1 Aberɛso Dwirɛ 8 - AHYERƐLƐ KRONGRON

Benyamin boso ama

¹ Benyamin mma mmienzua nemɔ, Bela yeɛ ɔte bamuɛbaa ɔ. Asebel tɔ so nyɔ, Ahara tɔ so nza,

² Noha tɔ so nna, yeɛ Rafa tɔ so nnu.

³ Bela mma mmienzua mɔ ole Ada, Gera, Abihude,

⁴ Abisua, Naaman, Ahoa,

⁵ Gera, Sefufan yeɛ Huram.

⁶ Ehude wole mma mmienzua (né bɛlela bɛ nana mɔ sasofoɛ bɔ bɛwɔ Geba ne bɛ noa, na ebiemɔ hyele Ehude mma nemɔ nnure bɛhɔle Manahate).

⁷ Ye mma mmienzua nemɔ ole Naaman, Ahiya yeɛ Gera. Bɛ bɔ bɛhyele bɛ nnure ne, Gera yeɛ né ɔla bɛ noa ɔ, na ɔwole Yusa ne Ahihude.

⁸ Na Saharaim yirale ɔye mɔ Husim ne Baara ne, ɔɔwole mmaa wɔ Moabo aseɛ so.

⁹ Ɔne ɔye Hodese bɛwole mmaa mmienzua hemɔ: Yobabo, Sibia, Mesa, Malkam,

¹⁰ Yeyuso, Sakia ne Mima. Ye mma mmienzua mɔ ɛne, na né bɛlela bɛ nana mɔ sasofoɛ mɔ noa.

¹¹ Ɔne Husim koso bɛwole mmaa mmienzua. Bɛ ole Abitubo ne Elepal.

¹² Elepal mma mmienzua mɔ ole Ebere, Misam ne Semede bɔ ɔkyekyele Ono ne Lode ne bɛ nwo nguraa mɔ ne.

¹³ Osa wole Beria ne Sema (né bɛlela bɛ nana mɔ sasofoɛ bɔ bɛwɔ Ayalɔn ne bɛ noa, na bɛ yeɛ bɛfoane Gatefoɛ maa bɛnwatili ɔ).

¹⁴ Ye boso ama mɔ ole Ahio, Sasake ne Yeremote,

¹⁵ Sebadia, Arade, Edere,

¹⁶ Mikayɛl, Yisipa ne Yoha bɔ bɛte Beria mma mmienzua ne;

¹⁷ Sebadia, Mesulam, Hisiki, Heberi,

¹⁸ Yismerae, Yisilia, Yobabo bɔ bɛte Elepal mma mmienzua ne,

¹⁹ yeɛ Yakim, Sikri, Sabidi,

²⁰ Elienae, Siletae, Eliɛl,

²¹ Adaya, Beraya ne Simirate bɔ bɛte Simei mma mmienzua ne,

²² Yisipan, Ebere, Eliɛl,

²³ Abedon, Sikri, Hanan,

²⁴ Hanania, Elam, Antotiya,

²⁵ Yifedeya ne Penuel bɔ bɛte Sasake mma mmienzua ne.

²⁶ Samserae, Seharia, Atalia,

²⁷ Yaaresia, Elia yeɛ Sikri bɔ bɛte Yeroham mma mmienzua ne.

²⁸ Sɔ mmenia nemɔ yeɛ né bɛlela bɛ nana mɔ sasofoɛ noa ɔ, na né bɛte atitire wɔ b’aworɛ ndoatoasoɛ nu. Né bɛte Yerusalem.

Benyaminfoɛ bɔ bɛwɔ Gibeon ne Yerusalem ɔ

²⁹ Yeyil bɔ ɔwa ole Gibeon ne, né ɔte Gibeon, na ɔye dumaa li Maaka.

³⁰ Yeyil mma mmienzua mɔ ɛhe: Abedon te bamuɛbaa, yeɛ afei Sure, Kise, Baal, Nadabo,

³¹ Gedɔ, Ahio, Sekere,

³² yeɛ Miklote bɔ ɔwa ole Simea ne. Sɔ mmenia nemɔ, bɛ ne bɛ nwo ama bɛtenane bepingyele bɛ mmusuafoɛ ngaa nemɔ wɔ Yerusalem.

Nana Sɔɔlo abusua

³³ Nɛɛ wole Kise; Kise wole Sɔɔlo; Sɔɔlo wole Yonatan, Malkisua, Abinadabo yeɛ Esibaal.

³⁴ Yonatan awa bienzua ole Meribaal, yeɛ Meribaal wole Mika.

³⁵ Mika mma mmienzua mɔ ole Piton, Mɛlɛke, Tarea ne Ahase.

³⁶ Ahase wole Yehoada; Yehoada wole Alemete, Asimawete ne Simri; Simri wole Mosa.

³⁷ Mosa wole Binea; Binea wole Rafa; Rafa wole Eleasa yeɛ Eleasa wole Asel.

³⁸ Asel wole mmaa mmienzua nzia, na bɛ dumaa mɔ ɛhe: Asrikam, Bokeru, Yismael, Searia, Obadia yeɛ Hanan. Bɛ mukoraa bɛte Asel mma mmienzua.

³⁹ Asel aliɛma Eseke, ye mma mmienzua mɔ ɛhe: Yulam te bamuɛbaa, Yeyuse tɔ so nyɔ, yeɛ Elifɛlɛte tɔ so nza.

⁴⁰ Yulam mma mmienzua nemɔ, né bɛte koɛhonɛfoɛ ahoneserɛfoɛ ne agyaentolɛfoɛ. Bele mmaa ne nnomaa pee bɔ bɛ somaa te ɛyaa ko aburannu ɔ. Bɛ mukoraa bɛte Benyaminfoɛ.