ᒫᑎᐅᓯᐅᑉ ᐊᒡᓚᖏᑦ 3 - Aglait Ijjurnaittut

Juanasi Paaptitsirijiup Ajuriqtuininga

¹ Taissumani Juanasi Paaptitsiriji inuqanngittumi ajuriqtuiliqpuq Juutiamiittumi.

² Uqarluni, “Qaqialirissi, Guutiup Ataniuvinga qaglilirmat!”

³ Juanasi taannauvuq nalauttaijuup Aisaiasiup uqausirilauqtanga, imaak, “Inuqanngittumi qaigalaaqtuqaqpuq, ‘Ataniup aqqutiksanga aaqqiksuqsiuk; Aqqutiginiaqtanga tukiliaqsitillugu.’”

⁴ Juanasi annuraaqalauqpuq kaamiliup miqqunganik; tatsirutiqarluni amivinirmik, niqiqarlunilu pigliqtanik iguttaillu siirnautinginnik.

⁵ Tavva Jiruusalimmiut, Juutiamilu nunaqaqtut nanituinnaq, Kuup Juartaniup qanigijaani nunaqaqtulimaat takujaqtuqpaat,

⁶ ajurnirminik qaqialirmata, taassuma paaptippait kuungmi Juartanimi.

⁷ Paarisilli Saajjusiillu amisut tikitini paaptitsivingminut takugamigit, uqautivait, “Quglugiangujaaqtusi, kia qimaaquvaasi Guutiup ninngangninganit pijumaaqtumit?

⁸ Qaqialirnisi nalunailiqsiuk piniarnitsigut,

⁹ pasijaksaunginnasugittailigissi isumalusi, ‘Aiprahaam kinguvaarivaatigut’; uqautivassili, Guuti makuninga ujarangnik Aiprahaammut kinguvaarijauliqtitsijunnaqpuq!

¹⁰ Ulimaut atuinnauliqpuq napaaqtut amaanngitigut nakatiriniaqtuq; napaaqtulimaat piujumik pirurviunngittut nakatauniaqput igitaulutik ikumamut.

¹¹ Imarmut paaptippassi qaqialirnissinnut nalunaikkutauqullugu, kingunikkulli qainiaqtuq uvannit ajunnginniqsarjuanguvuq, naluqqutivunga, aglaat itigagutinginnik tigumiariaksaq, taassuma paaptittumaaqpaasi Anirnirmut Ijjurnaittumut ikumamullu.

¹² Taassuma niaquujaksanik saniijaijjutini tigumiaqpaa, niaquujaksanik siqalitsivingminit niaquujaksaunngittut avitittumallugit niaquujaksanit, niaquujaksaillu sirluarminut katittumaaqpait, iviuningit ikuallagumaaqpait ikumamut qamisuittumut.”

Jiisusiup Paaptitauninga

¹³ Taissumani Jiisusi Galiliamit Juartanimut tikippuq, Juanasimut paaptitaujumalluni.

¹⁴ Juanasiulli nuqqaqtigasuarlugu uqautivaa, “Uvanga paaptitaujariaqaraluaqpunga ilingnut, ivvilli uvannut qaingaaqputit!”

¹⁵ Jiisusiup kiuvaa, “Maanna taimailirli; taimailiuqtilluta piviksaq nalliutivuq Guutiup atuqtauqujanganik.” Tavva Juanasiup angiqpaa.

¹⁶ Jiisusi paaptitaujariirami imaanit qakivuq, qakingmallu tavvainnaq takugit qilak angmaqpuq, Guutiup Anirninga aqqaqtuq takuvaa tingmiatitut tuuvitut, Jiisusimiilirluni.

¹⁷ Nipimik qilangmit nilliqtuqaqpuq uqaqtumik, “Una tavva Irnira nagligijara, quviagitsiaqtara.”