Edwein 120 - AHYERƐLƐ KRONGRON

De me fi ngɔngɔnzaafoɛ sa nu

¹ Mesu mefrɛ AWURADE wɔ m’amaneɛnwunɛ mmerɛ nu, na otie me.

² Ao AWURADE, pepɛ de me kra fi ngondombofoɛ bɛ sa nu ɔne nnakannakafoɛ bɛ sa nu.

³ Wɔ, nnakannakaniɛ, nzikyɛ yeɛ bɛkɔfa bɛkɔma wɔ ɔ? Nzikyɛ yeɛ bɛkɔfa bɛkɔyɔ wɔ ɔ?

⁴ Koɛhonɛniɛ agyaen anoa tworɔntworɔn kɔwɔ wɔ, ná esaa see gonn wayera wɔ!

⁵ Edwirɛ ato me oo, kyɛ nde amanvraniɛ wɔ Meseke, kyɛ nde Kedare ɛtena sua nemɔ anu ɔ!

⁶ Mmenia bɔ bekyi asomdwee ne, me kra ne bɛ atena ahyɛ paa.

⁷ Me de mekuro asomdwee, nakoso sɛ medwudwo a, né bɛbaafa ngondii bɛtoa me!