1 Aberɛso Dwirɛ 6 - AHYERƐLƐ KRONGRON

Lewi boso ama

¹ Lewi mma mmienzua mɔ ole Gɛsɔm, Kohate ne Merari.

² Kohate mma mmienzua mɔ ole Amram, Yisare, Hebron ne Yusiɛl.

³ Amram mma ole Aarɔn, Mose ne Miriam. Aarɔn mma mmienzua ole Nadabo, Abihu, Eleasa ne Yitama.

⁴ Eleasa wole Finehase, yeɛ Finehase wole Abisua.

⁵ Abisua wole Buki; Buki wole Yusi;

⁶ Yusi wole Serahia; Serahia wole Merayote;

⁷ Merayote wole Amaria; Amaria wole Ahitubo;

⁸ Ahitubo wole Sadoke; Sadoke wole Ahimaase;

⁹ Ahimaase wole Asaria; Asaria wole Yohanan;

¹⁰ Yohanan wole Asaria (ye yeɛ ɔyɔle sɔfo adwuma wɔ awuro bɔ Solomon sili ye wɔ Yerusalem ne anu ne).

¹¹ Asaria wole Amaria; Amaria wole Ahitubo.

¹² Ahitubo wole Sadoke; Sadoke wole Salum;

¹³ Salum wole Hilkia; Hilkia wole Asaria;

¹⁴ Asaria wole Seraya yeɛ Seraya wole Yehosadake.

¹⁵ Na mmerɛ bɔ AWURADE mane Nebukadenesa hyele Yudafoɛ ne Yerusalemfoɛ nnure ne, ɔhyele Yehosadake koso nnure bie.

¹⁶ Lewi mma mmienzua mɔ ole Gɛsɔm, Kohate ne Merari.

¹⁷ Gɛsɔm mma mmienzua mɔ ole Libini ne Simei.

¹⁸ Kohate mma mmienzua mɔ ole Amram, Yisare, Hebron ne Yusiɛl.

¹⁹ Merari mma mmienzua mɔ ole Maheli ne Musi. Lewifoɛ mmusua mmusua nemɔ ɛne, kyɛbɔ bɛ nana mɔ sasofoɛ te ɔ.

²⁰ Gɛsɔm boso ama ɛhe: Libini, Yahate, Sima,

²¹ Yoa, Yido, Sera, Yeaterae.

²² Kohate boso ama mɔ ɛhe: Aminadabo, Kora, Asire,

²³ Ɛlkana, Ebiasafe, Asire,

²⁴ Tahate, Yuriɛl, Yusia ne Sɔɔlo.

²⁵ Ɛlkana mma mmienzua ole Amasae ne Ahimote.

²⁶ Ahimote boso ama ole Ɛlkana, Sofaye, Nahate,

²⁷ Eliabo, Yeroham, yeɛ Ɛlkana.

²⁸ Samuel mma mmienzua mɔ ɛhe: Yowel te bamuɛbaa, yeɛ Abiya tɔ so nyɔ.

²⁹ Merari boso ama mɔ ole Maheli, Libini, Simei, Yusa,

³⁰ Simea, Hagiya yeɛ Asaya.

Dawide neanea nu ye edweintolɛfoɛ

³¹ Bɛɛfale Apam alaka ne bɛwale AWURADE awuro berɛ ne, Dawide fale AWURADE awuro berɛ edweintolɛ adwuma ne wurale mmenia biemɔ sa.

³² Bɛ yeɛ né bɛto dwein bɛfa bɛsɔne Nyameɛ wɔ nyianu ɛtena sua ne nyunu ɔ, kɔpem kyɛ Solomon sili AWURADE asɔneyɛɛ sua ne wɔ Yerusalem yiele ɔ. Na begyinane nhyehyɛleɛ bɔ bafa bama bɛ ne aso bɛyɔle b’adwuma.

³³ Mmenia bɔ bɛyɔle sɔ adwuma ne, bɛ ne bɛ mma mmienzua mɔ ɛhe: Kohatefoɛ bɛ deɛ ole edweintolɛniɛ Heman bɔ ye baba ole Yowel, bɔ ye baba ole Samuel,

³⁴ bɔ ye baba ole Ɛlkana, bɔ ye baba ole Yeroham, bɔ ye baba ole Eliɛl bɔ ye baba ole Toya,

³⁵ bɔ ye baba ole Sufe, bɔ ye baba ole Ɛlkana, bɔ ye baba ole Mahate, bɔ ye baba ole Amasae,

³⁶ bɔ ye baba ole Ɛlkana, bɔ ye baba ole Yowel, bɔ ye baba ole Asaria, bɔ ye baba ole Sefania,

³⁷ bɔ ye baba ole Tahate, bɔ ye baba ole Asire, bɔ ye baba ole Ebiasafe, bɔ ye baba ole Kora,

³⁸ bɔ ye baba ole Yisare, bɔ ye baba ole Kohate, bɔ ye baba ole Lewi, bɔ ye baba ole Yisrael ne;

³⁹ yeɛ Heman aliɛma bienzua Asafe bɔ ɔla edweintolɛfoɛ kure bɔ bɛwɔ ye sa famaa ne, bɛ noa ne. Asafe baba ole Berekia, bɔ ye baba ole Simea,

⁴⁰ bɔ ye baba ole Mikayɛl, bɔ ye baba ole Baaseya, bɔ ye baba ole Malkiya,

⁴¹ bɔ ye baba ole Eteni, bɔ ye baba ole Sera, bɔ ye baba ole Adaya,

⁴² bɔ ye baba ole Etan, bɔ ye baba ole Sima, bɔ ye baba ole Simei,

⁴³ bɔ ye baba ole Yahate, bɔ ye baba ole Gɛsɔm, bɔ ye baba ole Lewi ne.

⁴⁴ Edweintolɛfoɛ bɔ bɛwɔ Heman sa bɛen so ne, bɛte Merari boso ama, na Etan yeɛ ɔla bɛ noa ɔ. Etan ye baba ole Kisi, bɔ ye baba ole Abidi, bɔ ye baba ole Maluke,

⁴⁵ bɔ ye baba ole Hasabia, bɔ ye baba ole Amasia, bɔ ye baba ole Hilkia,

⁴⁶ bɔ ye baba ole Amisi, bɔ ye baba ole Bani, bɔ ye baba ole Semere,

⁴⁷ bɔ ye baba ole Maheli, bɔ ye baba ole Musi, bɔ ye baba ole Merari, bɔ ye baba ole Lewi ne.

⁴⁸ B’eliɛma Lewifoɛ ngaa nemɔ de, bɛfale nyianu sua bɔ ɔte AWURADE awuro ne, nu adwuma ngaa amukoraa bewurale bɛ sa.

⁴⁹ Na Aarɔn ne ye mma mmienzua nemɔ, bɛbɔle afɔleɛ wɔ naen yeralɛ afɔleɛ bokyea, ɔne ɛyɛɛ afɔleɛ bokyea nemɔ aso. Na bɛyɔle krongron nu krongron berɛ adwuma ne amu bɛfa bɛpatale bɛmane Yisrael, kyɛbɔ ahyɛdeɛ amukoraa bɔ AWURADE somvoɛ Mose hyɛ mane bɛ ne, ɔte ne ala.

⁵⁰ Aarɔn boso ama mɔ ɛhe: Ɔwa Eleasa wole Finehase; Finehase wole Abisua; Abisua wole Buki,

⁵¹ Buki wole Yusi; Yusi wole Serahia; Serahia wole

⁵² Merayote; Merayote wole Amaria; Amaria wole Ahitubo;

⁵³ Ahitubo wole Sadoke; yeɛ Sadoke wole Ahimaase.

Lewifoɛ bɛ nguro

⁵⁴ Aarɔn boso ama bɔ befi Kohate mmusua mmusua nemɔ anu ne, bɛ nguro ne b’aseɛ bɔ bɛnate serewagualɛ so bɛfa bɛmane bɛ nemɔ ɛhe; ofikyɛ b’aseɛ deɛ yeɛ serewagualɛ ne li moa yele ɔ:

⁵⁵ Hebron bɔ ɔwɔ Yuda aseɛ so ne, ɔne ye nwo aseɛ bɔ nyɛmmoa didi so ne, yeɛ bɛfa bɛmane bɛ ɔ.

⁵⁶ Nakoso kuro ne anwo mvofoen ne ye nwo namue nemɔ de, bɛfa bɛmane Yefune awa Kalebo.

⁵⁷ Mmenia nwo adwaabɔlɛ nguro nemɔ, bɛfa bɛmane Aarɔn mma mmienzua nemɔ. Nguro nemɔ ole Hebron ne Libina, ɔne bɛ nwo aseɛ bɔ nyɛmmoa didi so ɔ, Yatiri ne Ɛsetemoa ne bɛ nwo aseɛ bɔ nyɛmmoa didi so ɔ;

⁵⁸ Hilen ne ye nwo aseɛ bɔ nyɛmmoa didi so ɔ, Debiri ne ye nwo aseɛ bɔ nyɛmmoa didi so ɔ,

⁵⁹ Asan ne ye nwo aseɛ bɔ nyɛmmoa didi so ɔ, yeɛ Bete Semese ne ye nwo aseɛ bɔ nyɛmmoa didi so ɔ.

⁶⁰ Bɛyele nguro hemɔ koso befili Benyamin abusua kure b’aseɛ so bɛmane bɛ: Geba ne ye nwo aseɛ bɔ nyɛmmoa didi so ɔ, Alemete ne ye nwo aseɛ bɔ nyɛmmoa didi so ɔ, yeɛ Anatote ne ye nwo aseɛ bɔ nyɛmmoa didi so ɔ. Bɛ mmusua mmusua nemɔ anu, bɛ nguro ne amukoraa te buru ne nza.

⁶¹ Bɛnate serewagualɛ so bɛyele nguro buru befili Manase abusua kure ne bue b’aseɛ so bɛmane Kohate boso ama ngaa nemɔ.

⁶² Bɛyele nguro buru ne nza befili Yisaka, Asɛ, Nafetali mmusua kure aseɛ so, yeɛ Basan mbɔtam wɔ Manase aseɛ so bɛfa bɛmane Gɛsɔm boso ama nemɔ, kyɛbɔ bɛ mmusua mmusua nemɔ te ɔ.

⁶³ Bɛyele nguro buru ne nyɔ befili Ruben abusua kure, Gade abusua kure ne Sebulɔn abusua kure aseɛ so bɛmane Merari boso ama nemɔ, kyɛbɔ bɛ mmusua nemɔ te ɔ.

⁶⁴ Yiti Yisraelfoɛ fale sɔ nguro nemɔ ne bɛ nwo aseɛ bɔ nyɛmmoa didi so ɔ bɛmane Lewifoɛ nemɔ.

⁶⁵ Bɛnate serewagualɛ so bɛyeyele sɔ nguro bɔ babobɔ bɛ dumaa nemɔ befili Yuda abusua kure, Simeon abusua kure yeɛ Benyamin abusua kure b’aseɛ so bɛfa bɛmane bɛ.

⁶⁶ Bɛyele nguro ne bie befili Efraim abusua kure b’aseɛ so yeɛ bɛfa bɛmane Kohate boso ama nemɔ bɛ mmusua mmusua nemɔ bie ɔ.

⁶⁷ Bɛfale mmenia nwo adwaabɔlɛ nguro hemɔ bɛmane bɛ: Sɛkem ne ye nwo aseɛ bɔ nyɛmmoa didi so ɔ wɔ Efraim mmokaa aseɛ ne aso, Gɛsɛre ne ye nwo aseɛ bɔ nyɛmmoa didi so ɔ,

⁶⁸ Yokemeam ne ye nwo aseɛ bɔ nyɛmmoa didi so ɔ, Bete Horon ne ye nwo aseɛ bɔ nyɛmmoa didi so ɔ,

⁶⁹ Ayalɔn ne ye nwo aseɛ bɔ nyɛmmoa didi so ɔ, yeɛ Gate Rimon ne ye nwo aseɛ bɔ nyɛmmoa didi so ɔ.

⁷⁰ Na Manase abusua kure ne bue ne anu, bɛyele aseɛ hemɔ befili nu bɛmane Kohate mmusua ngaa nemɔ: Anere ne ye nwo aseɛ bɔ nyɛmmoa didi so ɔ, yeɛ Bileam ne ye nwo aseɛ bɔ nyɛmmoa didi so ɔ.

⁷¹ Bɛyele nguro hemɔ befili Manase abusua kure ne bue b’aseɛ nu bɛmane Gɛsɔm boso ama nemɔ: Golan bɔ ɔwɔ Basan ne ye nwo aseɛ bɔ nyɛmmoa didi so ɔ, yeɛ Astarote ne ye nwo aseɛ bɔ nyɛmmoa didi so ɔ.

⁷² Na Yisaka abusua kure ne anu koso, bɛyele nguro hemɔ befili nu bɛmane Gɛsɔm boso ama nemɔ: Kedese ne ye nwo aseɛ bɔ nyɛmmoa didi so ɔ, Daberate ne ye nwo aseɛ bɔ nyɛmmoa didi so ɔ,

⁷³ Ramote ne ye nwo aseɛ bɔ nyɛmmoa didi so ɔ, yeɛ Anem ne ye nwo aseɛ bɔ nyɛmmoa didi so ɔ.

⁷⁴ Asɛ abusua kure ne anu, bɛyele nguro hemɔ befili nu bɛmane Gɛsɔm boso ama nemɔ: Masal ne ye nwo aseɛ bɔ nyɛmmoa didi so ɔ, Abedon ne ye nwo aseɛ bɔ nyɛmmoa didi so ɔ,

⁷⁵ Hukoke ne ye nwo aseɛ bɔ nyɛmmoa didi so ɔ, yeɛ Rehobo ne ye nwo aseɛ bɔ nyɛmmoa didi so ɔ.

⁷⁶ Nafetali abusua kure ne anu, bɛyele nguro hemɔ befili nu bɛmane Gɛsɔm boso ama nemɔ: Kedese bɔ ɔwɔ Galilea ne ye nwo aseɛ bɔ nyɛmmoa didi so ɔ, Hamon ne ye nwo aseɛ bɔ nyɛmmoa didi so ɔ, yeɛ Kiriatim ne ye nwo aseɛ bɔ nyɛmmoa didi so ɔ.

⁷⁷ Bɛyele nguro hemɔ befili Sebulɔn abusua kure b’aseɛ nu bɛmane Merari boso ama ngaa nemɔ: Rimono ne ye nwo aseɛ bɔ nyɛmmoa didi so ɔ, yeɛ Tabɔ ne ye nwo aseɛ bɔ nyɛmmoa didi so ɔ.

⁷⁸ Asue Yɔɔdan eyia afiteleɛ so, wɔ Yeriko ndendeneɛ so ne, bɛyele nguro hemɔ befili Ruben abusua kure ne b’aseɛ so bɛmane Merari boso ama nemɔ: Besɛre bɔ ɔwɔ ɛserɛ so ne, ɔne ye nwo aseɛ bɔ nyɛmmoa didi so ɔ, Yasa ne ye nwo aseɛ bɔ nyɛmmoa didi so ɔ,

⁷⁹ Kedemote ne ye nwo aseɛ bɔ nyɛmmoa didi so ɔ, yeɛ Mefaate ne ye nwo aseɛ bɔ nyɛmmoa didi so ɔ.

⁸⁰ Na Gade abusua kure ne aseɛ koso, bɛyele nguro hemɔ befili nu bɛmane Merari boso ama nemɔ: Ramote bɔ ɔwɔ Gileade ne ye nwo aseɛ bɔ nyɛmmoa didi so ɔ, Mahanaim ne ye nwo aseɛ bɔ nyɛmmoa didi so ɔ,

⁸¹ Hesebon ne ye nwo aseɛ bɔ nyɛmmoa didi so ɔ, yeɛ Yasere ne ye nwo aseɛ bɔ nyɛmmoa didi so ɔ.