ᓴᑲᕅᐊᐅᑉ ᐊᒡᓚᖏᑦ 11 - ᐊᒡᓔᑦ ᐃᑦᔪᕐᖕᓁᑦᑐᑦ

ᓵᓚᖃᕈᒪᔪᑦ ᑲᑕᒃᑎᑕᐅᓂᖏᑦ

¹ ᐅᒃᑯᐊᑎᑦ ᒪᑐᐃᒃᑭᑦ ᓕᐸᓇᓃ, ᓇᐹᕐᑐᖁᑎᑎᑦ ᑐᑭᓕᐊᕐᑐᑦ ᓰᑕᕇᑦ ᐃᑯᒪᒧᑦ ᓄᖑᑕᐅᖁᓪᓗᒋᑦ!

² ᓂᐹᒋᑦ ᓇᐹᕐᑑᖅ ᐅᖃᐅᔭᖃᓱᐃᑦᑐᑎᑦ; ᓇᐹᕐᑐᖅ ᑐᑭᓕᐊᕐᑐᖅ ᓰᑕᕆ ᐅᕐᕈᖕᒪᑦ; ᐊᔪᖏᑦᑐᕐᔪᐊᑦ ᓱᓇᐅᔪᓁᕐᒪᑕ! ᖁᕝᕕᐅᓕᕆᑦ ᐆᒃ ᐰᓴᓃᓪᓗ ᑎᓴᒃᑍᑦ ᓇᐹᕐᑐᑦ ᐹᓴᓂᒦᑦᑐᑦ; ᓇᐹᕐᑐᒐᓴᒡᔪᐊᓕᒫᑦ ᓇᑲᑎᕐᑕᐅᖕᒪᑕ!

³ ᑐᓵᓕᕐᓯᐅᒃ ᓂᐱ ᓂᐹᔪᖅ ᓰᐱᓕᕆᔩᑦ ᓂᐱᖓᑦ; ᑖᒃᑯᐊ ᐱᓐᓇᕐᓇᕐᓂᖓᑦ ᓱᓇᐅᔪᓐᓁᕐᒪᑦ: ᓂᐲᑦ ᑐᓵᓕᕐᓯᐅᒃ ᓛᔭᑦ ᓂᓪᓕᐊᔪᑦ; ᐅᕐᐱᒊᑦ ᓴᕐᓕᐊᕐᕕᖏᑦ ᔪᐊᕐᑕᓂᒥ ᐱᑕᖃᕈᓐᓁᕐᒪᑕ!

ᓰᐱᓕᕆᔩᒃ ᒪᕐᕉᒃ

⁴ ᐃᒫᒃ ᐊᑕᓂᖅ ᒎᑎᒐ ᐅᖃᕐᐳᖅ: “ᓰᐱᑦ ᑐᖁᑕᐅᕕᒃᓴᒥᖕᓄᑦ ᓇᓗᓁᑯᑦᓯᕐᓯᒪᔪᑦ ᓂᕆᑎᓐᓂᐊᑭᑦ.

⁵ ᓂᐅᕕᕐᑐᑦ ᑖᒃᑯᓂᖓ ᑐᖁᕅᕗᑦ ᓱᒋᐊᕐᑕᐅᓇᑎᒡᓗ. ᓂᐅᕐᕈᑎᖃᕐᑐᓪᓗ ᑖᒃᑯᓂᖓ ᐅᖃᕐᐳᑦ, ‘ᐊᑕᓂᖅ ᓂᕐᑐᕐᑕᐅᓕ; ᐊᔪᕐᓴᕈᓐᓁᕋᒪ!’ ᓇᖕᒥᓂᖅ ᓰᐱᓕᕆᔨᖏᑕ ᓴᐳᑎᓇᓱᐊᖏᓔᑦ.”

⁶ ᐃᓄᐃᑦ ᑕᒫᓂ ᓄᓇᖃᕐᑐᑦ ᓂᑲᒋᓂᐊᕈᓁᕐᐸᒃᑲ, ᐊᑕᓂᖅ ᐅᖃᕐᐳᖅ: ᑕᒤᑕ ᓴᓂᓪᓕᖏᓐᓄᑦ ᑐᓂᔪᒪᕙᒃᑲ ᐊᖓᔪᖅᑳᕐᔪᐊᖓᓐᓄᓪᓗ: ᑖᒃᑯᓇᓐᖓᑦ ᓄᓇᖓᑦ ᐱᓕᕆᐊᖑᔪᒫᕐᒪᑦ, ᑖᒃᑯᓇᖓᓪᓗ ᓴᐳᑎᓂᐊᓐᖏᓚᒃᑲ.

⁷ ᓰᐱᑦ ᑐᖁᑕᒃᓴᐅᓂᕐᒧᑦ ᓇᓗᓁᒃᑯᓯᕐᓯᒪᔪᑦ ᓂᕆᑎᑦᓱᒪᕙᒃᑲ, ᐱᓗᐊᕐᑐᒥᒃ ᓰᐱᑦ ᓇᕐᕈᓇᕐᓂᖏᑦ ᐊᒡᓛᑦ. ᐊᔭᐅᑉᐱᐊᖕᓂᒃ ᒪᕐᕉᖕᓂᒃ ᑎᒍᓯᓂᐊᕐᐳᖓ; ᐂᑉᐸᖓ ᑍᓗᒍ ᐱᓐᓇᕐᓇᕐᑐᒥᒃ, ᐂᐸᖓᓗ ᑍᓗᒍ ᐊᑕᐅᓯᐅᖃᑎᒌᖕᓂᕐᒥᒃ; ᓰᐱᑦ ᓂᕆᑎᓚᐅᕋᒃᑭᑦ.

⁸ ᑕᖅᑭᒥ ᐊᑕᐅᓯᕐᒥ ᓰᐱᓕᕆᔩᑦ ᐱᖓᓱᑦ ᓄᖅᑲᕐᑎᓚᐅᕐᐸᒃᑲ; ᑖᒃᑯᓇᓐᖓᑦ ᐊᑲᐅᒋᔭᐅᓚᐅᖏᓐᓇᒪ ᐅᕙᖓᓗ ᑕᖃᑦᔪᑎᓚᐅᕋᒃᑭᑦ.

⁹ ᐅᖃᓚᐅᕐᐳᖓ, “ᓂᕆᑎᓐᓂᐊᕈᓐᓁᕐᐸᑦᓯ, ᑐᖁᓕᕐᑐᑦ ᑐᖁᓕᕐᓕᑦ, ᐊᓯᐅᓕᕐᑐᓪᓗ ᐊᓯᐅᓕᕐᓕᑦ. ᐊᒥᐊᒃᑯᑦ ᐃᓅᖃᑎᒥᖕᓂᒃ ᓂᕿᖃᓕᕐᓕᑦ!”

¹⁰ ᐊᔭᐅᑉᐱᐊᕋᓗ ᐱᓐᓇᕐᓇᕐᑐᒥᒃ ᑍᔭᐅᔪᖅ ᑎᒍᕙᕋ, ᓇᐱᓪᓗᒍᓗ, ᐊᖏᖃᑎᒌᒍᑎᒋᓯᒪᔭᕋ ᐃᓅᖃᑎᒌᒡᔪᐊᓕᒫᓄᑦ ᓯᖁᒥᑉᐸᕋ.

¹¹ ᐅᓪᓗᒥ ᑍᑦᓱᒪᓂ ᓯᖁᒥᓚᐅᕐᐳᖅ, ᓰᐱᓂᒃ ᓂᐅᕕᕐᑐᑦ ᓂᐅᕐᕈᑎᓖᓪᓗ ᐅᕙᓐᓂᒃ ᑕᑯᔪᑦ, ᖃᐅᔨᒪᓚᐅᕐᐳᑦ ᑕᒪᓐᓇ ᐊᑕᓂᐅᑉ ᐅᖃᐅᓯᖓᓂᑦ ᐱᖕᒪᑦ.

¹² ᐅᖃᐅᑎᓚᐅᕐᐸᒃᑲᓗ, “ᑕᒪᓐᓇ ᓈᒻᒪᒐᓱᒋᒍᑦᓯᐅᒃ, ᐅᕙᓐᓄᑦ ᐊᑭᓖᓕᕆᓯ; ᓈᒻᒪᒐᓱᒋᖏᒃᑯᑦᓯᐅᒡᓕ ᑮᓇᐅᔭᓯ ᐱᓯᒪᓕᕐᓯᐅᒃ.” ᑍᒤᒻᒪᑦ ᓯᐅᓪᕕᕆᓂᒃ ᑮᓇᐅᔭᓂᒃ 30ᓂᒃ ᐊᑭᓕᓚᐅᕐᐹᖓ.

¹³ ᐊᑕᓂᐅᑉ ᐅᖃᐅᑎᕚᖓ, “ᒪᕐᕋᕐᓂᒃ ᐃᓗᓕᖁᑎᓕᐅᕐᑎᒧᑦ ᐃᒋᒃᑭᑦ.” ᑮᓇᐅᔧᑦ ᐅᕙᓐᓄᑦ ᐊᑭᓕᐅᑕᐅᔪᑦ ᑍᒫᒃ ᐊᑭᖃᕋᓱᒋᕚᖓ. ᑎᒍᓪᓗᒋᑦ ᑮᓇᐅᔧᑦ ᓯᐅᓪᕕᕆᑦ 30, ᐃᒋᓚᐅᕐᐸᒃᑲ ᒪᕐᕋᕐᓂᒃ ᐃᓗᓕᖁᑎᓕᐅᕐᑎᒧᑦ ᐊᑕᓂᐅᑉ ᐃᒡᓗᖓᓂ.

¹⁴ ᐊᔭᐅᑉᐱᐊᕐᒪᓕ ᐂᑉᐸᖓ ᓇᐱᒋᕙᕋ ᑍᔭᐅᔪᖅ ᐊᑕᐅᓯᐅᖃᑎᒌᖕᓂᕐᒥᒃ, ᓇᑲᓚᐅᕆᕚᒃᑲᒃ ᔫᑕᐅᓪᓗ ᐃᓴᕆᐊᓕᐅᓪᓗ ᖃᑕᖑᑎᒌᖕᓂᖏᒃ.

¹⁵ ᑕᕝᕙ ᐊᑕᓂᐅᑉ ᐅᖃᐅᑎᕚᖓ, “ᑎᒍᓕᒃᑭᑦ ᓯᓔᑦᑑᑉ ᓰᐱᓕᕆᔨᐅᑉ ᐱᓇᓱᐊᕈᑎᖏᑦ.

¹⁶ ᒪᑭᑎᑦᓯᔪᒫᕐᐳᖓ ᓰᐱᓕᕆᔨᒥᒃ ᑕᒫᓂ ᓄᓇᒥ, ᐊᓯᐅᓯᒪᔪᓂᒃ ᑲᒪᓂᐊᖏᑦᑐᒥᒃ, ᐃᓅᓱᒃᑐᓂᒡᓗ ᕿᓂᕐᓂᐊᖏᑦᑐᒥᒃ, ᐋᓐᓂᕐᓯᒪᔪᓂᒡᓗ ᐋᖅᑭᒃᓯᓇᓱᐊᖏᑦᑐᒥᒃ, ᖃᓄᐃᖏᑦᑐᓂᒡᓗ ᓂᕆᑎᑦᓯᓂᐊᖏᑦᑐᒥᒃ: ᓰᐱᓂᒡᓕ ᖁᐃᓂᔪᓂᒃ ᓂᕿᖃᕈᒫᕐᐳᖅ, ᐃᑎᒐᖏᓐᓂᒡᓗ ᐲᔧᔪᒫᕐᐳᖅ.

¹⁷ ᑲᑉᐱᐊᓐᓇᒦᒡᓕ ᑖᓐᓇ ᓰᐱᓕᕆᔨ, ᓰᐱᓂᒃ ᕿᒤᔪᖅ! ᑕᓕᖓ ᓴᕕᒡᔪᐊᒧᑦ ᐊᓇᐅᔭᐅᓕ, ᐃᔨᖓᓗ ᑕᓕᕐᐱᐊ ᑲᐱᔭᐅᓕ ᓴᕕᒡᔪᐊᕐᒧᑦ! ᑕᓕᖓ ᐸᓂᕐᓕ ᓄᑭᖃᕈᓐᓁᕐᓗᓂ, ᐃᔨᖓᓗ ᑕᐅᑐᒍᓐᓁᕐᓕ!”