔngɔla.

⁵ AWURADE yeɛ ɔte wɔ neafoɛ ɔ; AWURADE yeɛ ɔte wɔ fɔnwoo ɔ, wɔ wɔ sa famaa so.

⁶ Eyia ngɔyera wɔ eyia, yeɛ ɛsraen ngɔyɔ wɔ huu kɔngɔen.

⁷ AWURADE kɔbɔ wɔ nwo waen kofi musue amukoraa nu; ɔkɔbɔ wɔ kra nwo waen.

⁸ AWURADE kɔbɔ wɔ hɔlɛ ne wɔ walɛ nwo waen ofi ɛnɛ bɔ ɔkwaadwu afebɔɔ ɔ.