ᓴᑲᕅᐊᐅᑉ ᐊᒡᓚᖏᑦ 12 - ᐊᒡᓔᑦ ᐃᑦᔪᕐᖕᓁᑦᑐᑦ

ᓯᕗᓂᒃᓴᒥ ᔨᕉᓴᓕᐅᑉ ᓴᐳᑎᔭᐅᔪᒫᕐᓂᒃᓴᖓ

¹ ᐊᑕᓂᐅᑉ ᐅᖃᐅᓯᖓ ᐃᓴᕆᐊᓕᒥᐅᑦ ᐱᓪᓗᒋᑦ, ᐊᑕᓂᖅ ᕿᓚᓕᒫᒥᒃ ᓈᓯᓯᒪᔪᖅ, ᓄᓇᕐᔪᐊᒥᒡᓗ ᑐᓐᖓᕕᓕᐅᓚᐅᕐᑐᖅ, ᐃᓄᖕᒥᒡᓗ ᐊᓂᕐᓂᕐᑖᕐᑎᑦᓯᓚᐅᕐᑐᖅ, ᐃᒫᒃ ᐅᖃᕐᐳᖅ:

² “ᑕᑯᒋᑦ ᔨᕉᓴᓕᒻ ᐃᒥᐅᑎᑐᑦ ᕔᓂᒥᒃ ᐃᒪᓕᒃᑐᑦ ᑍᒤᑎᑦᓱᒪᕙᕋ ᓄᓇᓖᑦ ᐊᕙᑖᓃᑦᑐᑦ ᑖᑦᓱᒪᖓᑦ ᐃᒥᕈᒫᕐᐳᑦ ᐋᖓᔮᕐᑐᑎᑐᓪᓗ ᑍᒤᓕᕐᓗᑎᒃ, ᑖᒃᑯᐊ ᔫᑕᒥᒃ ᔪᕉᓴᓕᒥᒡᓗ ᐊᕙᓗᓯᓯᒪᔪᒫᕐᐳᑦ.

³ ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔨᕉᓴᓕᒻ ᐅᔭᕋᓱᒡᔪᒃᑎᑐᑦ ᐅᖁᒤᑦᑑᑎᑦᓱᒫᕐᐸᕋ, ᑖᑦᓱᒥᖓ ᐊᐅᓚᑦᔧᓇᓱᐊᕐᑐᑦ ᐃᒻᒥᖕᓂᒃ ᐋᓐᓂᖃᑦᑕᕈᒫᕐᐳᑦ, ᐃᓅᖃᑎᒌᒡᔪᐊᑦ ᓇᑭᑐᐃᓐᓇᖅ ᐱᓯᒪᔪᑦ ᐊᑭᕋᕐᑐᕋᓱᒃᑲᓗᐊᕐᐸᑕ.

⁴ ᐊᑕᓂᖅ ᐅᖃᕐᐳᖅ, ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᕿᒻᒥᕐᔪᐊᓕᒫᑦ ᑕᑕᒥᑎᑦᓱᒫᕐᐸᒃᑲ, ᐃᑭᒪᔪᓪᓗ ᑐᑭᖃᕈᓐᓁᕐᑎᓪᓗᒋᑦ: ᔫᑕᒥ ᓄᓇᖃᕐᑐᑦ ᐃᔨᓐᓄᑦ ᑕᑯᓐᓈᕈᒫᕋᒃᑭᑦ, ᐃᓄᐃᓪᓗ ᓄᓇᓂᑦ ᐊᓯᖏᓐᓂᑦ ᐱᓯᒪᔪᑦ ᕿᒻᒥᕐᔪᐊᖏᑦ ᑕᐅᑐᒍᓐᓁᕐᑎᑦᓱᒫᕐᐸᒃᑲ.

⁵ ᔫᑕᐅᑉ ᐊᐅᓚᑦᓯᔨᖏᑦ ᐆᒻᒪᑎᒥᒍᑦ ᐅᖃᕈᒫᕐᐳᑦ, ‘ᔨᕉᓴᓕᒻ ᐃᓄᖏᑦ ᓴᓐᖏᔪᐊᓘᕗᑦ, ᒎᑎᖃᕋᒥᒃ ᐊᑕᓂᕐᒥᒃ ᐊᔪᒐᖃᖏᑦᑐᒥᒃ.’

⁶ “ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔫᑕᐅᑉ ᐊᐅᓚᑦᓯᔨᖏᑦ ᐃᑯᒪᑎᑐᑦ ᑍᒤᑦᓱᒫᕐᐳᑦ ᐃᑯᐊᓪᓚᖅᑯᑎᑎᑐᑦ ᓇᐹᕐᑐᒐᓴᒡᔪᐊᓂ, ᐃᑭᑦᓯᔪᑎᑐᓪᓘᓐᓃᑦ ᐃᕕᖕᓂᒃ ᓂᐊᖂᔭᒃᓴᓂᒃ ᐱᕈᕐᓰᕕᖕᒥ. ᓄᖒᑦᓯᔪᒫᕐᓗᑎᒡᓗ ᐃᓄᓕᒫᓂᒃ ᐊᕙᑎᒥᖕᓃᑦᑐᓂᒃ. ᔨᕉᓴᓕᒥᓕ ᓄᓇᖃᕐᑐᑦ ᐊᒃᑐᕐᑕᐅᔪᒫᓐᖏᓚᑦ ᐃᓂᒥᖕᓂ.

⁷ “ᐊᑕᓂᐅᑉ ᔫᑕᒥ ᐃᒡᓗᖃᕐᑐᑦ ᓯᕗᓪᓕᐅᓗᑎᒃ ᓴᐳᑎᔪᒫᕐᐰᑦ, ᑍᕕᑎᐅᑉ ᑭᖑᕚᖏᑦ ᔨᕉᓴᓕᒥᐅᓪᓗ ᐅᐱᓐᓇᕐᓂᕐᒥᖕᓄᑦ ᐊᖏᓂᕐᓴᐅᓇᓱᒋᖁᓇᒋᑦ ᔫᑕᒥ ᓄᓇᖃᕐᑐᓂᑦ.

⁸ ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᔨᕉᓴᓕᒥ ᓄᓇᖃᕐᑐᑦ ᓴᐴᓗᑕᖃᕐᑎᑦᓱᒫᕐᐰᑦ; ᑕᕝᕙᓂ ᓴᖕᒌᓐᓂᐸᖑᔪᑦ ᑍᕕᑎᑐᑦ ᑍᒤᑦᓱᒫᕐᐳᑦ; ᑍᕕᑎᐅᓪᓗ ᑭᖑᕚᖏᑦ ᒎᑎᑐᑦ ᑍᒤᓕᕐᓗᑎᒃ, ᐊᑕᓂᐅᑉ ᐂᖏᓕᖓᓂᑦ ᑕᓯᐅᕐᑕᐅᔪᑎᑐᑦ.

⁹ ᐅᓪᓗᕐᓗ ᑕᒪᓐᓇ ᓇᓪᓕᐅᑎᒃᐸᑦ ᓄᖑᕅᔭᕐᑐᕐᓗᖓ ᐃᖏᕐᕋᔪᒫᕐᐳᖓ, ᐃᓅᖃᑎᒋᒡᔪᐊᓂᒃ ᔨᕉᓴᓕᒥᒃ ᐅᓇᑕᕆᐊᕈᒪᔪᓂᒃ.

¹⁰ “ᑕᒪᓐᓇ ᓇᓪᓕᐅᑎᒃᐸᑦ ᑍᕕᑎᐅᑉ ᑭᖑᕚᖏᑦ ᔨᕉᓴᓕᒥᓗ ᓄᓇᖃᕐᑐᑦ ᑯᕝᕕᕆᔪᒫᕐᐸᒃᑲ ᐊᓂᕐᓂᕐᒥᒃ ᓂᑲᒍᓱᖕᓂᕐᒥᒃ ᑐᒃᓯᐊᕈᒪᓂᕐᒥᒡᓗ, ᐅᕙᓐᓄᓪᓗ ᑕᑯᓴᕈᒫᕐᐳᑦ ᑲᐱᓚᐅᕐᑕᒥᖕᓂᒃ ᑕᑯᓗᑎᒃ, ᕿᒃᓵᒡᓗᑎᒃ ᐃᓔᓕᕿᑦᔪᑎᒋᔪᒫᕐᐹᑦ ᑖᓐᓇ, ᐃᕐᓂᑐᐊᒥᓂᒃ ᑐᖁᔨᐊᖃᕐᑐᑎᑐᑦ, ᐊᖏᔪᒥᒃ ᕿᐊᑦᔪᑎᒋᔪᒫᕐᐹᑦ ᐊᖓᔪᒃᓯᕐᐹᖁᑎᒥᖕᓂᒃ ᐃᕐᓃᕐᑐᑎᑐᑦ.

¹¹ ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔨᕉᓴᓕᒥ ᐅᓄᕐᑐᒻᒪᕆᐊᓗᐃᑦ ᕿᐊᔪᒫᕐᐳᑦ, ᑍᒫᑦᓮᓐᓇᖅ ᕿᐊᔪᐊᓘᓚᐅᕐᓯᒪᖕᒪᑕ ᕼᐊᑖᑦ-ᕅᒨᓂ ᐱᓪᓗᒍ ᓇᕐᓴᒥ ᒥᒌᑐᒥ.

¹² ᓄᓇᓕᒫᖅ ᕿᒃᓵᒍᒫᕐᐳᖅ, ᑭᖑᕚᖑᖃᑎᒌᑦ ᐊᑐᓂᑦ ᕿᒃᓵᒍᒫᕐᐳᑦ; ᑍᕕᑎᐅᑉ ᑭᖑᕚᖏᑦ ᐃᓚᒌᑦ ᐃᓛᒃᑯᑦ ᓇᖕᒥᓂᖅ, ᓄᓕᐊᖏᓪᓗ ᐊᑐᓂᑦ, ᓁᑕᓂᐅᑉ ᑭᖑᕚᖏᑦ ᐃᓚᒌᑦ ᐃᓛᒃᑯᑦ, ᓄᓕᐊᖏᓪᓗ ᐃᓛᒃᑯᑦ;

¹³ ᐃᓚᒌᑦ ᓕᕔᑉ ᑭᖑᕚᖏᑦ ᐃᓛᒃᑯᑦ, ᓄᓕᐊᖏᓪᓗ ᐃᓛᒃᑯᑦ; ᐃᓚᒌᑦ ᓯᒥᐂᑉ ᑭᖑᕚᖏᑦ ᐃᓛᒃᑯᑦ, ᓄᓕᐊᖏᓪᓗ ᐃᓛᒃᑯᑦ;

¹⁴ ᐃᓚᒌᑦ ᑭᖑᕚᖑᖃᑎᒌᑦ ᐊᓯᖏᑦ ᐊᑐᓂᑦ ᐃᓛᒃᑯᑦ, ᓄᓕᐊᖏᓪᓗ ᐊᑐᓂᑦ ᐃᓚᒃᑯᑦ.”