ᔪᐊᓇᓯᐅᑉ ᑕᑯᑎᑕᐅᓂᖏᑦ 11 - ᐊᒡᓔᑦ ᐃᑦᔪᕐᖕᓁᑦᑐᑦ

ᓇᓗᓁᕐᓯᔩᒃ ᒪᕐᕉᒃ

¹ ᕿᔪᖕᒥᒡᓗ ᐆᒃᑑᑎᐅᔮᕐᑐᒥᒃ ᑐᓂᓯᕕᐅᕗᖓ ᐊᔭᐅᑉᐱᐊᑎᑐᑦ ᑍᒤᑦᑐᒥᒃ, ᐅᖃᐅᑦᔭᐅᓪᓗᖓᓗ: “ᐂᓕᕆᑦ ᒎᑎᐅᓪᓗ ᑐᒃᓯᐊᕐᕕᒡᔪᐊᖁᑎᖓ ᐆᒃᑐᕋᕆᐊᕐᑐᕈᒃ ᑐᓂᕐᕈᓯᕐᕕᒡᓗ ᑐᒃᓯᐊᕐᕕᒡᔪᐊᕐᒥᓗ ᑐᒃᓯᐊᕐᑐᑦ ᓈᓴᕐᓗᒋᑦ.

² ᑐᒃᓯᐊᕐᕕᒡᔪᐊᓪᓕ ᓯᓚᑖᓃᑦᑐᖅ ᑐᕐᓲᖑᔭᖓ ᐆᒃᑐᕋᕐᓂᐊᕐᓇᒍ; ᑲᒪᒋᔭᒃᓴᕆᓐᖏᓔᑦ, ᑖᓐᓇ ᑐᓂᔭᐅᓯᒪᖕᒪᑦ ᐃᓅᖃᑎᒌᒡᔪᐊᓄᑦ, ᑐᓪᓕᕋᒐᒃᓴᐅᖁᓪᓗᒍ ᑕᖅᑭᓂᒃ 42ᓂᒃ.

³ ᓇᓗᓁᕐᓯᔩᒃᑲᒡᓗ ᒪᕐᕉᒃ ᑎᓕᔪᒫᕐᐹᒃᑲᒃ ᐳᑐᕐᓛᓂᒃ ᐊᓐᓄᕌᕐᓯᒪᔫᒃ; ᐅᖃᐅᓯᐅᖁᔭᐅᔪᓂᒃ ᐅᖃᓪᓚᖁᓪᓗᒋᒃ ᐅᓪᓗᑦ 1,260 ᓈᓗᒋᑦ.”

⁴ ᑖᒃᑯᐊᒡᓗ ᒪᕐᕉᒃ ᓇᓗᓁᕐᓯᔩᒃ ᓇᐹᕐᑑᕘᒃ ᐅᕐᓱᒃᓴᓕᖕᓂᒃ ᐸᐅᕐᖓᓖᒃ ᓇᓂᕈᐊᓪᓗ ᑐᓐᖓᕕᖏᒃ ᒪᕐᕉᒃ ᓄᓇᕐᔪᐊᓕᒫᑉ ᐊᑕᓂᖓᑕ ᓵᖓᓃᑦᑑᒃ.

⁵ ᑖᒃᑯᐊᒡᓕ ᓇᓪᓕᐊᓐᓄᑦ ᐊᓯᕈᕐᑕᐅᓇᓱᐊᕐᐸᑎᒃ, ᐃᑯᒪᒥᒃ ᐋᓐᓂᑎᑦᓯᔪᓐᓇᕐᐴᒃ ᖃᓂᕐᒥᖕᓂᑦ ᐊᑭᕋᕐᑐᕐᑎᑎᒃ ᓄᖑᓪᓗᒋᑦ; ᓇᓪᓕᐊᑦ ᑖᒃᑯᖕᓂᖓ ᐊᓯᕈᐃᓇᓱᐊᕐᑐᖅ ᑍᒫᒃ ᑐᖁᑕᐅᔪᒃᓴᐅᕗᖅ.

⁶ ᑖᒃᑯᐊᒡᓗ ᐱᔪᓐᓇᕐᓂᖃᕐᑎᑕᐅᕘᒃ ᒪᑐᓯᔪᓐᓇᕐᓗᑎᒃ ᕿᓚᖕᒥᒃ, ᓯᓚᓗᒍᓐᓁᓪᓕᖁᓪᓗᒍ ᐅᖃᐅᓯᐅᖁᔭᐅᔪᓂᒃ ᓇᓪᓕᐅᑎᔪᒫᕐᑐᓂᒃ ᐱᔭᕇᖏᓐᓂᕐᒋᓐᓂ, ᐱᔪᓐᓇᕐᓂᖃᕐᑎᑕᐅᒋᕘᒃ ᐃᒪᕐᒥᒃ ᐊᐅᓐᖑᕐᑎᑦᓯᔪᓐᓇᕐᓗᑎᒃ, ᓄᓇᕐᔪᐊᕐᒥᓗ ᖃᓄᐃᑦᑐᑐᐃᓐᓇᕐᓂᒃ ᐋᓐᓂᐊᓇᕐᑐᖃᕐᑎᑦᓯᔪᓐᓇᕐᓗᑎᒃ, ᖃᖓᓕᒫᖅ ᐱᖁᔨᓕᑐᐊᕈᑎᒃ.

⁷ ᐅᖃᐅᓯᕆᔭᕆᐊᓕᖕᒥᖕᓂᒡᓗ ᐅᖃᓪᓚᒌᕐᓯᒪᓕᕐᐸᑎᒃ, ᐆᒪᔪᕐᔪᐊᑉ ᐃᑎᕐᓵᓗᖕᒥᑦ ᓇᑎᖃᖏᑦᑐᒥᑦ ᐱᔫᑉ ᐅᓇᑕᕈᒫᕐᐰᑦ ᓵᓚᒋᓗᒋᒡᓗ ᑐᖁᑕᐅᔪᒫᕐᐴᒃ,

⁸ ᑎᒥᖏᒡᓗ ᐃᒡᓗᒐᓮᑦ ᐊᖏᔪᕐᔪᐊᑦ ᐊᖅᑯᑎᖏᓐᓂ ᑍᒤᓕᖓᑐᐃᓐᓇᕈᒫᕐᐴᒃ ᐊᑕᓂᖓᒃᑕ ᓴᓐᓂᖓᔪᓕᖕᒧᑦ ᑭᑭᐊᒃᑐᕐᑕᐅᕕᒋᓚᐅᕐᑕᖓᓂ, ᐃᒡᓗᒐᓴᒡᔪᐊᒡᓗ ᒪᕐᕉᒃ ᓇᓗᓁᒃᑯᑕᖃᕐᑎᑕᐅᕘᒃ ᓱᑑᒪᒥᒃ ᐄᑦᔨᑉᑎᒥᒡᓗ ᑍᔭᐅᓪᓗᑎᒃ.

⁹ ᐃᓄᒋᐊᒃᑐᕐᔪᐊᓪᓗ ᓇᑭᑐᐃᓐᓇᖅ ᓄᓇᓂ ᑭᖑᕚᕇᓂᑦ ᐅᖃᐅᓯᖃᖃᑎᒌᖏᑦᑐᓂᓪᓗ ᐃᓕᖅᑯᓯᖃᖃᑎᒌᖏᑦᑐᓂᓪᓗ ᐱᓯᒪᔪᑦ ᑐᖁᑕᐅᓯᒪᔫᒃ ᑎᒥᕕᓂᖏᖕᓂᒃ ᑕᑯᔭᕐᑐᖃᑦᑕᕈᒫᕐᐳᑦ ᐅᓪᓗᑦ ᐱᖓᓱᑦ ᓇᑉᐸᕐᓗ ᓈᓗᒋᑦ, ᐃᓗᕕᕐᑕᐅᖁᔭᐅᓂᐊᓐᖏᓚᒡᓗ,

¹⁰ ᓄᓇᕐᔪᐊᕐᒥᐅᓪᓗ ᖁᕕᐊᓱᒍᒫᕐᐳᑦ ᑖᒃᑯᐊᒃ ᒪᕐᕉᒃ ᑐᖁᑕᐅᓂᖏᒃ ᐱᓪᓗᒋᒃ, ᖁᕕᐊᓱᖃᑎᒌᒍᒫᕐᐳᑦ ᑐᓂᓯᖃᑦᑕᐅᑎᓗᑎᒡᓗ, ᑖᒃᑯᐊᒃ ᓇᓚᐅᑦᑍᔪᓚᐅᕐᑐᒃ ᐊᖏᔪᒥᒃ ᐋᓐᓂᐊᓇᕐᑐᖃᕐᑎᑦᓯᓚᐅᕐᓂᖏᖕᓄᑦ ᐃᓄᖕᓄᑦ ᓄᓇᕐᔪᐊᕐᒦᑦᑐᓄᑦ.

¹¹ ᐅᓪᓗᓪᓕ ᐱᖓᓱᑦ ᓇᑉᐸᕐᓗ ᓈᒃᐸᑕ ᐊᓂᕐᓂᕐᒥᒃ ᐃᓅᓯᖃᕐᓇᕐᑐᒥᒃ ᒎᑎᒥᑦ ᐱᔪᒥᒃ ᐃᑎᕐᕕᐅᔪᒫᕐᐴᒃ ᐆᒻᒪᕐᓗᑎᒡᓗ ᓂᑯᕕᑦᓱᒫᕐᐴᒃ, ᑕᑯᓐᓇᕐᑐᓕᒫᓪᓗ ᐊᖏᔪᒥᒃ ᑲᑉᐱᐊᓱᓕᕈᒫᕐᐳᑦ.

¹² ᓇᓚᐅᑦᑍᔫᒃ ᑐᓴᕐᐴᒃ ᐅᖃᐅᑦᔨᔨᒥᖕᓂᒃ ᕿᓚᖕᒥᑦ ᐱᔪᒥᒃ, ᐅᖃᕐᑐᒥᒃ, “ᒪᐅᖓ ᕾᒋᑦᑎᒃ!” ᐊᑭᕋᕐᑐᕐᑎᖏᓪᓗ ᑕᑯᓐᓇᕐᑎᓪᓗᒋᑦ ᓄᕗᔭᑎᒍᑦ ᕿᓚᖕᒧᑦ ᖁᒻᒧᐊᒃᐳᒃ.

¹³ ᑕᕝᕔᓐᓇᕐᓗ ᓄᓇ ᓴᔪᒃᐱᓪᓚᒃᐳᖅ ᐊᖏᔪᒥᒃ; ᐃᒡᓗᒐᓴᒡᔪᐊᓪᓗ ᑕᓪᓕᒪᐅᔪᕐᑐᖏᑦ ᐊᓯᕈᕐᑕᐅᕗᑦ; 7,000ᓪᓗ ᑐᖁᕗᑦ ᓴᔪᒃᐱᓪᓚᒃᑐᒧᑦ, ᐃᓄᐃᓪᓗ ᐊᒥᐊᒃᑯᑦ ᑲᑉᐱᐊᓱᓕᕐᐳᑦ ᓂᕐᑐᐃᓕᕐᓗᑎᒡᓗ ᒎᑎᒥᒃ ᕿᓚᖕᒦᑦᑐᒥᒃ.

¹⁴ ᑕᕝᕙ ᑲᑉᐱᐊᓇᕐᑐᕐᔪᐊᑉ ᐂᑉᐸᖓ ᐱᔭᕇᕋᓗᐊᕐᐳᖅ; ᑕᑯᒋᓪᓕ ᑲᑉᐱᐊᓇᕐᑐᕐᔪᐊᑉ ᓱᓕ ᐱᖓᔪᖓ ᐊᑯᓂᐅᖏᑦᑐᖅ ᓇᓪᓕᐅᑎᓂᐊᕐᐳᖅ.

ᑎᑦᑐᓚᐅᑏᑦ 7ᖓᑦᑕ ᓂᓪᓕᕐᑎᑕᐅᓂᖓ

¹⁵ ᐂᖏᓖᓪᓗ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᕿᓚᖕᒥᓗ ᓂᐱᕐᔪᐊᕐᑕᖃᓕᕐᐳᖅ ᐅᖃᕐᑐᒥᒃ, “ᓯᓚᕐᔪᐊᕐᒥᐅᑦ ᐊᑕᓂᐅᕕᖓ ᐊᑕᓂᐅᕕᒃᑖᖑᕗᖅ ᐊᑕᓂᑦᑎᓐᓄᑦ ᙭ᔅᑑᓯᖓᓄᓪᓗ, ᐊᐅᓚᑦᓯᓂᐊᕐᐳᕐᓗ ᑕᕝᕙᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”

¹⁶ ᑕᕝᕙ ᐊᖓᔪᖅᑳᑦ 24 ᐃᒃᓯᕙᐅᑕᕐᔪᐊᒥᖕᓂ ᐃᒃᓯᕙᔪᑦ ᒎᑎᐅᑉ ᓵᖓᓂ ᐹᒻᒪᒃᐳᑦ ᒎᑎ ᑐᒃᓯᐊᕐᕕᒋᓪᓗᒍ,

¹⁷ ᐅᖃᕐᓗᑎᒃ: “ᖁᔭᒋᕙᑦᑎᒋᑦ, ᐊᑕᓃᖅ ᒎᑏ ᐊᔪᒐᖃᖏᑦᑐᑎᑦ, ᑍᒤᑦᑑᔪᑎᑦ ᑍᒤᑦᑑᓚᐅᕐᑐᑎᓪᓗ, ᐱᔪᓐᓇᕐᓂᕐᔪᐊᑦ ᐊᑐᕐᓗᒍ ᐊᐅᓚᑦᓯᑦᔪᑎᒋᓕᕋᕕᐅᒃ.

¹⁸ ᐃᓅᖃᑎᒌᒡᔪᐊᑦ ᓂᓐᖓᕕᒡᔪᐊᕐᐳᑦ, ᓂᓐᖓᐅᓰᓪᓕ ᓇᓪᓕᐅᑎᓕᕐᐳᖅ, ᑐᖁᖓᔪᓪᓗ ᐃᖅᑲᕐᑐᕐᑕᐅᕕᒃᓴᖏᑦ ᓇᓪᓕᐅᑎᕗᑦ, ᐱᔨᕕᓪᓗ ᐊᑭᓕᕐᑕᐅᓂᒃᓴᖏᑦ ᓇᓪᓕᐅᑎᕗᑦ, ᓇᓚᐅᑦᑍᔨᖁᑎᑎᑦ, ᐃᑦᔪᕐᓁᑦᑐᖁᑎᑎᓪᓗ, ᐃᓕᖕᓂᒡᓗ ᐅᐱᒍᓱᒃᑐᑦ, ᐱᓪᓚᕆᐅᒃᐸᑕ ᐱᓪᓚᕆᐅᖏᑉᐸᑕᓘᓐᓃᑦ. ᓄᓇᕐᔪᐊᕐᒥᒡᓗ ᐊᓯᕈᕐᓮᔩᑦ ᐊᓯᕈᕐᑕᐅᕕᒃᓴᖓᑦ ᓇᓪᓕᐅᑎᕗᖅ.”

¹⁹ ᑕᕝᕙ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᕿᓚᖕᒦᑦᑐᖅ ᐅᒃᑯᐃᕐᑕᐅᕗᖅ, ᐊᖏᖃᑎᒌᖕᓂᐅᓪᓗ ᐃᒃᖠᕐᕕᖓ ᑕᕝᕙᓂ ᓴᖅᑭᔮᕐᐳᖅ ᑐᒃᓯᐊᕐᕕᒡᔪᐊᒥ; ᑕᕝᕙᓂᓗ ᖃᐅᒻᒪᓪᓚᒃᑐᖃᕐᐳᖅ, ᓂᐱᖃᕐᑐᖃᕐᐳᕐᓗ, ᐃᒃᑐᓚᐅᕐᑐᖃᕐᓗᓂᓗ, ᓄᓇᓗ ᓴᔪᒃᐱᓗᒃᐳᖅ, ᓇᑕᖅᑯᕐᓇᕐᓗᓂᓗ ᐊᖏᔫᑎᕐᔪᐊᓂᒃ.