ᓴᑲᕅᐊᐅᑉ ᐊᒡᓚᖏᑦ 2 - ᐊᒡᓔᑦ ᐃᑦᔪᕐᖕᓁᑦᑐᑦ

ᑕᑯᑎᑕᐅᓂᖅ ᐆᒃᑐᑎᒥᒃ ᐃᓯᕕᓯᒪᔪᒥᒃ

¹ ᐊᒻᒪ ᓱᓕ ᑕᑯᑎᑦᔪᑎᐅᑉ ᐊᓯᐊᓂᒃ ᑕᑯᒋᕗᖓ, ᐊᖑᒻᒥᒃ ᐆᒃᑑᑎᒥᒃ ᑎᒍᒥᐊᕐᑐᒥᒃ.

² ᐊᐱᕆᕙᕋᓗ “ᓇᒧᖓᐅᕕᑦ?” ᑖᓐᓇᓗ ᑭᐅᕗᖅ, “ᔨᕉᓴᓕᒥᒃ ᐆᒃᑐᕆᐊᕐᑐᕐᐳᖓ, ᖃᓄᖅ ᑕᑭᑎᒋᖕᒪᖔᑦ ᖃᓄᕐᓗ ᓴᓂᒧᑐᑎᒋᖕᒪᖔᑦ.”

³ ᐂᖏᓕᓗ ᐅᖃᖃᑎᒋᓚᐅᕐᑕᕋ ᑕᑯᕙᕋ ᓯᕗᒧᑦ ᐱᓱᓯᔪᖅ, ᐊᓯᐊᑕᑦᑕᐅᖅ ᐂᖏᓕᐅᑉ ᐹᕆᐊᕐᑐᕐᐹ.

⁴ ᐹᕐᑕᒥᓄᓪᓗ ᐅᖃᕐᐳᖅ, “ᐅᓪᓚᒡᓗᑎᑦ ᐃᓅᓱᒃᑐᖅ ᑍᓐᓇ ᐅᖃᐅᑎᔭᕐᑐᕈᒃ ᐃᒫᒃ, ‘ᔨᕉᓴᓕᒻ ᓄᓇᓕᒡᔪᐊᖓ ᐊᕙᓗᕐᔪᐊᖃᕈᓐᓁᕈᒫᕐᐳᖅ ᐃᓄᖃᓗᐊᓕᕐᓂᖓᓄᑦ ᐆᒪᔪᖁᑎᖃᓗᐊᓕᕐᓂᖏᓐᓄᓪᓗ.

⁵ ᐊᑕᓂᖅ ᐅᖃᕐᒪᑦ, ᐅᕙᖓ ᓇᖕᒥᓂᖅ ᐃᑯᒪᐅᓗᖓ ᐊᕙᓗᕐᔪᐊᕆᔭᐅᔪᒫᕐᐳᖓ, ᐃᒡᓗᒐᓴᒡᔪᐊᓂᒡᓗ ᑖᒃᑯᓂᖓᑦ ᑲᑦᔮᕐᓇᕐᑎᑦᓯᔪᒫᕐᐳᖓ.’”

ᓄᓇᒥᖕᓂᑦ ᐊᐅᓪᓚᕐᑎᑕᐅᓯᒪᔪᑦ ᐊᖏᕐᕋᒥᖕᓄᑦ ᐅᑎᖁᔭᐅᕗᑦ

⁶ “ᐊᐅᓪᓚᓕᕆᑦᓯ! ᐊᐅᓪᓚᓕᕆᑦᓯ! ᕿᒫᓕᕆᑦᓯ ᓯᕿᓂᐅᑉ ᑕᕐᕋᖓᑕ ᓄᓇᖏᓐᓂᑦ,” ᑍᒫᒃ ᐊᑕᓂᖅ ᐅᖃᕐᐳᖅ, “ᓄᓇᓄᑦ ᐅᖓᓯᒃᑐᓄᑦ ᓇᒧᑐᐃᓐᓇᖅ ᐊᐅᓪᓚᕐᑎᓯᒪᒐᑦᓯ.

⁷ ᐊᐅᓪᓚᓕᕆᑦ ᓮᐅᓃ! ᕿᒫᓗᑎᓪᓗ, ᐹᐱᓘᓂᐅᑉ ᓄᓇᖓᓂ ᓄᓇᖃᖃᑕᐅᔪᓯ!”

⁸ ᑕᒪᓐᓇ ᐱᓪᓗᒍ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᐅᐱᒋᓚᐅᖅᑳᕐᓗᓂᖓ ᑎᓕᕚᖓ, ᐃᓅᖃᑎᒌᒡᔪᐊᓄᑦ ᔫᑎᐅᖏᑦᑐᓄᑦ ᐃᓕᑦᓯᓐᓂᒃ ᓵᓚᖃᖅᑳᕐᓯᒪᔪᓄᑦ, ᐃᓕᑦᓯᓐᓂᒡᓗ ᐊᒃᑐᐃᓯᒪᔪᑦ, ᑕᕝᕙ ᐊᑕᓂᐅᑉ ᐱᓐᓇᕆᔭᖓᓂᒃ ᐊᒃᑐᐃᓯᒪᕗᑦ.

⁹ ᑖᒃᑯᐊ ᐊᑕᓂᐅᑉ ᓇᖕᒥᓂᖅ ᓱᒋᐊᕐᓂᐊᕐᐰᑦ, ᓯᐊᓛᕆᓚᐅᕐᑕᖏᓐᓂᓪᓘᓐᓃᑦ ᐊᒡᓛᑦ ᓵᓚᐅᔪᓐᓇᓕᕐᓗᑎᒃ ᑍᒤᓕᕐᐸᑦ ᑕᕝᕙ ᐃᓄᐃᑦ ᖃᐅᔨᔪᒫᕐᐳᑦ ᐊᑕᓂᐅᑉ ᐊᔪᒐᖃᖏᑦᑑᑉ ᑎᓕᓯᒪᖕᒪᖓ.”

¹⁰ ᐊᑕᓂᖅ ᐅᖃᕐᐳᖅ, “ᐃᓐᖏᕆᑦᓯ ᖁᕕᐊᓱᒡᓗᓯ ᓮᐅᓂᒥᐅᖑᔪᓯ! ᕾᓂᐊᕋᒪ ᐃᓂᑦᓯᓐᓂ ᐃᓂᖃᖃᑕᐅᔭᕐᑐᕐᓗᖓ!

¹¹ ᑍᑦᓱᒪᓂᐅᓕᕐᐸᑦ ᐃᓅᖃᑎᒌᒡᔪᐊᑦ ᐅᓄᕐᑐᑦ ᐊᑕᓂᕐᒧᑦ ᕾᔪᒫᕐᐳᑦ ᐅᕙᖓᓗ ᐃᓄᖁᑎᒋᔪᒫᕐᐸᒃᑲ, ᐊᑯᓐᓂᖓᓐᓂ ᐃᓂᖃᕈᒫᕐᐳᖓ, ᖃᐅᔨᔪᒫᕐᐳᓪᓗ ᐊᑕᓂᐅᑉ ᐊᔪᒐᖃᖏᑦᑑᑉ ᑎᓕᓚᐅᕐᒪᖓ ᐃᓕᑦᓯᓐᓄᑦ.

¹² ᐊᑕᓂᐅᑉ ᓱᓕ ᔫᑕ ᐱᑖᕆᒃᑲᓐᓂᕈᒫᕆᕚ ᓄᓇᖁᑎᒥᓄᑦ ᐃᑦᔪᕐᓁᑦᑐᒧᑦ ᐃᓚᓕᐅᑎᓗᒍ, ᔨᕉᓴᓕᓗ ᓂᕈᐊᕐᓯᒪᔭᒥᓂᒃ ᑍᒃᑲᓐᓂᓕᕈᒫᕆᕚ.

¹³ ᐃᓄᓕᒫᖑᔪᓯ ᓂᐸᖏᓕᕆᑦᓯ, ᐊᑕᓂᐅᑉ ᓇᔪᒐᖓᓂ, ᑖᓐᓇ ᐊᓂᓕᕐᒪᓐ ᐃᓂᒋᔭᒥᓂᑦ ᐃᑦᔪᕐᓁᑐᒥᑦ.”