ᐃᓐᖏᕈᑎᑦ 99 - ᐊᒡᓔᑦ ᐃᑦᔪᕐᖕᓁᑦᑐᑦᐊᑕᓂᖅ ᓂᕐᑐᕐᓯᐅᒃ ᐃᑦᔪᕐᓁᓐᓂᖓ ᐱᓪᓗᒍ 1 ᐊᑕᓂᖅ ᐊᖓᔪᖅᑳᕐᔪᐊᖑᕗᖅ; ᑍᒤᒻᒪᑦ ᐃᓄᐃᑦ ᓴᔪᒡᓕᑦ! ᐃᒃᓯᕙᐅᑕᕐᔪᐊᕐᒥ ᐃᒃᓯᕙᕗᖅ ᓯᕈᐲᒻ ᐊᕙᑖᓃᑎᓪᓗᒋᑦ; ᑍᒤᒻᒪᑦ ᓄᓇᕐᔪᐊᖅ ᓴᔪᒃᐱᓗᒃᐳᖅ! 2 ᐊᑕᓂᖅ ᐊᖏᔫᕗᖅ ᓮᐅᓂᒥ; ᐊᖏᓂᕐᐹᖑᕗᖅ ᐃᓅᖃᑎᒌᒡᔪᐊᓕᒫᓂᑦ. 3 ᐊᑏᑦ ᐊᖏᔪᕐᔪᐊᖅ ᐊᔪᖏᑦᑐᕐᔪᐊᕐᓗ ᓂᕐᑐᕐᑕᐅᓚᐅᕐᓕ ᐃᑦᔪᕐᓁᑦᑑᖕᒪᑦ. 4 ᐊᖓᔪᖅᑳᕐᔪᐊᖅ ᐊᔪᖏᑦᑐᕐᔪᐊᖑᔪᑎᑦ ᓇᒡᓕᒋᔭᖃᕐᐳᑎᑦ ᓈᒻᒪᓈᕐᓯᒪᔪᒥᒃ; ᐋᖅᑭᒃᓯᓯᒪᕗᑎᑦ ᑍᒤᓪᓘᐊᕇᒃᑎᑦᓯᓂᕐᒥᒃ; ᓈᒻᒪᓈᕐᓯᒪᔪᒥᒃ ᐃᓱᐊᕐᑐᓕᓂᕐᒥᒡᓗ ᐋᖅᑭᒃᓯᕗᑎᑦ ᔧᑯᒃᑯᓐᓂ. 5 ᐊᑕᓂᖅ ᒎᑎᕗᑦ ᐊᖏᔪᕈᕐᑎᓯᐅᒃ; ᑐᒃᓯᐊᕆᑦᓯ ᐃᑎᒐᖏᑕ ᐃᑯᕐᕋᖓᓂ! ᑖᓐᓇ ᐃᑦᔪᕐᓁᑦᑑᖕᒪᑦ. 6 ᒨᓯᓯᓗ ᐂᕉᓂᓗ ᑐᓂᕐᕈᓯᕐᑎᑦᓯᔨᖁᑎᒋᕔᑦ, ᓴᒧᐃᓕᑦᑕᐅᖅ ᑖᑦᓱᒪ ᐊᑎᖓᓄᑦ ᑐᒃᓯᐊᕐᑎᐅᓚᐅᕐᐳᖅ; ᑖᒃᑯᐊ ᐊᑕᓂᕐᒧᑦ ᑐᒃᓯᐊᓚᐅᕐᐳᑦ, ᑖᑦᓱᒪᓗ ᑐᓴᓚᐅᕐᐰᑦ. 7 ᐅᖃᕐᕕᒋᓚᐅᕐᐰᑦ ᓄᕗᔭᒥ ᓇᐸᔪᒦᓪᓗᓂ; ᑖᒃᑯᐊ ᐱᖁᔭᖏᓐᓂᒃ ᒪᓕᒐᒃᓴᐅᖁᔭᖏᓐᓂᒡᓗ, ᑐᓂᔭᖏᓐᓂᒃ ᓈᓚᓚᐅᕐᐳᑦ. 8 ᐊᑕᓃᖅ ᒎᑎᕗᑦ, ᑖᒃᑯᐊ ᑐᓴᓚᐅᕐᐸᑎᑦ; ᑖᒃᑯᓄᖓ ᓴᖅᑭᑎᑦᓯᓚᐅᕐᐳᑎᑦ ᒎᑎᐅᓪᓗᑎᑦ ᐃᓱᒪᒋᔪᓐᓁᕐᕕᖃᕈᓐᓇᕋᕕᑦ, ᑭᓯᐊᓂ ᑕᒻᒪᕐᓂᖏᓐᓂᒃ ᐊᑭᓖᕕᒋᓚᐅᕆᕙᑎᑦ. 9 ᐊᑕᓂᖅ ᒎᑎᕗᑦ ᐊᖏᔪᕈᕐᑎᓯᐅᒃ, ᑐᒃᓯᐊᕐᕕᒋᓗᒍᓗ ᖃᖅᑲᒥ ᐃᑦᔪᕐᓁᑦᑐᖁᑎᖓᓂ; ᐊᑕᓂᖅ ᒎᑎᕗᑦ ᐃᑦᔪᕐᓁᑦᑑᖕᒪᑦ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society