Edwein 112 - AHYERƐLƐ KRONGRON

Nyameɛ yira teneneeniɛ

¹ Ɛ́mɔye AWURADE ayɛ! Sona bɔ osuro AWURADE, ná ye nye gye ye mmeraa dwirɛ nwo paa ne, onya saleɛ.

² Ye boso ama kɔyɛ titire wɔ aseɛ ye aso; teneneeniɛ ye aworɛ ndoatoasoɛ konya saleɛ.

³ Anwonyadeɛ ne esikaa wɔ ye awuro, na ye tenenee wɔ berɛ afebɔɔ.

⁴ Kanea pukye awosii nu ma teneneeniɛ; ɔdo mmenia, ɔse anwumvoin, yeɛ ɔtengyɛ.

⁵ Sona bɔ ye ti anu yɛ mmerɛ, ná ɔfa fɛmo ye mmango, ná ɔfa nahorɛlilɛ bɔ ye bra ne, oyie ye yé.

⁶ Ofikyɛ okogyina pindinn, na ye nwo ngayeɛ kɔtena berɛ afebɔɔ.

⁷ Onzuro ahunundetelɛ dwirɛ; ye adwene si ye pi, na ye wora wura AWURADE nu.

⁸ Ye adwene gyi berɛ pindinn, na ongosuro kɔpem kyɛ bɔ ɔpena kyɛ ɔto ye pɔfoɛ mɔ ne, okonwu ye ɔ.

⁹ Ɔye ye kunu fa nningyein kyekyɛ, ɔyɛ ehiafoɛ paa; ye tenenee wɔ berɛ afebɔɔ, na ye anwoserɛ kɔhɔ so animnyam nu.

¹⁰ Bɔnefoɛ nwu ye, na ɔyɛ ye ahi; ɔkɔnwose ye gye ná waboto; bɔ bɔnefoɛ wafa wasie ye nye so ne, ɔngɔyɛ berɛ.