ᓲᓗᒨᓂᐅᑉ ᐃᓐᖏᕈᓯᖏᑦ 2 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᓄᓇᕋᐅᕗᖓ ᕉᓯᒥᒃ ᐊᑎᓕᒃ ᓄᓇᒥᑦ ᓵᕋᓐᒥᑦ ᐱᓯᒪᕗᖓ, ᐱᕈᕐᓯᐊᖑᓪᓗᖓᓗ ᓕᓕᒥᒃ ᐊᑎᓕᒃ ᓇᑎᕐᓇᒦᑦᑐᖅ.

ᐊᖑᑦ

² ᐱᕈᕐᓯᐊᑐᑦ ᓕᓕᒥᒃ ᐊᑎᓕᒃᑐᑦ, ᑲᑭᓪᓚᕐᓇᕐᑐᑦ ᐊᑯᓐᓂᖓᓃᑦᑐᑐᑦ, ᓇᒡᓕᒋᔭᕋ ᑍᒤᑉᐳᖅ ᐅᐃᒡᒐᓱᐃᑦ ᐊᑯᓐᓂᖓᓂ.

ᐊᕐᓇᖅ

³ ᓇᐹᕐᑐᑐᑦ ᐋᐳᓂᒃ ᐸᐅᕐᖓᓕᒃᑐᑦ, ᓇᐹᕐᑐᑐᐃᓐᓁᑦ ᐊᑯᓐᓂᖓᓃᑦᑐᑐᑦ, ᓇᒡᓕᒋᔭᕋ ᑍᒤᑉᐳᖅ ᐊᖑᑏᑦ ᐃᓅᓱᒃᑐᐃᑦ ᐊᑯᕐᖓᓂ. ᖁᕕᐊᓱᒻᒪᕆᒡᓗᖓ ᐃᒃᓯᕚᕐᐳᖓ ᑕᕐᕋᓕᓂᖓᓂ, ᐸᐅᕐᖓᖏᓪᓗ ᒪᒪᕐᐳᑦ ᓂᕆᒋᐊᖏᑦ.

⁴ ᐃᒡᓗᒧᑦ ᓂᕆᕕᒡᔪᐊᕐᕕᖕᒧᑦ ᐃᑎᕐᑎᑉᐹᖓ, ᓮᒻᒪᑎᖓᓗ ᖁᓕᓐᓃᑦᑐᖅ ᓇᒡᓕᖕᓂᐅᕗᖅ.

⁵ ᓄᑭᒃᑖᕐᑎᓐᖓ ᐸᐅᕐᖓᐅᔭᓂᒃ ᓂᕆᑎᓪᓗᖓ, ᓄᑖᓐᖑᕐᑎᓚᐅᖓ ᐋᐳᓂᒃ ᓂᕆᑎᓪᓗᖓ, ᐅᖓᒋᔭᓐᓂᒃ ᐃᓱᒪᑐᐊᖃᓕᕋᒪ.

⁶ ᑕᕝᕙᑐᖅ ᓴᐅᒥᐊ ᓂᐊᖁᕐᒪ ᐊᑖᓃᓪᓕ, ᑕᓕᕐᐱᖕᒥᓄᓪᓗ ᐃᕿᒻᒥᓪᓗᖓ.

⁷ ᔨᕉᓴᓕᒥᐅᑦ ᐸᓂᖏᑦ ᐊᖏᒻᒪᕆᖁᕙᑦᓯ; ᒐᓯᐅᓖᑦ ᑐᒃᑐᖓᔪᓪᓗ ᐊᖅᑯᑎᒋᓗᒋᑦ, ᐸᒡᕕᓴᖁᓇᓯ ᑲᒪᖁᓇᓯᓗ ᓇᒡᓕᒃᑎᒌᖕᓂᖅ ᓈᒻᒪᒃᓯᖏᓐᓂᖓᓂ.

ᐃᓐᖏᕈᓯᐅᑉ ᐂᑉᐸᖓ ᐊᕐᓇᖅ

⁸ ᐅᖓᒋᔨᒪ ᓂᐱᖓ ᑐᓴᕐᐸᕋ. ᑕᑯᒋᑦ ᕾᕗᖅ, ᐊᓪᓗᖃᕐᑕᕐᓗᓂ ᖃᖅᑬᑦ ᖄᖏᑎᒍᑦ, ᐱᖑᐃᓪᓗ ᖄᖏᑎᒍᑦ ᕿᒡᒋᖃᕐᑕᕐᓗᓂ.

⁹ ᐅᖓᒋᔨᒐ ᒐᓯᐅᓕᑎᑐᑦ ᑍᒤᑉᐳᖅ, ᐸᖕᓂᕈᕋᑖᕐᑐᑎᑐᓪᓗ ᑕᑯᒋᑦ, ᐃᒡᓗᑦᑕ ᐊᑭᓐᓇᖓᑕ ᓯᓚᑖᓂ ᓇᖏᕐᐳᖅ, ᐃᓗᒻᒧᓪᓗ ᐃᒐᓛᒃᑯᑦ ᐃᑦᑐᐊᖓᓪᓗᓂ, ᑕᑯᓐᓇᕐᐳᖅ ᐱᕈᕐᓯᐊᒃᑯᕖᑦ ᐊᑯᓐᓂᖏᑎᒍᑦ.

¹⁰ ᐅᖓᒋᔨᒐ ᓂᓪᓕᕋᒥ ᐅᖃᕐᕕᒋᕚᖓ. “ᕾᓕᕆᑦ ᓇᒡᓕᒋᔮᒃ, ᐱᐅᒋᔮᒃ ᕾᓗᑎᑦ ᒪᓕᓐᖓ;

ᐊᖑᑦ

¹¹ ᑕᑯᒋᑦ, ᐅᑭᐅᖅ ᐊᓂᒍᕐᐳᖅ, ᓯᓚᓗᖃᑦᑕᕈᓐᓁᕐᓗᓂᓗ.

¹² ᓄᓇᒥ ᐱᕈᕐᑐᑦ ᓴᖅᑭᑉᐳᑦ. ᑐᓴᕐᓂᕋᕐᕕᒃ ᑕᕝᕙ ᓇᓪᓕᐅᑎᕗᖅ; ᑑᕖᑦ ᓂᓪᓕᐊᔪᑦ ᑐᓴᕐᓴᐅᓕᕐᐳᑦ ᓄᓇᑦᑎᓐᓂ.

¹³ ᓇᐹᕐᑐᑦ ᐱᒋᓕᖕᓂᒃ ᐸᐅᕐᖓᓖᑦ ᐱᕈᕇᓕᕐᐳᑦ, ᕔᓂᒃᓮᓪᓗ ᐱᕈᓕᕐᓱᑎᒃ; ᑎᐱᑦᓯᐊᕆᓕᕐᓱᑎᒡᓗ. ᒪᑭᓕᕆᑦ ᓇᒡᓕᒋᔮᒃ, ᐱᐅᒋᔮᒃ, ᕾᓗᑎᑦ ᒪᓕᓚᐅᓐᖓ.

¹⁴ ᑑᕕᖁᑏᒃ, ᕾᕐᑑᑉ ᖁᖕᓈᕈᖏᓐᓂ ᐃᓂᖃᕐᑐᑎᑦ, ᕾᕐᑑᑉ ᐃᔨᕐᓯᒪᕕᖏᓐᓂ, ᑮᓁᑦ ᑕᑯᓚᐅᕐᓚᒍ, ᓂᐲᓪᓗ ᑐᓴᕐᓚᒍ, ᑐᓴᕐᓂᕐᒪᑦ, ᐃᓂᖁᓇᕐᑐᐊᓘᓪᓗᑎᓪᓗ.

¹⁵ ᑎᕆᒐᓂᐊᕋᓱᒋᑦ, ᑎᕆᒐᓂᐊᕋᓛᓂᒃ, ᓱᒃᑯᐃᕙᖕᒪᑕ ᕔᓂᒃᓴᓂᒃ ᐱᕈᓕᕐᑐᓂᒃ, ᕔᓂᒃᓴᖁᑎᕗᑦ ᐱᕈᕇᓕᕐᒪᑕ.”

ᐊᕐᓇᖅ

¹⁶ ᓇᒡᓕᒋᔭᕋ ᐱᒋᕙᕋ ᐱᒋᒋᓪᓗᓂᖓᓗ, ᓰᐱᖁᑎᓂ ᓂᕆᑎᑉᐰᑦ ᐱᕈᕐᑐᑦ ᓕᓖᑦ ᐊᑯᕐᖓᓐᓂ.

¹⁷ ᐅᓪᓛᑯᑦ ᐊᓄᕋᔮᕐᓂᖓᓂ ᖃᐅᒻᒪᓚᐅᖏᓐᓂᖓᓂᓗ, ᓇᒡᓕᒋᔮᒃ ᐅᕙᓐᓄᑦ ᐅᑎᓚᐅᕆᑦ, ᒐᓯᐊᓕᑎᑐᑦ, ᐸᖕᓂᕈᕋᑖᕐᑐᑎᑐᓪᓘᓐᓃᑦ ᖃᖅᑲᓃᑦᑐᑎᑐᑦ.