ᓴᑲᕅᐊᐅᑉ ᐊᒡᓚᖏᑦ 8 - ᐊᒡᓔᑦ ᐃᑦᔪᕐᖕᓁᑦᑐᑦ

ᐊᑕᓂᐅᑉ ᐊᖏᕐᓂᖓ ᔨᕉᓴᓕᒥᒃ ᐅᑎᕐᑎᑦᓯᔪᒪᓪᓗᓂ ᐱᐅᓯᕆᓚᐅᕐᑕᖓᓄᑦ

¹ ᓱᓕ ᐊᑕᓂᐅᑉ ᐊᔪᒐᖃᖏᑦᑑᑉ ᐅᖃᐅᓯᖓᑕ ᑎᑭᓚᐅᕐᐹᖓ. ᐅᖃᕐᓗᓂ;

² ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᐊᖏᔪᐊᓗᖕᒥᒃ ᓯᕐᓈᕋᒪ ᓮᐅᓂ ᐱᑦᔪᑎᒋᓪᓗᒍ; ᐊᑭᕋᖏᑦ ᓯᕐᓈᕐᕕᒋᒐᒃᑭᑦ ᓇᒡᓕᖕᓂᕋ ᐊᖏᔪᐊᓘᖕᒪᑦ ᓮᐅᓂᒧᑦ.

³ ᐃᒫᒃ ᐊᑕᓂᖅ ᐅᖃᕐᐳᖅ, ᓮᐅᓂᒧᑦ ᐅᑎᕐᓂᐊᕐᐳᖓ ᔨᕉᓴᓕᒥᓗ ᐃᓂᖃᓕᕐᓗᖓ. ᓄᓇᓕᒡᔪᐊᑦ ᑕᕝᕙᓂ ᑍᔭᐅᓕᕈᒫᕐᐳᑦ ᓱᖁᓯᔪᐃᑦᑐᒥᒃ, ᖃᖅᑲᕐᓗ ᓄᓇᓖᑦ ᐃᓂᒋᔭᖓ ᑍᔭᐅᓕᕈᒫᕐᐳᖅ ᐊᑕᓂᐅᑉ ᖃᖅᑲᖓᓂᒃ ᐃᑦᔪᕐᓁᑦᑐᒥᒃ.

⁴ ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ; ᐃᓄᑐᕾᑦ ᓂᖏᐅᑦ ᐃᑦᑐᐃᓪᓗ ᔨᕉᓴᓕᐅᑉ ᐊᖅᑯᑎᖏᑕ ᓯᓚᑖᓂ ᐃᒃᓯᕚᕈᓐᓇᕐᓯᔪᒫᕆᕗᑦ, ᐊᔭᐅᑉᐱᐊᑎᒡᓗ ᑎᒍᒥᐊᕐᓗᒋᑦ ᐃᓄᑐᖃᐅᓗᐊᕐᓂᕐᒧᑦ.

⁵ ᓄᓇᓕᒡᔪᐊᓪᓗ ᐊᖅᑯᑎᖏᓐᓂ ᓄᑲᑉᐱᐊᑦ ᓂᕕᐊᕐᓵᓪᓗ ᐱᓐᖑᐊᕐᑐᑦ ᑕᑯᒃᓴᐅᓕᕈᒫᕆᕗᑦ.”

⁶ ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ: “ᑕᒪᓐᓇ ᐃᓱᒪᒋᓗᒍ ᑲᒪᓇᕐᑐᐊᓘᒐᔭᕐᐳᖅ ᒫᓐᓇ ᐊᒥᐊᑰᓪᓗᑎᒃ ᐃᓅᔪᓄᑦ, ᐅᕙᓐᓄᑦ ᑕᒪᓐᓇ ᐊᔪᕐᓇᕋᔭᕆᕚ? ᐊᑕᓂᖅ ᖁᑦᓯᖕᓂᕐᐹᖅ ᐅᖃᕐᐳᖅ.

⁷ ᐃᒫᒡᓗ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕆᕗᖅ: ᐃᓄᖁᑎᒃᑲ ᓴᐳᑎᔪᒫᕐᐸᒃᑲ ᓯᑭᓂᐅᑉ ᓄᐃᕕᐊᓃᑦᑐᑦ ᓂᐱᕕᐊᓃᑦᑐᓪᓗ.

⁸ ᐅᑎᕐᑎᑦᓱᒫᕐᐸᒃᑲ ᔨᕉᓴᓕᒥ ᐃᓂᖃᓕᖁᓪᓗᒋᑦ ᓯᕿᓂᐅᑉ ᓄᐃᓕᕐᕕᐊᓂᑦ ᓂᐱᕕᐊᓄᑦ; ᐃᓄᖁᑎᒋᔪᒫᕐᐸᒃᑲ, ᐅᕙᖓᓗ ᓱᖁᓯᔪᐃᑑᓗᖓ ᐃᖅᑲᕐᑐᐃᑦᓯᐊᕐᓗᖓᓗ ᑖᒃᑯᓄᖓ ᒎᑎᒋᔭᐅᔪᒫᕐᐳᖓ.”

⁹ ᐃᒫᒡᓗ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕆᕗᖅ: “ᐃᓕᑦᓯ ᒫᓐᓇ ᐅᖃᐅᓯᕐᓂᒃ ᑐᓴᕐᑐᓯ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓂᑦ ᐅᖃᐅᓯᐅᕙᓚᐅᕐᑐᑦ ᐊᑦᔨᖏᓐᓂᒃ ᐊᑕᓂᐅᑉ ᐃᒡᓗᖓᑕ ᑐᓐᖓᕕᖏᑦ ᓴᓇᔭᐅᕙᓪᓕᐊᑦᔪᑎᒃᓴᖏᓐᓄᑦ, ᐊᒡᒐᓯ ᓴᓐᖏᔫᑦᓯᐊᕐᓕᑦ ᑐᒃᓯᐊᕐᕕᒡᔪᐊᖅ ᓴᓇᔭᐅᔪᓐᓇᖁᓪᓗᒍ.

¹⁰ ᑍᑦᓱᒪᓂ ᑕᒪᑐᒪ ᓯᕗᕐᖓᓂ ᐃᖅᑲᓁᔭᕐᑐᖃᕈᓐᓇᓚᐅᓐᖏᓚᖅ ᐃᓄᖕᒥᒃ ᓂᕐᔪᑎᒥᒡᓘᓐᓃᑦ. ᑭᓇᓘᓐᓂᑦ ᓯᕘᕋᖏᓪᓗᓂ ᐱᓇᓱᐊᕈᓐᓇᓚᐅᓐᖏᓚᖅ ᐊᑭᕋᓂ ᐱᑦᔪᑎᒋᓪᓗᒋᑦ, ᐃᓄᓕᒫᑦ ᐃᓅᖃᑎᒥᖕᓂᒃ ᐊᑭᕋᕐᑐᕐᑎᓚᐅᕋᒃᑭᑦ.

¹¹ ᒫᓐᓇᓕ ᐃᓄᐃᑦ ᐊᒥᐊᒃᑰᔪᑦ ᐱᓇᓱᐊᕐᕕᒋᓂᐊᕐᐸᒃᑲ ᑍᑦᓱᒪᓂᑐᑦ,” ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

¹² “ᐱᕈᕐᓯᐊᒃᓴᓂᒃ ᐱᕈᕐᓰᕕᖕᒥᖕᓄᑦ ᐃᓕᐅᖅᑬᔪᒫᕐᐳᑦ ᓯᕘᕋᖏᓪᓗᑎᒃ. ᕔᓂᒃᓴᖁᑎᖏᓪᓗ ᐱᕈᕐᕕᐅᑦᓯᐊᕈᒫᕐᐳᑦ, ᓄᓇᒥᓗ ᐱᕈᕐᓯᐊᖏᑦ ᓂᕿᒃᓮᑦ ᐱᕈᑦᓯᐊᓗᕐᑎᒃ, ᓯᓚᓗᖃᑦᑕᑦᓯᐊᕐᓗᓂᓗ, ᑕᒪᒃᑯᐊ ᑍᒫᒃ ᐱᓇᓱᐊᕈᒪᕙᒃᑲ ᐃᓄᐃᑦ ᐊᒥᐊᒃᑯᑦ ᑭᖑᕐᖑᑦᔨᖁᓪᓗᒋᑦ ᑕᒪᑐᒥᖓ.

¹³ ᔫᑕᒥ ᐃᓴᕆᐊᓕᒥᓗ ᓄᓇᖃᕐᑐᓯ ᐃᓅᖃᑎᒌᒡᔪᐊᓂᑦ ᓇᕐᕈᓇᕐᓂᕋᕐᑕᐅᕙᒃᐳᓯ ᐱᐅᖏᑦᑐᐊᓘᓂᕋᕐᑕᐅᕙᒡᓗᓯᓗ, ᑍᒤᒻᒪᑦ ᓴᐳᑎᔪᒪᕙᑦᓯ, ᓮᒻᒪᕐᑕᐅᑦᔪᑎᒃᓴᐅᓕᕈᒫᕐᐳᓯ ᐊᓯᑦᓯᓐᓄᑦ, ᑲᑉᐱᐊᓱᓐᖏᓕᕆᑦᓯ ᓯᕘᕋᓇᓯᓗ.”

¹⁴ ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ: “ᑲᑉᐱᐊᓇᕐᑐᓄᑦ ᑎᑭᑕᐅᓂᐊᕐᓂᕋᕐᓗᒋᑦ ᓯᕗᓕᓯ ᓂᑲᒋᓇᒋᑦ ᐅᖃᐅᑎᕙᓚᐅᕋᒃᑭᑦ ᐅᕙᓐᓂᒃ ᑲᒪᔪᒪᖏᓐᓂᖏᓐᓂᒃ ᓂᓐᖓᒍᑎᖃᓚᐅᕋᒪ.

¹⁵ ᒫᓐᓇᓕ ᐱᐅᔪᒥᒃ ᐱᔪᒪᓕᕆᕗᖓ ᔨᕉᓴᓕᒧᑦ ᔫᑕᒧᓪᓗ. ᑍᒤᒻᒪᑦ ᓯᕘᕋᓇᓯ.

¹⁶ ᐃᒫᒃ ᑕᕝᕙ ᐃᓕᑦᓯᓐᓄᑦ ᐱᐅᓯᕆᔭᐅᖁᔭᒃᑲ: ᓱᓕᔪᒥᒃ ᐃᓕᑦᓯᓐᓄᑦ ᐅᖃᐅᓯᖃᖃᑦᑕᕐᓗᓯ. ᐃᖅᑲᕐᑐᐃᕕᖕᓂᓗ, ᓱᓕᑦᓯᐊᕐᑐᒥᒃ ᓮᒻᒪᕐᓮᔪᒥᒡᓗ ᐃᖅᑲᕐᑐᐃᖃᑦᑕᕐᓗᓯ.

¹⁷ ᐃᓅᖃᑎᑦᓯᓐᓄᑦ ᐱᐅᖏᑦᑐᒥᒃ ᐱᓂᐊᕐᕕᖃᕈᒪᓗᓯ ᐃᓱᒪᒃᓴᕐᓯᐅᕐᓂᐊᕐᓇᓯ, ᐊᖏᕐᑎᑕᐅᓯᒪᓗᓯᓗ ᓴᒡᓗᑎᖃᕐᓂᐊᕋᓯ. ᑕᒪᒃᑯᐊ ᑍᒤᓕᐅᕐᓃᑦ ᐆᒥᒋᕙᒃᑲ,” ᐊᑕᓂᖅ ᐅᖃᕐᐳᖅ.

¹⁸ ᓱᓕ ᐊᑕᓂᐅᑉ ᐊᔪᒐᖃᖏᑦᑐᑉ ᐅᖃᕐᕕᒋᕚᖓ. ᐅᖃᕐᓗᓂ:

¹⁹ “ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᓂᕆᑦᑍᓕᕖᑦ ᑕᖅᑮᑦ ᓯᑕᒪᖓᓐᓂ, ᑕᖅᑮᓪᓗ ᑕᓪᓕᒪᖓᓐᓂ, ᑕᖅᑮᓪᓗ 7ᖓᓐᓂ. ᑕᖅᑮᓪᓗ 10ᖓᓐᓂ, ᑖᒃᑯᐊ ᖁᕕᐊᓇᕐᓗᑎᒃ ᓯᕆᓂᐅᓕᕐᓗᑎᒡᓗ ᓇᓪᓕᐅᓐᓂᕐᓯᐅᕐᕕᐅᔪᒫᕐᐳᑦ ᔫᑕᒥ ᓄᓇᖃᕐᑐᓄᑦ. ᑐᑭᖃᕐᓗᑎᒃ ᓇᒡᓕᖕᓂᕐᒥᒃ ᓱᓕᑦᓯᐊᕐᓂᕐᒥᒡᓗ ᖃᓄᐃᖏᑦᓯᐊᕐᓂᕐᒥᒡᓗ.

²⁰ “ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ; ᓇᓪᓕᐅᑎᔪᒫᕐᐳᖅ ᐃᓄᐃᑦ ᐅᓄᕐᑐᑦ ᑎᑭᑦᓱᒫᕐᒪᑕ, ᓄᓇᓕᖕᓂᑦ ᐅᓄᕐᑐᓂᑦ ᐱᓯᒪᔪᑦ.

²¹ ᓄᓇᓖᑦ ᐃᒡᓗᒐᓴᒡᔪᐊᕐᒥ ᐊᑕᐅᓯᕐᒥ, ᓄᓇᓖᑦ ᐊᓯᖏᓐᓄᑦ ᐅᐸᒍᑎᔪᒫᕐᐳᑦ, ᐅᖃᕐᓗᑎᒡᓗ, ᑐᐊᕕᕐᓗᑕ ᐊᑕᓂᐅᑉ ᓵᖓᓄᑦ ᑐᒃᓯᐊᕆᐊᕐᑐᓕᕐᑕ, ᕿᓚᖕᒥᐅᖔᓴᒡᔪᐃᑦ ᐊᑕᓂᖓᑦ ᕿᓂᕐᓗᒍ: ᐊᑕᓂᖅ ᐅᖃᕆᕗᖅ ᐅᕙᖓᑦᑕᐅ ᕾᔪᒪᒋᕗᖓ.

²² ᐃᓄᐃᑦ ᐅᓄᕐᑐᑦ ᐃᓅᖃᑎᒌᒡᔪᐊᓪᓗ ᓴᓐᖏᔪᑦ ᕾᔪᒫᕐᐳᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᕿᓂᕈᒪᓪᓗᒍ ᔨᕉᓴᓕᒥ, ᑐᒃᓯᐊᕐᓗᑎᒡᓗ ᐊᑕᓂᐅᑉ ᓵᖓᓂ.

²³ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᒫᒃ ᐅᖃᕐᐳᖅ; ᐅᓪᓗᓂ ᑍᒃᑯᓇᓂ ᐃᒫᒃ ᐱᔪᖃᕈᒫᕐᐳᖅ, ᐊᖑᑎᑦ ᖁᓕᑦ ᐃᓅᖃᑎᒌᒡᔪᐊᓂᑦ ᐅᖃᐅᓯᖃᑎᒌᖏᑦᑐᑦ, ᔫᑎᒥᒃ ᐊᓐᓄᕌᖓᒍᑦ ᑎᒍᓯᔪᒫᕐᐳᑦ ᐅᖃᐅᑎᓗᒍᓗ, ‘ᑍᑯᓐᖓᖃᑎᒋᓚᐅᕐᓚᑦᑎᒋᑦ ᑐᓴᐅᒪᒐᑦᑕ ᒎᑎᐅᑉ ᐃᓚᒋᖕᒪᓯ.’”