ᒫᑎᐅᓯᐅᑉ ᐊᒡᓚᖏᑦ 1 - Aglait Ijjurnaittut

Jiisusi Christuusiup Sivuliviningit

¹ Ukua nalunaiqsivut Jiisusi Christuusiup sivulivininginnik, taanna Taivitiup kinguvaarilautanga, Aiprahaamlu kinguvaarilluniuk.

² Aiprahaam irniqtaarivaa Aisaki, Aisaki irniqtaaqpuq Jaikumik, Jaikup irniqtaapuq Juutamik qatanngutinginnillu.

³ Juuta irniqtaaqpuq Pirisi Jiiralu anaanaqaqtuuk Tamaarimik, Pirisi irniqtaapuq Hisran, Hisran irniqtaarivaa Raam,

⁴ Raamiullu irniqtaarivaa Aminatap, Aminataullu irniqtaarivaa Naisana, Naisanaullu irniqtaarivaa Saalman,

⁵ Saalmanaullu irniqtaarivaa Puasi Raihaapimit, Puasiullu irniqtaarivaa Upiti Ruutimit, Upitiullu irniqtaarivaa Jisi,

⁶ Jisiullu irniqtaarivaa angajuqqaarjuaq Taiviti. Taivitimit pigiarlugit Paapiluunimut aullarujjauninginnut tikillugit, taakkua kinguvaarit titiraqsimagivut; Taivitiup irniqtaarivaa Suulumuuni Juraiap nuliarilauqtanganit.

⁷ Suulumuuniup irniqtaarivaa Rihupuam, Rihupuam irniqtaarivaa Apaija, Apaijaup irniqtaarivaa Aisa,

⁸ Aisaup irniqtaarivaa Jihuusapat, Jihuusapat irniqtaarivaa Juraam, Juraamiup irniqtaarivaa Usaia,

⁹ Usaiaup irniqtaarivaa Juutam, Juutamiup irniqtaarivaa Aihas, Aihasiup irniqtaarivaa Hisikaia,

¹⁰ Hisikaiaup irniqtaarivaa Manasi, Manasiup irniqtaarivaa Aimuusi, Aimuusiup irniqtaariva Jusaia,

¹¹ Jusaiaup irniqtaarivaa Jikunaia qatanngutingillu, tavvani Paapiluunimut aullarujjaulilauqput.

¹² Paapiluunimut aullarujjauninganit kinguvaariit titiraqsimagivut; Jikunaiaup irniqtaarivaa Sialtiul, Sialtiuliup irniqtaarivaa Jirupapiul,

¹³ Jirupapiuliup irniqtaarivaa Apiut, Apiutiup irniqtaarivaa Iliakim, Iliakimiup irniqtaarivaa Asuri,

¹⁴ Asuriup irniqtaarivaa Satuuk, Satuukiup irniqtaarivaa Akim, Akimiup irniqtaarivaa Iliut,

¹⁵ Iliutiup irniqtaarivaa Iliasa, Iliasaup irniqtaarivaa Maatana, Maatanaup irniqtaarivaa Jaiku,

¹⁶ Jaikuup irniqtaarivaa Juusipi Miariup uinga, taassuma irniqtaarivaa Jiisusi, taanna Christuusimik taijaujuq.

¹⁷ Tavva Aiprahaammit Taiviti tikillugu irniriit 14-nguvut, Taivitimillu Paapiluunimut aullarujjauningannut tikillugu irniriit 14-ngugivut, Paapiluunimullu aullarujjauninganit Christuusiup irnianguninga tikillugu irniriit 14-ngugivut.

Jiisusi Christuusiup Irnianguninga

¹⁸ Jiisusi Christuusiup irnianguninga imaak pilauqpuq. Anaananga Miari uiksaqalaurmat Juusipimik, katilauratigli Miari qaujijauvuq nutaraksaqaliqtuq Anirnirmit Ijjurnaittumit pijumik;

¹⁹ uiksanga Juusipi, piqujanik malitsiarami kanngusuktitsijumalaunngilaq Miarimik, isumaqaliqpuq qaujititsinngilluni avittumalluniuk.

²⁰ Tamatuminga isumaqaliqtillugu, takugit, Ataniup aingilingata saqqivvigivaa sinnaktuumakkut, uqarluni, “Juusipii, Taivitiup Irninga, sivuuraniarnak Miarimik nuliaqtaariaksaq, nutaraksanga Anirnirmit Ijjurnaittumit pingmat.

²¹ Irnirmik irnijumaaqpuq, taanna Jiisusimik atiqtaaqtilaaqpat, taassuma inuqutini piulijumaarmagit ajurninginnit.”

²² Tamanna taimailauqpuq Ataniup uqausingit nalauttaijukkut nalautsiliqullugit, imailijut:

²³ “Takugit, uiggasuk angummut aktuqtaulauqsimanngittuq nutaraksaqtaarumaaqpuq, irnirmik irnijumaarluni, taanna Imaanuilimik atiqaqtittumaaqpaat.” Atingata tukinga imailivuq, “Guutiup najuqpaatigut”.

²⁴ Juusipi siningminit tupakami, Ataniup aingilingata uqausingit maliglugit pinasualauqpuq; nuliaksani Miari nuliaqtaarivaa.

²⁵ Katimatuinnalauqpaali, aktulaurnagu, irnirmik irnilauqqaaqtinnagu; inuungmallu atiqtaaqtippaa Jiisusimik.