ᔪᐊᓇᓯᐅᑉ ᑕᑯᑎᑕᐅᓂᖏᑦ 15 - ᐊᒡᓔᑦ ᐃᑦᔪᕐᖕᓁᑦᑐᑦᐂᖏᓖᑦ ᑲᑉᐱᐊᓇᕐᑐᓂᒃ ᑭᖑᓪᓕᕐᐹᓂᒃ ᓴᖅᑭᑎᑦᓯᔪᑦ 1 ᕿᓚᖕᒥ ᑕᑯᓕᕆᕗᖓ ᑕᑯᓕᒪᓇᖏᑦᑐᒥᒃ, ᐊᖏᔪᒥᒃ ᐱᐅᔪᐊᓗᖕᒥᒃ, ᐂᖏᓕᓂᒃ 7ᓂᒃ ᑲᑉᐱᐊᓇᕐᑐᓂᒃ 7ᓂᒃ ᐱᖃᕐᑐᓂᒃ, ᑖᒃᑯᐊᓗ ᑭᖑᓪᓕᕐᐹᒃᓴᐅᕗᑦ, ᒎᑎᐅᑉ ᓂᓐᖓᐅᓯᖓᑕ ᑭᖑᓪᓕᕐᐹᖓᓂᒃ ᐱᓯᒪᔪᑦ. 2 ᑕᑯᓕᕆᕗᖓ ᐃᒪᐅᔮᕐᑐᒥᒃ ᐊᓕᒍᕐᒥᒃ ᐃᑯᐊᓚᔫᔮᕐᑐᒥᒃ, ᓵᓚᖃᕐᓯᒪᔪᓪᓗ ᐆᒪᔪᐊᓗᖕᒥᒃ ᐊᑦᔨᓐᖑᐊᖓᓂᒡᓗ ᓴᓇᓯᒪᔪᒥᒃ ᐊᑎᖓᓂᒡᓗ ᓈᓴᐅᑎᓕᖕᒥᒃ, ᑖᒃᑯᐊᓗ ᓇᖏᕐᐳᑦ ᐃᒪᐅᔮᕐᑑᑉ ᐊᓕᒍᕐᑐᑦ ᑍᒤᑦᑑᑉ ᓯᓈᓂ ᑯᑭᑦᑕᐸᐅᑎᐅᔮᕐᑐᓂᒃ ᕼᐊᕐᐱᓂᒃ ᑎᒍᒥᐊᕐᓗᑎᒃ ᒎᑎᐅᑉ ᐱᖏᓐᓂᒃ. 3 ᐃᓐᖏᕐᐳᓪᓗ ᒨᓯᓯᐅᑉ ᐃᓐᖏᕈᑎᖓᓂᒃ, ᒎᑎᐅᑉ ᐱᔨᖓᑕ, ᓄᕐᕋᐅᔭᐅᓪᓗ ᐃᓐᖏᕈᑎᖓᓂᒃ, ᐅᖃᕐᓗᑎᒃ: “ᐊᑕᓃᖅ ᒎᑎ ᐊᔪᒐᖃᖏᑦᑐᑎᑦ! ᐱᓂᐊᕐᓂᑎᑦ ᐊᖏᔪᕐᔫᕗᑦ ᐱᐅᔪᐊᓘᓪᓗᑎᒡᓗ, ᐊᖅᑯᑎᑎᑦ ᓈᒻᒪᑦᓯᐊᕐᐳᑦ ᓱᓕᓪᓗᑎᒡᓗ, ᐊᖓᔪᖅᑳᕐᔪᐊᖑᕗᑎᑦ ᐃᓱᖃᖏᑦᑐᒧᑦ! 4 ᑭᓇ ᓯᕘᕋᖏᓪᓗᓂ ᐊᑎᕐᓂᒃ ᓂᕐᑐᐃᔪᓐᓇᕐᐹ ᐊᑕᓃᖅ? ᐃᕝᕕᑦ ᑭᓯᕕᑦ ᐃᑦᔪᕐᓁᑦᑐᑑᒐᕕᑦ. ᐃᓄᖃᑎᒌᒡᔪᐊᓕᒫᑦ ᕾᔪᒫᕐᐳᑦ ᑐᒃᓯᐊᕐᕕᒋᔭᕐᑐᕐᓗᑎᒃ, ᐱᓂᐊᕐᓂᕕᑦ ᓇᓛᒎᕐᓂᖏᑦ ᑕᒤᓐᓄᑦ ᑕᑯᔭᐅᓯᒪᖕᒪᑕ.” 5 ᑕᒪᑐᒪ ᑭᖑᕐᖓᒍᑦ ᑕᑯᒋᕗᖓ ᑐᒃᓯᐊᕐᕕᒡᔪᐊᑉ ᕿᓚᖕᒦᑦᑑᑉ ᐅᒃᑯᐃᕐᑕᐅᓂᖓᓂᒃ, ᐊᖏᖃᑎᒌᖕᓂᐅᑉ ᑐᐱᖓᓂᒃ ᐃᓗᐊᓃᑦᑐᕐᑕᓕᖕᒥᒃ. 6 ᐂᖏᓖᓪᓗ 7 ᑲᑉᐱᐊᓇᕐᑐᓂᒃ 7ᓂᒃ ᐱᖃᕐᑐᑦ ᑐᒃᓯᐊᕐᕕᒡᔪᐊᕐᒥᑦ ᐊᓂᕗᑦ; ᐊᓐᓄᕌᕐᓯᒪᔪᓂᒃ ᐃᑦᔪᕐᓁᑦᑐᓂᒃ ᓵᑦᑐᓂᒃ ᖃᐅᒪᔪᓂᒃ, ᓴᒡᕕᖕᒥᒃᑎᒍᓪᓗ ᐅᕕᖓᔪᒥᒃ ᑕᑦᓯᕈᑕᐅᔭᕐᓯᒪᓪᓗᑎᒃ ᒎᓗᒥᒃ. 7 ᐆᒪᔪᓪᓗ ᓯᑕᒪᑦ ᐃᓚᖓᑦᑕ ᐂᖏᓖᑦ 7 ᑐᓂᓯᕕᒋᕔᑦ 7ᓂᒃ ᖃᓪᓗᑎᓂᒃ ᒎᓗᓂᒃ ᒎᑎᐅᑉ ᐃᓅᑦᓮᓐᓇᕐᑑᑉ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᓂᓐᖓᐅᓯᖓᓂᒃ ᑕᑕᑦᑐᓂᒃ. 8 ᑐᒃᓯᐊᕐᕕᒡᔪᐊᕐᓗ ᐳᔪᕐᒥᒃ ᑕᑕᑉᐳᖅ ᒎᑎᐅᑉ ᐱᓐᓇᕐᓇᕐᓂᖓᓂᒃ ᐱᔪᓐᓇᕐᓂᖓᓂᒡᓗ, ᓇᓪᓕᐊᓐᓄᓪᓘᓐᓃᑦ ᑐᒃᓯᐊᕐᕕᒡᔪᐊᖅ ᐃᑎᕐᑕᐅᔪᓐᓇᓐᖏᓚᖅ ᑲᑉᐱᐊᓇᕐᑐᑦ 7 ᐂᖏᓖᑦ 7 ᐱᓯᒪᔭᖏᑦ ᐃᓱᓕᓚᐅᖏᓐᓂᖏᓐᓂ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society