ᒫᑎᐅᓯᐅᑉ ᐊᒡᓚᖏᑦ 28 - Aglait Ijjurnaittut

Jiisusiup Makinninga

¹ Sapati anigurmat, pinasuarusiup sivulliqpaangata ullaangani qaummalisaaqtillugu, Miari Maaktaliini taassumalu asia Miari iluvirmik takujaqtuqpuuk.

² Takugit, nuna sajukpillaktualuuvuq; Ataniup aingilinga qilangmit aqqaqpuq, iluviup matunga ujaragjuaq aksakaqtippaa, qanganut ingilluni.

³ Taassuma saqqinninga qaummalaktitut tauttuqalauqpuq, annuraangit aputitut qakuqtigillutik.

⁴ Unataqtuksait qaujimanasuaqtitaujut kappiasungnirmut nukingirutivut tuqungajutitut taimailirlutik.

⁵ Aingilik arnaangnut uqaqpuq, “Kappiasunngillusik; qaujimavunga Jiisusimik qiniriarassik kikiaktuqtaulauqtumik.

⁶ Tavvaniittunniiqpuq; makisimalirmat, suurlu ilissinnut uqalaurami. Atii qailusik takuqsiuk nallangavigilauqtanga.

⁷ Maanna tuavirlusik ilinniaqtingit uqautijaqtuliqsikkuk tuqungajunit makisimalirmat, takugit, sivunissinni Galiliamuarniaqpuq; taikani takuniaqpasi! Iqqaumagissi tamakkuninga uqausirijannik.”

⁸ Tavva tuavirlutik iluvirmit qimaruutivuuk, kappiasuglutik quviasummariglutiglu, ullaksivuuk ilinniaqtinginnut uqariaqturlutik.

⁹ Takugit, Jiisusiup kativait uqautillugik, “Saimaniup najurlisik.” Taakkuak upagutivuuk, itigangit akturlugit, tuksiarvigivaak,

¹⁰ tavva Jiisusiup uqautivaak, “Kappiasunngillusik; qatanngutikka uqautijaqtuqsikkuk Galiliamuaqulugit, tavvani takuniaqpaanga.”

Iluvirmi Qaujisaqtuvinit Uqariaqturningit

¹¹ Arnaak ilamingnualiqtillugik, takugit, unataqtuksait ilangit qaujimanasuaqtiulauqtut iluvirmik iglugasangnut utiqput tunirrusiqtitsijit angajuqqaanginnut unikkaarlutik tamainnik piniarniulauqtunik.

¹² Tunirrusiqtitsijilli angajuqqaangit, Juutilu angajuqqaangit katimallutik angiqatigiikkamik, unataqtuksait kiinaujanik amisunik akiliqpait,

¹³ uqarlutik, “Uqaqattarniaqpusi unnuakkut siniktillusi Jiisusiup timinga ilinniaqtinginnut tigligiaqtuqtaulaurnirarlugu.

¹⁴ Aulatsijiujuq nunattinnik tamatuminga tusaqtitaukpat, uqautiniaqpavut pasijaksaunnginnissinnik tamatumunga, tamatuminga isumajaarutiqariaqarnianngilasi.”

¹⁵ Tavva iluvirmi qaujisalauqtut kiinaujait tiguvait piniaqujaunirijamitut pinasualirlutik; tamanna uqausiulauqtuq suli Juutinit uqausiuqattaqpuq, ullumimut tikillugu.

Jiisusiup Saqqinninga Ilinniaqtiminut

¹⁶ Tavva ilinniaqtit 11 Galiliamuaqput, qaqqamualutik Jiisusiup upaktauqulauqtanganut.

¹⁷ Jiisusi takugamijjut paammaktirvigivaat; ilangilli qulaqput.

¹⁸ Jiisusiup upaglugit uqautivait, “Pijunnarnirnik tamainnik tunisiviuvunga qilangmi nunarjuamilu.

¹⁹ Taimaimmat inuuqatigiigjuanut ailirissi, ilinniaqtinnguqtitsigiaqturlusi: paaptillugillu Ataataup Irniullu Anirniullu Ijjurnaittuup atingani,

²⁰ ajuriqturlugillu maliqullugit ilissinnut piqujinirilauqtannik tamainnik; takugit taimanngalimaaq ilaginiaqpassi, silarjuap naggataa tikillugu.”