ᐃᓐᖏᕈᑎᑦ 95 - ᐊᒡᓔᑦ ᐃᑦᔪᕐᖕᓁᑦᑐᑦᓂᕐᑐᐃᓂᕐᒧᑦ ᐃᓐᖏᕈᓯᖅ 1 ᕾᓗᓯ, ᐊᑕᓂᖅ ᐃᓐᖏᕐᕕᒋᓚᕗᑦ; ᖁᕕᐊᓱᒡᓗᑕ ᕾᒐᓛᓚᐅᕐᑕ ᐱᐅᓕᔭᐅᓂᑦᑕ ᕾᕐᑐᕆᔭᖓᓄᑦ! 2 ᖁᔭᓕᓗᑕ ᑖᑦᓱᒪ ᓇᔪᕐᑕᖓᓄᐊᓕᕐᑕ; ᖁᕕᐊᓱᒡᓗᑕ ᕾᒐᓛᓚᐅᕐᑕ ᐃᓐᖏᕐᓗᑕ ᓂᕐᑐᐃᓗᑕ ᑖᑦᓱᒥᖓ! 3 ᐊᑕᓂᖅ ᒎᑎᕐᔪᐊᖑᖕᒪᑦ, ᐊᖓᔪᖅᑳᕐᔪᐊᖑᓪᓗᓂᓗ ᒎᑎᒋᔭᐅᔪᓕᒫᓄᑦ. 4 ᓄᓇᐅᑉ ᐃᑎᓂᖓ ᑖᑦᓱᒪ ᐊᒡᒐᖏᓐᓃᑉᐳᖅ; ᖃᖅᑬᓪᓗ ᐳᕐᑐᓂᖏᑦ ᑖᑦᓱᒪ ᐱᖁᑎᒋᕔᑦ. 5 ᐃᒪᕕᒃ ᐱᖁᑎᒋᕚ, ᑖᑦᓱᒪᓗ ᓴᓇᓚᐅᕐᐹ; ᐊᒡᒐᖏᑕᓗ ᓄᓇ ᐸᓂᕐᑐᖅ ᐋᖅᑭᓚᐅᕐᐹ. 6 ᕾᓗᓯ, ᑐᒃᓯᐊᓕᕐᑕ ᐹᒻᒪᒡᓗᑕᓗ, ᓰᖅᑯᖓᓕᕐᑕ ᐊᑕᓂᕐᒧᑦ, ᓴᓇᔨᒋᓚᐅᕐᑕᑦᑎᓐᓄᑦ. 7 ᑖᓐᓇ ᒎᑎᒋᒐᑦᑎᒍ, ᑖᑦᓱᒪᓗ ᐰᕆᓪᓗᑕ ᐃᓄᖁᑎᒋᕚᑎᒍᑦ, ᐊᒡᒐᖏᑕᓗ ᓰᐱᖁᑎᒋᕚᑎᒍᑦ. ᐅᓪᓗᒥ ᓂᐱᖓ ᑐᓴᕐᓂᐊᕈᑦᓯᐅᒃ! 8 ᐆᒻᒪᑎᓯ ᓯᑎᔫᑎᓐᓂᐊᕋᓯᒋᒃ, ᑍᑦᓱᒪᓂᑐᑦ ᓄᓇᒥ ᒥᕆᐸᒥ ᓯᑎᔫᑎᑦᓯᓚᐅᕐᑐᑎᑐᑦ, ᒫᓴᒥ ᑍᒤᓕᐅᓚᐅᕐᒪᑕ ᐱᕈᕐᑐᖃᖏᑦᑐᒥ. 9 ᓯᕗᓕᕆᓚᐅᕐᑕᑦᓯ ᐆᒃᑐᓚᐅᕐᒪᖓ ᖃᐅᔨᓴᕐᓗᖓᓗ, ᐱᓇᓱᐊᕐᓂᕆᓚᐅᕐᑕᓐᓂᒃ ᑕᑯᖃᑦᑕᕐᓯᒪᒐᓗᐊᕐᓗᑎᒃ. 10 ᐊᕐᕌᒍᓂᒃ 40ᓂᒃ ᐃᓅᖃᑎᒌᑦ ᑍᒃᑯᐊ ᖁᕕᐊᓱᖏᑦᔪᑎᒋᓚᐅᕐᐸᒃᑲ, ᐅᖃᕐᓗᖓᓗ, “ᑖᒃᑯᐊ ᐃᓅᕗᑦ ᐆᒻᒪᑎᖏᑦ ᑕᒻᒪᕐᓯᒪᔪᑦ, ᐊᑐᕐᑕᐅᖁᔭᒃᑲᓗ ᖃᐅᔨᒪᓇᒋᑦ.” 11 ᑍᒤᒻᒪᑦ ᓂᓐᖓᒡᓗᖓ ᐊᖏᒻᒪᕆᓚᐅᕐᐳᖓ, “ᑕᕾᕐᓯᕐᕕᐅᖁᔭᓐᓄᑦ ᐃᑎᓛᕈᓐᓃᕐᐳᑦ.” |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society