ᕉᒪᒥᐅᓄᑦ 13 - ᐊᒡᓔᑦ ᐃᑦᔪᕐᖕᓁᑦᑐᑦ

ᐱᓇᓱᐊᒐᒃᓴᕗᑦ ᐊᐅᓚᑦᓯᔨᐅᔪᓄᑦ

¹ ᐃᓄᓕᒫᑦ ᓈᓚᒃᑐᒃᓴᐅᕗᑦ ᐱᔪᓐᓇᕐᓂᖃᕐᑎᑕᐅᔪᓂᒃ ᐊᐅᓚᑦᓯᔨᐅᔪᓂᒡᓗ, ᐊᐅᓚᑦᓯᔩᐅᓃᑦ ᒎᑎᒥᑦ ᐱᓯᒪᔪᐃᓐᓇᐅᖕᒪᑕ, ᒫᓐᓇ ᐊᐅᓚᑦᓯᔨᐅᔪᑦ ᒎᑎᐅᑉ ᑕᕝᕗᓐᖓᕐᑎᓯᒪᕔᑦ.

² ᑍᒤᒻᒪᑦ ᐊᐅᓚᑦᓯᔨᐅᔪᓂᒃ ᐊᑭᕋᕐᑐᕐᑐᑦ ᒎᑎᐅᑉ ᑎᓕᓯᒪᔭᖏᓐᓂᒃ ᐊᑭᕋᕐᑐᕐᐳᑦ; ᑖᒃᑯᐊ ᐊᑭᕋᕐᑐᕐᑐᑦ ᐃᖅᑲᕐᑐᕐᑕᐅᓂᒃᓴᒥᖕᓂᒃ ᐋᖅᑭᒃᓱᐃᕗᑦ.

³ ᐊᐅᓚᑦᓯᔨᐅᔪᑦ ᑲᑉᐱᐊᓇᖏᒻᒪᑕ ᐱᓇᓱᐊᑦᓯᐊᕐᑐᓄᑦ, ᓈᒻᒪᖏᑦᑐᒥᒡᓕ ᐃᓕᖅᑯᓯᖃᕐᑐᓄᑦ ᑭᓯᐊᓂ. ᓯᕘᕋᔪᒪᓐᖏᓚᑏᑦ ᐊᐅᓚᑦᓯᔨᐅᔪᓂᒃ? ᐊᑏ ᐱᓇᓱᐊᑦᓯᐊᓕᕆᑦ, ᑕᕝᕙ ᑖᒃᑯᓇᖓᑦ ᐅᐱᒋᔭᐅᓂᐊᕐᐳᑎᑦ.

⁴ ᐊᐅᓚᑦᓯᔨᐅᔪᑦ ᒎᑎᐅᑉ ᐱᔨᓯᕐᑎᒋᖕᒪᒋᑦ ᐱᕙᓪᓕᕈᑎᒃᓴᕐᓄᑦ. ᓈᒻᒪᖏᑦᑐᒥᒡᓕ ᐱᒍᕕᑦ, ᓯᕘᕋᒋᑦ, ᑕᒪᐅᖓᑐᐃᓐᓇᖅ ᓱᒋᐊᕐᓯᓂᕐᒥᒃ ᐱᔪᓐᓇᕐᓂᖃᕐᑎᑕᐅᖏᒻᒪᑕ; ᒎᑎᐅᓪᓕ ᐱᔨᑦᓯᕐᑎᒋᒪᒋᑦ ᖃᓄᐃᖏᑦᑎᐊᕐᓇᕐᑐᒥ ᐃᓅᖁᓪᓗᑎᑦ.

⁵ ᑍᒤᒻᒪᑦ ᓈᓚᒃᑐᒃᓴᐅᕗᓯ ᐊᐅᓚᑦᓯᔨᐅᔪᓂᒃ, ᐊᑭᓂᐊᕐᑕᐅᓂᖅ ᐱᑦᔪᑎᒋᑐᐃᓐᓇᕐᓇᒍ, ᐃᓱᒪᔮᕈᑎᒃᓴᖃᖏᓐᓂᕐᓴᐅᖁᓪᓗᓯ.

⁶ ᑍᒫᒃᑕᐅᖅ ᑖᒃᓰᔭᕈᑎᓂᒃ ᒐᕙᒪᒃᑯᓐᓄᑦ ᐊᑭᓖᕙᒃᐳᓯ, ᐊᐅᓚᑦᓯᔨᐅᔪᑦ ᐱᓇᓱᐊᕐᑎᐅᖕᒪᑕ ᒎᑎᒧᑦ, ᑍᒫᒃ ᐱᓇᓱᐊᒐᒃᓴᖃᕐᒪᑕ.

⁷ ᐊᑭᓖᕕᒋᓯᐅᒃ ᐊᑭᓕᕆᐊᓕᖕᓂᒃ, ᑖᒃᓰᕈᑎᑦᓯᓐᓂᒃ ᐊᑭᓖᕕᒋᓯᐅᒃ, ᓄᓇᖁᑎᑦᓯᓐᓄᓪᓗ ᐊᑭᓕᒃᓴᖃᕈᑦᓯ ᐊᑭᓖᕕᒋᓯᐅᒃ, ᑲᒪᑦᓯᐊᕆᑦᓯ ᑲᒪᒋᔭᐅᑦᓯᐊᕆᐊᓕᖕᓄᑦ; ᐅᐱᒍᓱᑦᓯᐊᕐᓗᓯᓗ ᐅᐱᒋᔭᐅᔭᕆᐊᓕᖕᓂᒃ.

ᐱᔭᒃᓴᑦ ᐃᓅᖃᑎᑦᑎᓐᓄᑦ

⁸ ᑭᓇᒧᓪᓘᓐᓃᑦ ᐊᑭᓕᒃᓴᖃᕐᓂᐊᕋᓯ, ᓇᒡᓕᑎᒌᖏᓐᓂᖅ ᑭᓯᐊᓂ ᐊᑭᓕᒃᓴᑎᑐᑦ ᐃᓱᒪᒋᔭᕆᐊᖃᕐᐸᓯ; ᐃᓅᖃᑎᒥᓂᒃ ᓇᒡᓕᒍᓱᒃᑐᖅ ᐱᖁᔭᓂᒃ ᓈᒻᒪᒃᓯᑎᑦᓯᖕᒪᑦ.

⁹ ᐱᖁᔧᑦ ᐅᖃᕐᒪᑕ, “ᓄᓕᐊᕇᖕᓂᕐᒥᒃ ᐊᓯᕈᐃᔪᒃᓴᐅᓐᖏᓚᑎᑦ, ᐱᔮᕆᓗᑎᑦ ᐃᓄᐊᕐᑐᒃᓴᐅᓐᖏᓚᑎᑦ, ᑎᒡᓕᒃᑐᒃᓴᐅᓐᖏᓚᑎᑦ, ᐱᔪᒪᓗᐊᕐᑐᒃᓴᐅᓐᖏᓚᑎᑦ,” ᐊᓯᖏᓪᓗ ᐱᖁᔧᑦ ᑎᑎᕋᕐᓯᒪᔪᑦ ᐆᒧᖓ ᓈᒻᒪᒃᓯᑎᑕᐅᕗᑦ, “ᐃᓅᖃᑎᖕᓂᒃ ᐃᓕᒃᑐᑦ ᓇᒡᓕᒍᓱᒃᑐᒃᓴᐅᕗᑎᑦ.”

¹⁰ ᓇᒡᓕᖕᓂᖅ ᐃᓅᖃᑎᒧᑦ ᓈᒻᒪᖏᑦᑐᓕᖏᒻᒪᑦ; ᑍᒤᒻᒪᑦ ᐃᓅᖃᑎᒥᒃ ᓇᒡᓕᒍᓱᒃᑐᖅ ᐱᖁᔭᓂᒃ ᒪᓕᑦᓯᐊᕐᐳᖅ.

¹¹ ᑍᒤᒻᒪᑦ ᑐᑭᓯᒋᑦᓯ ᐃᑲᕐᕋᖅ ᓇᓪᓕᐅᑎᖕᒪᑦ ᑐᐸᒃᓯᒪᔭᕆᐊᖅᑲᓕᕐᐳᓯ ᓯᓂᑐᐃᓐᓇᕈᓐᓃᕐᓗᓯ. ᐱᐅᓕᔭᐅᓂᖅ ᖃᓂᓐᓂᕐᓴᐅᓕᕐᒪᑦ ᑍᒪᓐᖓᑦ ᐅᒃᐱᓕᓚᐅᕐᓂᑦᑎᓐᓂᑦ.

¹² ᐅᓐᓄᐊᖅ ᐊᓂᒍᕐᒪᑦ, ᐅᓪᓘᓕᕐᓗᓂ. ᑍᒤᒻᒪᑦ ᑖᕐᑑᑉ ᐱᓂᐊᕐᓂᖏᑦ ᕿᒪᒡᓚᕗᑦ, ᖃᐅᒪᔫᑉ ᓴᐴᓗᑕᖏᓐᓂᒃ ᐊᑎᓯᓗᑕ.

¹³ ᐃᓕᖅᑯᓯᑦᓯᐊᕆᒡᓗᑕ ᐃᓅᓕᕐᑕ ᐅᓪᓗᕐᓯᐅᕐᑐᑎᑐᑦ, ᓄᓕᐊᕐᓂᕐᒥᒃ ᐊᑐᕐᓂᕐᓗᒍᓐᓃᕐᑕ ᐋᖓᔮᕈᓐᓃᕐᓗᑕᓗ, ᑲᓐᖑᓲᑎᒃᓴᓂᒃ ᐱᓇᓱᐊᕈᓐᓃᕐᑕ ᐃᒃᓯᒎᕐᓂᕐᒥᒡᓗ, ᐂᕙᓇᑕ ᐊᓐᓂᕈᑦᔨᓇᑕᓗ.

¹⁴ ᐊᑕᓂᖅ ᔩᓱᓯ ᙭ᔅᑑᓯ ᐊᑎᓕᕐᓯᐅᒃ, ᑎᒥᐅᑉ ᐃᓕᖅᑯᓯᖓ ᓈᓚᒍᓐᓃᕐᓯᐅᒃ, ᐱᔪᒪᓂᖓ ᓈᒻᒪᒃᓯᑎᓐᓇᓱᐊᕈᓐᓃᕐᓗᒍ.