Edwein 11 - AHYERƐLƐ KRONGRON

Fa wɔ wora wura AWURADE nu

Dawide dwein. Ɔfa mane edweinhyirelɛniɛ ne

¹ AWURADE nu yeɛ me wora wura ɔ. Ɔyɛ sɛɛ bɔ ɛmɔse me kra kyɛ, “Nwati kyɛ anomaa kɔ wɔ bokaa so;

² ofikyɛ nea, bɔnefoɛ bakondo agyaen, basina agyaen bakaa ne kyɛ bɛto ye awosii nu besina sona bɔ ɔtengyɛ ɔ.

³ Na sɛ bedwiri fapem ne begua a, nzikyɛ yeɛ teneneefoɛ bɛkɔhora ye yɔ ɔ”?

⁴ AWURADE wɔ ye asɔneyɛɛ sua krongron ne anu; AWURADE ahennie bia ne wɔ nyameɛso. Ye nye tua ebiala, na ɔkari adasa mmaa bɛ yɔleɛ nea.

⁵ AWURADE so teneneefoɛ ne bɔnefoɛ nea, nakoso ye kra kyi sona bɔ okuro basabasayɔlɛ ɔ.

⁶ Ɔkɔtɔ see ne sɔfe kogua bɔnefoɛ so; mvrama hyerɛhyerɛ yeɛ ɔkɔfa kotua bɛ kerɛ ɔ.

⁷ Ofikyɛ AWURADE te teneneeniɛ, okuro bra bɔ ɔtengyɛ ɔ; na sona bɔ ɔtengyɛ ne, okonwu AWURADE nyunu.