Edwein 1 - AHYERƐLƐ KRONGRON

Bɔnefoɛ ne teneneefoɛ

¹ Sona bɔ ondie amumuyɛɛfoɛ foɛtulɛ, ná ɔmva bɔnefoɛ atee so, ná ɔne mmenia bɔ bɛgoro Nyameɛ nwo ne bendu nu ne, onya saleɛ.

² Sɔ sona ne, ye nye gye AWURADE mmeraa ne anwo, na ye mmeraa ne yeɛ ɔdwene ye nwo eyia ne kɔngɔen ɔ.

³ Ɔte kyɛ bakaa bɔ balua ye asue noa, bɔ osu ye mma wɔ mmerɛ bɔ odi kyɛ osu ɔ nu, bɔ ye nyaa ɔngese ɔ. Nikyee bɔ ɔyɔ biala, oyie ye yé.

⁴ Nakoso amumuyɛɛfoɛ de, nna sɔ yeɛ bɛte ɔ, na mmom bɛte kyɛ afafu bɔ mvrama hu ye kɔ ɔ.

⁵ Yiti amumuyɛɛfoɛ, bengoli be wɔ ndɛenbualɛ ne anu, yeɛ teneneefoɛ nyianu koso, bɔnefoɛ bengonya berɛ bie bɛngɔhɔ;

⁶ ofikyɛ AWURADE se teneneefoɛ b’atee bɔ bɛnate so ɔ, nakoso bɔnefoɛ de, b’atee bɔ bɛnate so ne, ongoyie bɛ yé.