1 Aberɛso Dwirɛ 7 - AHYERƐLƐ KRONGRON

Yisaka boso ama

¹ Yisaka mma mmienzua mɔ, bɛte nna. Bɛ ole Tola, Pua, Yasubo, yeɛ Simron.

² Tola mma mmienzua mɔ ole Yusi, Refaya, Yeriɛl, Yamae, Yibesam, yeɛ Semuel. Bɛ mu bɛlela bɛ mmusua mmusua nemɔ noa. Na Dawide aberɛ so, né Tola boso ama bɔ bɛkora bɛkɔ koɛ ɔ, bɛte apee aburanyɔ ne nyɔ ne ɛyaa nzia.

³ Yusi ɔwa bienzua ole Yisrahia, na Yisrahia mma mmienzua mɔ ole Mikayɛl, Obadia, Yowel ne Yisia. Bɛte nnu, na bɛ mukoraa bɛlela bɛ mmusua mmusua mɔ noa.

⁴ Ɔnate kyɛ begyigyale mmraa pee ná bɛwole mmaa mmienzua pee ne ati, bɛ boso ama bɔ né bɛkora bɛkɔ koɛ ɔ, b’aworɛ ndoatoasoɛ ne, kyɛbɔ bɛ nana mɔ sasofoɛ te ɔ, bɛte apee aburasa ne nzia.

⁵ Yisaka abusua kure ne, bɛ mmusua mmusua ne anu ama amukoraa, bɛ bɔ bɛkora bɛkɔ koɛ ɔ, bɛhale bɛ kyɛbɔ b’aworɛ ndoatoasoɛ te ne, bɛte apee aburawɔtwɛ ne nzoo.

Benyamin boso ama

⁶ Benyamin mma mmienzua nemɔ, bɛte nza. Bɛ ole Bela, Bekya yeɛ Yediayɛl.

⁷ Bela mma mmienzua mɔ te nnu. Bɛ ole Esebon, Yusi, Yusiɛl, Yerimote yeɛ Yiri. Né bɛlela bɛ nana mɔ sasofoɛ nemɔ noa. Bɛte koɛhonɛfoɛ ahoneserɛfoɛ, na bɛhale bɛ boso ama kyɛbɔ b’aworɛ ndoatoasoɛ te ne, bɛte apee aburanyɔ ne nyɔ ɔne aburasa ne nna.

⁸ Bekya mma mmienzua mɔ ole Semira, Yoase, Eliesa, Elionae, Omri, Yeremote, Abiya, Anatote yeɛ Alemete. Bɛ mukoraa bɛte Bekya mma mmienzua,

⁹ na né bɛlela bɛ nana mɔ sasofoɛ nemɔ noa. Bɛte koɛhonɛfoɛ ahoneserɛfoɛ, na bɛhale bɛ boso ama kyɛbɔ b’aworɛ ndoatoasoɛ te ne, bɛte apee aburanyɔ ɛyaa nyɔ.

¹⁰ Yediayɛl awa bienzua ole Bilhan, na Bilhan mma mmienzua mɔ ole Yeyuse, Benyamin, Ehude, Kenaana, Setan, Tasise yeɛ Ahisahare.

¹¹ Bɛ mukoraa bɛte Yediayɛl mma mmienzua. Bɛte koɛhonɛfoɛ ahoneserɛfoɛ bɔ bɛlela bɛ nana mɔ sasofoɛ nemɔ noa ɔ. Bɛhale bɛ ne, bɛte apee buru ne nzoo ɛyaa nyɔ bɔ bɛkora bɛkɔ koɛ ɔ.

¹² Yiri mma mmienzua mɔ ole Supim ne Hupim, yeɛ Ahere awa bienzua ole Husim.

Nafetali boso ama

¹³ Nafetali boso ama mɔ ole Yahesiɛl, Guni, Yesare yeɛ Salum. Bɛte Bilha ye boso ama.

Manase boso ama

¹⁴ Manase mma mmienzua bɔ ɔne ye sómaa Sirianiɛ braa bie bɛwole bɛ nemɔ, bɛ ole Aseriɛl ne Makyiri bɔ ɔwa ole Gileade ne.

¹⁵ Na Makyiri gyale bra mane Hupim ne Supim. Makyiri aliɛma brasua ole Maaka. Makyiri bosoniɛ ne bie ole Selofehade, na Selofehade wole mmrasua ngome.

¹⁶ Makyiri aye Maaka wole baa bienzua, na ɔtole ye dumaa Perese. Perese aliɛma bienzua li Sɛrese, na ye mma mmienzua mɔ ole Yulam ne Rekem.

¹⁷ Yulam awa bienzua ole Bedan. Gileade bɔ ye baba ole Makyiri, bɔ ye baba ole Manase ne, ye boso ama mɔ ɛne.

¹⁸ Gileade aliɛma brasua Hamolekete wole Yisdode, Abiesa yeɛ Mahela.

¹⁹ Semida mma mmienzua mɔ ole Ahian, Sɛkem, Liki yeɛ Aniam.

Efraim boso ama

²⁰ Efraim awa bienzua ole Sutela, bɔ ɔwole Berede, bɔ ɔwole Tahate, bɔ ɔwole Eleada, bɔ ɔwole Tahate, bɔ ɔwole

²¹ Sabade, bɔ ɔwole Sutela ne. Efraim mma mmienzua bieku mɔ ole Esere ne Eleade. Na Gatefoɛ bɔ bɛwole bɛ wɔ aseɛ ne aso ne, behuni bɛ munyɔ, ofikyɛ bɛhɔle Gatefoɛ nemɔ dɔ bɛɛbɔle bɛ nyɛmmoa mɔ so apaa.

²² Yiti bɛ baba Efraim suni bɛ ngyẽa pee, na oliɛma mmienzua mɔ wale bɛɛkyekyele ye wora.

²³ Na Efraim ne ɔye bɛlale. Braa ne nwonzɛle wole baa bienzua, na Efraim tole ye dumaa Beria, ofikyɛ edwirɛ piri yeɛ né wato ye awuro ama ɔ.

²⁴ Efraim awa brasua ole Seera bɔ ɔkyekyele Bete Horon ngwaen ne sorɔ, yeɛ Yusen Seera ne.

²⁵ Efraim awa ole Refa, bɔ ɔwole Resefe, bɔ ɔwole Tela, bɔ ɔwole Tahan, bɔ ɔwole

²⁶ Ladan, bɔ ɔwole Amihude bɔ ɔwole Elisama, bɔ ɔwole

²⁷ Nun, bɔ ɔwole Yosua ne.

²⁸ B’agyapadeɛ ne b’atenaleɛ mɔ ole Betel ne ye nwo nguro mɔ, yeɛ Naaran bɔ ɔwɔ eyia afiteleɛ so, Gɛsɛre bɔ ɔwɔ eyia atɔleɛ so ne ye nwo nguro, Sɛkem ne ye nwo nguro, toonn kodwu Aya ne ye nwo nguro,

²⁹ kɔfa Manasefoɛ wɛen so, Bete Sean ne ye nwo nguro, Taanake ne ye nwo nguro, Megido ne ye nwo nguro, yeɛ Dɔɔ ne ye nwo nguro. Sɔ nguro nemɔ aso yeɛ né Yisrael awa Yosef ye boso ama bɛtete ɔ.

Asɛ boso ama

³⁰ Asɛ mma mmienzua mɔ ole Yimina, Yisiwa, Yisiwi yeɛ Beria, na b’eliɛma brasua ole Sera.

³¹ Beria mma mmienzua mɔ ole Heberi ne Malkiɛl bɔ ɔwa ole Birisate ne.

³² Heberi wole Yaflete, Somere, Hotam ne b’eliɛma brasua Sua.

³³ Yaflete mma mmienzua mɔ ole Pasake, Bimihale yeɛ Asiwate. Yaflete mma mmienzua mɔ ɛne.

³⁴ Semere mma mmienzua mɔ ole Ahi, Rohega, Yehuba ne Aram.

³⁵ Semere aliɛma Helem, ye mma mmienzua mɔ ole Sofa, Yimina, Selese ne Amale.

³⁶ Sofa mma mmienzua mɔ ole Sua, Hanefere, Soale, Beri, Yimira,

³⁷ Besɛre, Hode, Sama, Silisa, Yitrane yeɛ Beera.

³⁸ Yeta mma mmienzua mɔ ole Yefune, Pisipa yeɛ Ara.

³⁹ Yula mma mmienzua mɔ ole Ara, Haniɛl yeɛ Risia.

⁴⁰ Bɛ mukoraa bɛte Asɛ boso ama, bɔ né bɛlela bɛ nana mɔ sasofoɛ noa ɔ. Bɛte koɛhonɛfoɛ ahoneserɛfoɛ bɔ baneanea nu baye bɛ ɔ, mbanyi nemɔ anu atitire. Bɛ bɔ bɛkora bɛkɔ koɛ ne, bɛhale bɛ kyɛbɔ b’aworɛ ndoatoasoɛ te ne, bɛ somaa te apee aburanyɔ ne nzia.