1 Aberɛso Dwirɛ 2 - AHYERƐLƐ KRONGRON

Yisrael mma ne Yuda boso ama

¹ Yisrael mma mmienzua mɔ ɛhe: Ruben, Simeon, Lewi, Yuda, Yisaka, Sebulɔn,

² Dan, Yosef, Benyamin, Nafetali, Gade ne Asɛ.

³ Yuda mma mmienzua mɔ ɛhe: Ɛre, Onan ne Hyela; sɔ mmenia nza nemɔ ɔne Kanaanniɛ braa Bate Sua yeɛ bɛwole bɛ ɔ. Na Yuda bamuɛbaa Ɛre, ɔyɔle bɔ ɔte amumuyɛɛ wɔ AWURADE nyunu ɔ, yiti AWURADE huni ye.

⁴ Yuda sia brasua Tamar koso ɔne Yuda bɛwole Pɛrɛse ne Sera. Yiti Yuda mma mmienzua nemɔ bɛ mukoraa bɛte nnu.

⁵ Pɛrɛse mma mmienzua ole Hesron ne Hamul.

⁶ Sera mma mmienzua ole Simri, Etan, Heman, Kalkole ne Dara: bɛ mukoraa bɛte nnu.

⁷ Karemi awa Akare yeɛ ɔhwehwene musue wale Yisrael so ne, ofikyɛ nningyein bɔ batu basie berɛ bama AWURADE ne, ɔfale bie.

⁸ Na Etan awa ole Asaria.

Dawide nana mɔ ne ye boso ama

⁹ Hesron mma mmienzua bɔ ɔwole bɛ nemɔ ɛhe: Yerameel, Ram ne Kyelubae.

¹⁰ Ram wole Aminadabo, yeɛ Aminadabo koso wole Nason bɔ ɔɔyɛle sona titire wɔ Yudafoɛ nu ne.

¹¹ Nason wole Salma, yeɛ Salma wole Boase.

¹² Boase wole Obɛde, yeɛ Obɛde wole Yese.

¹³ Yese mma nemɔ, bamuɛbaa ole Eliabo, Abinadabo tɔ so nyɔ, yeɛ Simea tɔ so nza,

¹⁴ Netanɛl tɔ so nna, Radae tɔ so nnu,

¹⁵ Osem tɔ so nzia, yeɛ Dawide tɔ so nzoo.

¹⁶ B’eliɛma mmrasua mɔ ole Seruya ne Abigail. Seruya mma mmienzua mɔ te nza: bɛ ole Abisae, Yoabo ne Asahel.

¹⁷ Abigail ne Yismaelniɛ Yeta bɛwole Amasa.

¹⁸ Hesron awa Kalebo ne ɔye Asuba bɛwole mmaa, na ɔne Yeriote koso bɛwole: Ye mma mmienzua mɔ ole Yesere, Sobabo ne Adɔn.

¹⁹ Asuba wuli ne, Kalebo gyale Efrate, na ɔne ye bɛwole Hure.

²⁰ Hure wole Yuri, na Yuri wole Besalel.

²¹ Ye si ye, Hesron ne Gileade baba Makyiri ɔwa brasua ne bɛlale. Hesron lili afoɛ aburasia yeɛ ogyale ye ɔ, na ɔne ye bɛwole Segubo.

²² Segubo wole Yari bɔ oolili nguro aburanyɔ ne nza so wɔ Gileade aseɛ so ne.

²³ Nakoso Gesure ne Aram belele Hawote Yari, yeɛ Kenate ne ye nwo nguro aburasia nemɔ befili bɛ sa nu. Berɛ mmenia nemɔ amukoraa bɛte Gileade baba Makyiri ye boso ama.

²⁴ Hesron wuli wɔ Kalebo Efrata. Na ye si ye, Hesron aye Abiya wole Tekoa baba Asure mane ye.

Yerameel boso ama

²⁵ Hesron bamuɛbaa Yerameel, ye mma mmienzua mɔ ɛhe: ye bamuɛbaa Ram, yeɛ Buna, Oren, Osem ne Ahiya.

²⁶ Né Yerameel le braa bieku bɔ bɛfrɛ ye Atara. Onam ye maame ɛne.

²⁷ Yerameel bamuɛbaa Ram, ye mma mmienzua mɔ ole Maase, Yamin ne Ekere.

²⁸ Onam mma mmienzua mɔ ole Samae ne Yada. Samae mma mmienzua mɔ ole Nadabo ne Abisure.

²⁹ Bɛfrɛ Abisure aye ne Abihail, na ɔne ye bɛwole Aheban ne Molide.

³⁰ Nadabo mma mmienzua mɔ ole Selede ne Apayim, na Selede wuli bɔ wanwo ba ɔ.

³¹ Apayim awa bienzua ole Yisi. Yisi awa bienzua ole Sesan. Sesan awa bienzua ole Ahelae.

³² Samae aliɛma bienzua Yada, ye mma mmienzua mɔ ole Yeta ne Yonatan; na Yeta wuli bɔ wanwo ba ɔ.

³³ Yonatan mma mmienzua mɔ ole Pelete ne Sasa. Yerameel boso ama mɔ ɛne.

³⁴ Sesan wanwo baa bienzua; ɔwole mmrasua ngome. Nakoso né Sesan le Misraimniɛ kanganiɛ bienzua bie bɔ bɛfrɛ ye Yareha ɔ.

³⁵ Yiti Sesan fale ɔwa brasua mane ye kanganiɛ Yareha gyale, na ɔne ye bɛwole Ataye.

³⁶ Ataye wole Natan, na Natan wole Sabade.

³⁷ Sabade wole Efelale, na Efelale wole Obɛde.

³⁸ Obɛde wole Yehu, na Yehu wole Asaria.

³⁹ Asaria wole Helese, na Helese wole Eleasa.

⁴⁰ Eleasa wole Sisimae, na Sisimae wole Salum.

⁴¹ Salum wole Yekamia, na Yekamia wole Elisama.

⁴² Yerameel aliɛma bienzua Kalebo, ye mma mmienzua mɔ, Sife baba Mesa yeɛ ɔte bamuɛbaa ɔ. Hebron baba Maresa, ye mma mmienzua koso bɛte Kalebo boso ama.

⁴³ Hebron mma mmienzua mɔ ole Kora, Tapua, Rekem ne Sema.

⁴⁴ Sema wole Yorekeam baba Raham, na Rekem wole Samae.

⁴⁵ Samae wole Mayɔn, yeɛ Mayɔn wole Bete Sure.

⁴⁶ Kalebo sómaa Efa wole Haran, Mosa ne Gasese, na Haran wole Gasese.

⁴⁷ Yahedae mma mmienzua mɔ ole Regyem, Yotam, Gesan, Pelete, Efa ne Saafe.

⁴⁸ Kalebo sómaa Maaka wole Sebere ne Tihana.

⁴⁹ Braa ne sa wole Mademana baba Saafe, yeɛ Makebena ne Gibea bɛ baba Sewa. Kalebo ɔwa brasua ole Akesa.

⁵⁰ Kalebo ye boso ama mɔ ɛne. Efrata ye bamuɛbaa Hure, ye mma mmienzua mɔ ɛhe: Sobal bɔ ɔkyekyele Kiriate Yearim ne,

⁵¹ Salma bɔ osuli Betlehemfoɛ ne, yeɛ Harefe bɔ ɔkyekyele Bete Gadere ne.

⁵² Sobal bɔ ɔkyekyele Kiriate Yearim ne, né ole mmaa mmienzua foforɛ mɔ. Bɛ ole Haroyefoɛ, bɔ bɛte Manahatefoɛ bɛ bue ne.

⁵³ Na mmusua mmusua bɔ bɛwɔ Kiriate Yearim ne, bɛ ɛhe: Yitrifoɛ, Putifoɛ, Sumatifoɛ, yeɛ Misirafoɛ. Bɛ boso ama mɔ ole Soratifoɛ ne Esetaofoɛ.

⁵⁴ Salma boso ama mɔ ɛhe: Betlehemfoɛ, Netofafoɛ, Atrote Bete Yoabo, Manahatefoɛ nemɔ bɛ bue, yeɛ Sorifoɛ.

⁵⁵ Ahyerɛlɛfoɛ mmusua mmusua bɔ bɛte Yabese ne, bɛ mmusua mɔ ɛhe: Tiratifoɛ, Simeatefoɛ, yeɛ Sukatifoɛ. Bɛte Kenifoɛ, na bɛ nana ole Hamate bɔ ye boso ama ole Rekabofoɛ ne.