ᔪᐊᓇᓯᐅᑉ ᑕᑯᑎᑕᐅᓂᖏᑦ 7 - ᐊᒡᓔᑦ ᐃᑦᔪᕐᖕᓁᑦᑐᑦ

ᐃᓴᕆᐊᓕᒥᐅᑦ 144,000

¹ ᑕᒪᑐᒪ ᑭᖑᕐᖓᒍᑦ ᑕᑯᒋᕗᖓ ᐂᖏᓖᓂᒃ ᓯᑕᒪᓂᒃ ᓇᖏᕐᑐᓂᒃ ᓄᓇᕐᔪᐊᑉ ᑎᓴᒤᓕᖃᖓᕕᖏᓐᓂ, ᑖᒃᑯᐊᓗ ᐊᓄᕆᓂᒃ ᓯᑕᒪᓂᒃ ᓄᓇᕐᔪᐊᑉ ᐊᓄᕌᕐᕕᒋᕙᒃᑕᖏᓐᓂᒃ ᓄᖅᑲᕐᑎᑦᓯᓯᒪᕗᑦ, ᐊᓄᕌᖁᓇᒍ ᓄᓇᕐᔪᐊᕐᒥ ᐃᒫᓂᓗ ᓇᐹᕐᑐᓂᓘᓐᓃᑦ.

² ᐂᖏᓖᒥᒡᓗ ᑕᑯᒋᕗᖓ ᓯᕿᓂᐅᑉ ᓄᐃᕕᐊᓂᑦ ᐱᔪᒥᒃ, ᒎᑎᐅᑉ ᓇᕿᑦᑎᑦᔪᑎᖓᓂᒃ ᐱᓯᒪᔪᒥᒃ, ᓂᐱᖅᑯᕐᑐᓪᓗᓂᓗ ᓂᓪᓕᕐᐳᖅ ᐂᖏᓖᓄᑦ ᓯᑕᒪᓄᑦ ᒎᑎᒧᑦ ᐱᔪᓐᓇᕐᓯᑎᑕᐅᓯᒪᔪᓄᑦ ᐊᓯᕈᐃᖁᓪᓗᒋᑦ ᓄᓇᕐᔪᐊᕐᒥᒃ ᐃᒪᕕᖕᒥᒡᓗ,

³ ᐅᖃᕐᓗᓂ, “ᓄᓇᕐᔪᐊᖅ ᐊᓯᕈᕐᑍᓕᓯᐅᒃ ᐃᒪᕕᒡᓘᓐᓃᑦ ᓇᐹᕐᑐᐃᓪᓘᓐᓃᑦ, ᒎᑎᑦᑕ ᐱᔨᖏᓐᓂᒃ ᖃᐅᖏᑎᒍᑦ ᓇᕿᑦᔪᓯᕐᓯᓚᐅᖏᓐᓂᑦᑎᓐᓂ.”

⁴ ᑐᓴᕐᐳᖓᓗ ᒎᑎᐅᑉ ᓇᕿᑦᔪᑎᖓᓂᒃ ᓇᕿᑦᔪᓯᕐᑕᐅᔪᑦ ᖃᐅᖏᑎᒍᑦ ᐅᓄᕐᓂᖏᓐᓂᒃ, 144,000ᓂᒃ ᐅᓄᕐᓂᖃᕐᐳᑦ, ᐃᓴᕆᐊᓕᒥᐅᑦ ᑭᖑᕚᕇᖏᓐᓂᑦ ᐊᑐᓂᑦ ᐱᓯᒪᔪᑦ 12ᓂᑦ.

⁵ 12,000 ᓇᕿᑦᔪᓯᕐᑕᐅᕗᑦ ᔫᑕᐅᑉ ᑭᖑᕚᖏᓐᓂᑦ ᐱᔪᑦ, 12,000 ᕉᐱᓂᐅᑉ ᑭᖑᕚᖏᓐᓂᑦ ᐱᔪᑦ, 12,000 ᒑᑎᐅᑉ ᑭᖑᕚᖏᓐᓂᑦ ᐱᔪᑦ.

⁶ 12,000 ᐋᓱᕆᐅᑉ ᑭᖑᕚᖏᓐᓂᑦ ᐱᔪᑦ, 12,000 ᓈᑉᑕᓕᐅᑉ ᑭᖑᕚᖏᓐᓂᑦ ᐱᔪᑦ, 12,000 ᒪᓇᓯᐅᑉ ᑭᖑᕚᖏᓐᓂᑦ ᐱᔪᑦ,

⁷ 12,000 ᓯᒥᐅᓂᐅᑉ ᑭᖑᕚᖏᓐᓂᑦ ᐱᔪᑦ, 12,000 ᓕᕔᑉ ᑭᖑᕚᖏᓐᓂᑦ ᐱᔪᑦ, 12,000 ᐃᓴᑲᕆᐅᑉ ᑭᖑᕚᖏᓐᓂᑦ ᐱᔪᑦ,

⁸ 12,000 ᓯᐳᓗᓂᐅᑉ ᑭᖑᕚᖏᓐᓂᑦ ᐱᔪᑦ, 12,000 ᔫᓯᐱᐅᑉ ᑭᖑᕚᖏᓐᓂᑦ ᐱᔪᑦ, 12,000 ᐱᓐᔭᒥᓂᐅᑉ ᑭᖑᕚᖏᓐᓂᑦ ᐱᔪᑦ ᓇᕿᑦᔪᓯᕐᑕᐅᕗᑦ.

ᐃᓄᒋᐊᒃᑐᕐᔪᐊᑦ

⁹ ᑕᒪᑐᒪ ᑭᖑᕐᖓᒍᑦ ᑕᑯᓕᕆᕗᖓ, ᑕᑯᒋᑦ, ᐃᓄᒋᐊᒃᑐᕐᔪᐊᓂᒃ ᑭᓇᒧᓪᓘᓐᓃᑦ ᓈᓴᕐᑕᐅᔪᓐᓇᖏᑦᑐᓂᒃ, ᐃᓅᖃᑎᒌᒡᔪᐊᓂᑦ ᐊᑦᔨᒌᖏᑦᑐᓂᑦ ᐱᓯᒪᔪᓂᒃ, ᑭᖑᕚᕇᓕᒫᓂᑦ ᓄᓇᖃᑎᒌᒡᔪᐊᓂᑦ ᐅᖃᐅᓯᖃᖃᑎᒌᖏᑦᑐᓂᓪᓗ, ᐃᒃᓯᕙᐅᑕᕐᔪᐊᑉ ᓄᕐᕋᐅᔭᐅᓪᓗ ᓵᖓᓂ ᓇᖏᕐᐳᑦ, ᐊᓐᓄᕌᕐᓯᒪᔪᑦ ᖃᑯᕐᑕᓂᒃ ᑕᑭᔪᓂᒃ, ᑎᒍᒥᐊᕐᓗᑎᒃ ᓇᐹᕐᑐᐃᑦ ᐊᕙᓚᖓᔪᖏᓐᓂᒃ ᐹᒥᓂᒃ.

¹⁰ ᓂᐱᖅᑯᕐᑐᓪᓗᑎᒡᓗ ᐅᖃᕐᐳᑦ, “ᐱᐅᓕᔭᐅᓂᖅ ᒎᑎᑦᑎᓐᓂᑦ ᐱᕗᖅ ᐃᒃᓯᕙᐅᑕᕐᔪᐊᕐᒥ ᐃᒃᓯᕙᔪᒥᑦ ᓄᕐᕋᐅᔭᕐᒥᓪᓗ!”

¹¹ ᐂᖏᓕᓕᒫᓪᓗ ᐃᒃᓯᕙᐅᑕᕐᔪᐊᑉ ᐊᕙᑖᓂ ᓇᖏᕐᐳᑦ ᐊᖓᔪᖅᑳᓪᓗ ᐆᒪᔪᓪᓗ ᓯᑕᒪᑦ ᐊᕙᑖᓃᖃᑕᐅᕗᑦ, ᑖᒃᑯᐊᓗ ᐹᒻᒪᒡᓗᑎᒃ ᐃᒃᓯᕙᐅᑕᕐᔪᐊᑉ ᓵᖓᓄᑦ ᒎᑎ ᓂᕐᑐᕐᐹᑦ,

¹² ᐅᖃᕐᓗᑎᒃ, “ᐂᒥᓐ! ᓂᕐᑐᕐᑕᐅᓂᖅ ᐱᓐᓇᕐᓇᕐᓂᕐᓗ ᓯᓚᑐᓂᕐᓗ ᖁᔭᒋᔭᐅᓂᕐᓗ ᐅᐱᒋᔭᐅᓂᕐᓗ ᐱᔪᓐᓇᕐᓂᕐᓗ ᐊᔪᒐᖃᖏᓐᓂᕐᓗ ᒎᑎᑦᑎᓐᓄᑦ ᐱᒋᔭᐅᓕᑦ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ! ᐂᒥᓐ.”

¹³ ᐊᖓᔪᖅᑳᓪᓗ ᐃᓚᖓᑦᑕ ᐊᐱᕆᕚᖓ, ᐅᖃᕐᓗᓂ, “ᐅᑯᐊ ᑭᓇᒃᑯᑦ, ᖃᑯᕐᑕᓂᒃ ᑕᑭᔪᓂᒃ ᐊᓐᓄᕌᕐᓯᒪᔪᑦ, ᓇᑭᓪᓗ ᐱᓯᒪᕙᑦ?”

¹⁴ ᑭᐅᕙᕋᓗ, “ᐊᖓᔪᖅᑳᖅ, ᐃᕝᕕᑦ ᖃᐅᔨᒪᕙᑎᑦ.” ᐅᖃᐅᑎᕚᖓᓗ, “ᑖᑯᐊ ᑕᕝᕙ ᑲᑉᐱᐊᓇᕐᑐᕐᔪᐊᕐᒥᒃ ᐊᓂᒍᐃᔪᑦ; ᐊᓐᓄᕌᒥᖕᓂᒃ ᓴᓗᒻᒪᕐᓮᓯᒪᕗᑦ ᖃᑯᕐᓯᑎᓪᓗᒋᒡᓗ ᓄᕐᕋᐅᔭᐅᑉ ᐊᐅᖓᓄᑦ.

¹⁵ ᑍᒤᒻᒪᑦ ᒎᑎᐅᑉ ᐃᒃᓯᕙᐅᑕᕐᔪᐊᖓᑕ ᓵᖓᓃᑉᐳᑦ, ᐱᔨᑦᓯᕐᓗᒍ ᐅᓪᓗᖅ ᐅᓐᓄᐊᕐᓗ ᓈᓗᒍ ᑐᒃᓯᐊᕐᕕᒡᔪᐊᖁᑎᖓᓂ; ᐃᒃᓯᕙᐅᑕᕐᔪᐊᒥᓗ ᐃᒃᓯᕚᕐᑑᑉ ᐱᓯᒤᓐᓇᕐᓂᐊᕐᐰᑦ ᓴᐳᑎᓯᒪᓗᒋᑦ ᓇᔫᑎᓂᕐᒥᓄᑦ.

¹⁶ ᑳᖕᓂᐊᕈᓐᓃᕐᐳᑦ, ᐃᒥᕈᖕᓂᐊᕈᓐᓃᕐᓗᑎᒡᓗ; ᓯᕿᓂᕐᒧᑦ ᐊᓯᐊᓄᓪᓘᓐᓃᑦ ᐆᓇᕐᑐᒧᑦ ᐆᑕᐅᓂᐊᕈᓐᓃᕐᐳᑦ.

¹⁷ ᓄᕐᕋᐅᔭᐅᑉ ᐃᒃᓯᕙᐅᑕᕐᔪᐊᑉ ᕿᑎᖓᓃᑦᑑᑉ ᐰᕆᓂᐊᕐᒪᒋᑦ, ᑕᓯᐅᕐᓂᐊᕐᐰᓪᓗ ᐃᒥᕐᒧᑦ ᐃᓅᓯᖃᕐᓇᕐᑐᒥᒃ ᑯᕕᔪᒧᑦ; ᒎᑎᐅᓪᓗ ᖁᕝᕕᐅᕐᓂᓕᒫᖏᑦ ᐊᓪᓚᕐᑎᕐᓂᐊᕐᐰᑦ ᐃᔨᖏᓐᓂᑦ.”