ᕉᒪᒥᐅᓄᑦ 7 - ᐊᒡᓔᑦ ᐃᑦᔪᕐᖕᓁᑦᑐᑦ

ᓄᓕᐊᕇᖕᓂᐅᑉ ᐊᑦᔨᐅᔫᓂᖓ

¹ ᓇᓗᖏᓐᓇᑦᓯ ᐅᒃᐱᕐᑑᖃᑎᒃᑲ, ᐱᖁᔭᓂᒃ ᖃᐅᔨᒪᔪᓄᑦ ᐅᖃᕐᐳᖓ, ᐱᖁᔭᖅ ᐊᑐᒐᒃᓴᐅᖕᒪᑦ ᐃᓄᖕᒧᑦ ᐃᓅᓂᖓᓂ ᑭᓯᐊᓂ.

² ᐊᕐᓇᖅ ᐅᐃᓕᒃ ᕿᓚᒃᓱᕐᓯᒪᕗᖅ ᐱᖁᔭᑎᒍᑦ ᐅᐃᒥᓄᑦ ᐅᐃᖓᑕ ᐃᓅᓂᖓᓂ; ᐅᐃᖓᓕ ᑐᖁᒃᐸᑦ ᐱᖁᔭᒧᑦ ᕿᓚᒃᓱᕐᑕᐅᓯᒪᔪᓐᓃᕐᐳᖅ ᐅᐃᒥᓄᑦ.

³ ᐊᓯᓐᓂᐊᕐᑐᒥᒃ ᑍᔭᐅᒐᔭᕐᐳᖅ ᐊᖑᒻᒥᒃ ᐊᓯᐊᓂᒃ ᓇᔪᕐᑎᖃᕈᓂ ᐅᐃᖓ ᐃᓅᑎᓪᓗᒍ ᓱᓕ; ᐅᐃᖓᓕ ᑐᖁᒃᐸᑦ ᐱᖁᔭᒧᑦ ᕿᓚᒃᓱᕐᑕᐅᓯᒪᔪᓐᓃᕐᐳᖅ, ᐊᓯᐊᓂᒃ ᐅᐃᓂᒃᑲᓗᐊᕈᓂ ᐊᓯᓐᓂᐊᕐᑐᒥᒃ ᑍᔭᐅᓐᖏᓚᖅ.

⁴ ᑍᒤᒃᑭᕗᓯᑦᑕᐅᖅ ᐃᓚᒃᑳ, ᐱᖁᔭᒧᑦ ᑐᖁᓯᒪᒐᑦᓯ ᙭ᔅᑑᓯᐅᑉ ᑎᒥᖓᒍᑦ, ᐊᓯᑦᓯᓐᓄᑦ ᐱᑖᕆᔭᐅᖁᓪᓗᓯ, ᑖᑦᓱᒧᖓ ᑐᖁᖓᔪᓂᑦ ᒪᑭᓚᐅᕐᑐᒧᑦ ᒎᑎᐅᑉ ᐱᓇᓱᐊᕐᓂᖓᓄᑦ ᐸᐅᕐᖓᕆᔭᐅᖁᓪᓗᑕ.

⁵ ᑎᒥᒃᑯᑦ ᐃᓅᑎᓪᓗᑕ, ᐊᔪᕐᓂᕐᒥᒃ ᐱᔪᒪᓂᕗᑦ ᐱᖁᔭᓄᑦ ᐆᒻᒪᕐᑎᑕᐅᕗᑦ, ᑎᒥᕗᑦ ᐱᓇᓱᐊᕐᕕᐅᕗᑦ ᐱᕈᕐᕕᐅᖁᓪᓗᒋᑦ ᑐᖁᒥᒃ.

⁶ ᒫᓐᓇᓕ ᐱᖁᔭᒥᑦ ᐲᕐᑎᑕᐅᓯᒪᓕᕋᑦᑕ, ᑐᖁᖓᓕᕐᐳᒍᑦ ᑖᑦᓱᒧᖓ ᑎᒍᒥᐊᕐᑎᒋᓚᐅᕐᑕᑦᑎᓐᓄᑦ, ᑭᒡᒐᕐᑐᖁᓇᑕ ᐱᖁᔧᑦ ᑎᑎᕋᕐᓯᒪᔪᑐᕾᑦ ᒪᓕᒡᓗᒋᑦ, ᑭᒡᒐᕐᑐᖁᓪᓗᑕᓕ ᐃᓅᓯᕐᒥᒃ ᓄᑖᒥᒃ ᐊᓂᕐᓂᒃᑯᑦ.

ᒨᓯᓯᐅᑉ ᐱᖁᔭᖏᑦ ᐊᔪᕐᓂᕐᓗ

⁷ ᖃᓄᕐᓕ ᑍᒪ ᐅᖃᕐᓂᐊᓕᕐᐱᑖ? ᐱᖁᔧᑦ ᐊᔪᕐᓂᐅᓂᕋᕐᓗᒌᑦ? ᑍᒤᑦᑐᓐᓇᖏᓚᖅ! ᐱᖁᔭᖃᓚᐅᖏᑉᐸᑦ, ᐊᔪᕐᓂᖅ ᖃᓄᐃᑦᑑᖕᒪᖔᑦ ᖃᐅᔨᒪᒐᔭᓐᖏᓚᖓ. ᐃᒃᓯᒎᕐᓂᖅ ᖃᓄᐃᑦᑑᖕᒪᖔᑦ ᖃᐅᔨᒪᒐᔭᓐᖏᓚᖓ, ᐱᖁᔭᑦ ᐅᖃᓯᒪᖏᑉᐸᑕ, “ᐃᓅᖃᑎᕕᑦ ᐱᖁᑎᖓᓂᒃ ᐃᒃᖠᒎᕐᑐᒃᓴᐅᓐᖏᓚᑎᑦ.”

⁸ ᐊᔪᕐᓂᖅ ᐱᕕᒃᓴᖃᓕᕋᒥ ᐱᖁᔭᑎᒍᑦ, ᐅᕙᓐᓄᑦ ᓴᖅᑭᑎᑦᓯᓕᕐᐳᖅ ᓱᓇᑐᐃᓐᓇᕐᓂᒃ ᐃᒃᓯᒎᕐᓂᕐᒥᒃ. ᐱᖁᔭᖃᖏᑦᑐᓂ, ᐊᔪᕐᓂᖅ ᑐᖁᖓᖕᒪᑦ.

⁹ ᐱᖁᔭᖃᕐᓇᖓ ᐃᓅᓯᕐᒪ ᐃᓚᖓᓂ ᐃᓅᓚᐅᕋᒪ; ᐱᖁᔧᓪᓕ ᓴᖅᑭᒻᒪᑕ ᐊᔪᕐᓂᖅ ᐆᒻᒪᕐᐳᖅ ᑐᖁᓪᓗᖓᓗ.

¹⁰ ᖃᐅᔨᕗᖓ ᐱᖁᔭᖅ ᑖᓐᓇᑦᓮᓐᓇᖅ ᐃᓅᓯᕐᑖᕐᑎᑦᓯᓇᓱᐊᕐᑐᖅ ᐅᕙᓐᓂᒃ ᑐᖁᑎᑦᓯᖕᒪᑦ.

¹¹ ᐊᔪᕐᓂᖅ ᐱᖁᔭᒃᑯᑦ ᐱᕕᒃᓴᒥᓂᒃ ᓇᓂᓯᒐᒥ, ᐅᐃᕕᕆᕚᖓ, ᑖᑦᓱᒨᓇᓗ ᐱᖁᔭᒃᑯᑦ ᑐᖁᑕᐅᓪᓗᖓ.

¹² ᑍᒤᒻᒪᑦ ᐱᖁᔭᖅ ᐃᑦᔪᕐᓁᑉᐳᖅ, ᐱᖁᔧᓪᓗ ᖁᓕᑦ ᐃᑦᔪᕐᓁᒃᑭᕗᑦ, ᐃᓗᐊᕐᑑᓪᓗᑎᒡᓗ ᐱᐅᕗᑦ.

¹³ ᑍᒪᓖ ᑕᒪᑐᒪ ᐱᐅᔫᑉ ᑐᖁᑎᑉᐹᖔ? ᑍᒫᖑᓐᖏᓚᖅ! ᐊᔪᕐᓂᖅ ᓇᓗᓇᕈᓐᓁᖁᓪᓗᒍ ᐊᔪᕐᓂᐅᓂᖓᓂᒃ, ᐅᕙᓐᓄᑦ ᑐᖁᓐᓇᕐᑐᓐᖑᕐᐳᖅ ᐱᐅᔪᖅ ᐊᑐᕐᓗᒍ, ᐱᖁᔭᑎᒍᑦ ᐊᔪᕐᓂᖅ ᓇᓗᓁᕐᑕᐅᖁᓪᓗᒍ ᐊᔪᕐᓂᓪᓚᕆᐅᓂᖓ.

ᐃᓅᑉ ᐃᓗᒥᓂ ᐅᓇᑕᕐᓂᖃᓲᖑᓂᖓ

¹⁴ ᖃᐅᔨᒪᒐᑦᑕ ᐱᖁᔭᑦ ᒎᑎᒥᑦ ᐱᓯᒪᖕᒪᑕ; ᐅᕙᖓᓕ ᑎᒥᓐᓄᑦ ᐊᐅᓚᑕᐅᕗᖓ, ᐊᔪᕐᓂᕐᒧᑦ ᓂᐅᕐᕈᑕᐅᓯᒪᓪᓗᖓ.

¹⁵ ᐱᓂᐊᕐᓂᒃᑲ ᓇᖕᒥᓂᖅ ᑐᑭᓯᓐᖏᓚᒃᑲ. ᐱᓂᐊᕈᒪᔭᓐᓂᒃ ᐱᕙᖏᓐᓇᒪ, ᐱᐅᒋᓐᖏᑕᓐᓂᒡᓕ ᐱᓂᐊᕐᐸᒃᐳᖓ.

¹⁶ ᐱᓂᐊᕈᒪᓐᖏᑕᓐᓂᒡᓕ ᐱᓂᐊᕈᒪ, ᑕᕝᕙ ᐊᖏᕐᐳᖓ ᐱᖁᔭᖅ ᐱᐅᓂᕋᕐᓗᒍ.

¹⁷ ᑕᕝᕙ ᐅᕙᖓᐅᓐᖏᓚᖅ ᑍᒤᓕᐅᕐᑐᖅ, ᐊᔪᕐᓂᕐᓕ ᐃᓗᓐᓃᑦᑐᖅ ᑍᒤᓕᐅᕐᐳᖅ.

¹⁸ ᖃᐅᔨᒪᕗᖓ ᐱᐅᔪᒥᒃ ᐃᓗᓐᓃᑦᑐᖃᖏᒻᒪᑦ, ᑕᕝᕙ ᑎᒥᓐᓂ. ᓈᒻᒪᒃᑐᒥᒃ ᐱᔪᒪᓂᖃᕋᓗᐊᕐᐳᖓ, ᑭᓯᐊᓂᓕ ᐱᔪᓐᓇᓐᖏᓚᕋ.

¹⁹ ᐱᐅᔪᖅ ᐱᔪᒪᒐᓗᐊᕐᑕᕋ ᐊᑐᓐᖏᓚᕋ, ᐱᐅᖏᑦᑐᕐᓕ ᐱᔪᒪᓐᖏᑕᕋ ᐊᑐᕐᐸᕋ.

²⁰ ᐱᔪᒪᓐᖏᑕᓐᓂᒡᓕ ᐱᒍᒪ, ᑕᕝᕙ ᐅᕙᖓᐅᔪᓐᓃᕐᐳᖅ ᑍᒤᓕᐅᕐᑐᖅ, ᐊᔪᕐᓂᕐᓕ ᐃᓗᓐᓃᑦᑐᖅ ᑍᒤᓕᐅᕐᐳᖅ.

²¹ ᐱᖁᔭᖅ ᖃᐅᔨᕙᕋ ᐱᐅᔪᒥᒃ ᐱᓂᐊᖁᔨᔪᖅ ᓈᒻᒪᒃᑐᒥᒃ ᐱᓂᐊᕈᒪᑎᓪᓗᖓ, ᐱᐅᖏᑦᑑᓪᓕ ᓇᔪᕐᑎᒌᓐᓇᕐᐹᖓ.

²² ᒎᑎᐅᑉ ᐱᖁᔭᖏᑦ ᖁᕕᐊᒋᕙᒃᑲ, ᐃᓗᒃᑯᑦ.

²³ ᖃᐅᔨᕗᖓᓕ ᑎᒥᓐᓂ ᐱᖁᔧᑦ ᐊᓯᖏᓐᓂᒃ ᐅᓇᑕᕐᑐᓂᒃ ᐃᓱᒪᒪ ᐱᖁᔭᖓᓄᑦ ᑖᒃᑯᐊᓗ ᑎᒍᔭᐅᓯᒪᑎᑉᐹᖓ ᐊᔪᕐᓂᐅᑉ ᐱᖁᔭᖓᓄᑦ ᑎᒥᓐᓃᑦᑐᒧᑦ.

²⁴ ᐅᕙᖔᓗ ᖁᕕᐊᓇᖏᑦᑐᒦᑦᑐᖓ! ᑭᐊ ᓴᐳᑎᔪᓐᓇᕐᐹᖔ ᐆᒪᓐᖓᑦ ᑎᒥᒥᑦ ᐅᕙᓐᓂᒃ ᑐᖁᑎᑦᓯᔪᒦᑦ?

²⁵ ᒎᑎ ᖁᔭᒋᔭᐅᓕ ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ! ᑕᕝᕙ ᐅᕙᖓ, ᐃᓱᒪᒃᑯᑦ ᒎᑎᐅᑉ ᐱᖁᔭᖏᓐᓂᒃ ᐱᔨᑦᓯᕐᐳᖓ, ᑎᒥᒃᑯᓪᓕ ᐱᔨᑦᓯᕐᐳᖓ ᐊᔪᕐᓂᐅᑉ ᐱᖁᔭᖓᓂᒃ.