ᐃᓐᖏᕈᑎᑦ 81 - ᐊᒡᓔᑦ ᐃᑦᔪᕐᖕᓁᑦᑐᑦᓇᓪᓕᐅᓐᓂᕐᓯᐅᕐᓂᕐᒧᑦ ᐃᓐᖏᕈᓯᖅ ᐊᓴᐸᐅᑉ ᐃᓐᖏᕈᑖ 1 ᓂᐱᖅᑯᕐᑐᓗᓯ ᒎᑎ ᐃᓐᖏᕐᕕᒋᓯᐅᒃ ᐱᔪᓐᓇᕐᑎᑦᓯᔨᒋᔭᕗᑦ; ᖁᕕᐊᓱᒡᓗᓯ ᕾᒐᓛᕐᕕᒋᓯᐅᒃ ᓂᕐᑐᕐᓗᒍ ᔧᑰᑉ ᒎᑎᖓ! 2 ᐃᓐᖏᕐᓂᖅ ᐱᒋᐊᕐᓕ, ᓯᕙᓂᕋᐅᑏᑦ ᐱᒋᐊᕐᑎᓪᓗᒋᑦ, ᑯᑭᑦᑕᐸᐅᑎᐅᔧᑦ ᕼᐋᕐᐱᑦ ᑐᓴᕐᓂᕐᑐᑦ, ᑯᑭᑦᑕᐸᐅᑏᓪᓗ ᒥᑭᔪᑦ. 3 ᑎᑦᑐᓚᐅᑏᑦ ᑕᑭᔪᑦ ᓂᓪᓕᕐᑎᑕᐅᔪᒃᓴᐅᕗᑦ ᑕᖅᑭᓂᕋᑖᕐᑎᓪᓗᒍ, ᑕᖅᑭᕐᓗ ᐃᓗᐃᑦᑑᑦᓯᐊᓕᕐᑎᓪᓗᒍ, ᓇᓪᓕᐅᓐᓂᕐᓯᐅᕕᖃᓕᑐᐊᕈᑦᑕ. 4 ᑕᒪᓐᓇ ᐃᓴᕆᐊᓕᒥᐅᑦ ᐱᐅᓯᕆᔭᒃᓴᕆᕚᑦ, ᔧᑰᑉ ᒎᑎᖓᑕ ᐱᖁᔨᑦᔪᑎᒋᔭᖓ. 5 ᑍᒤᑦᑐᒥᒃ ᐱᖁᔨᓚᐅᕐᐳᖅ ᔫᓯᐱᒃᑯᓐᓄᑦ ᓇᓗᓁᕐᓯᑦᔪᑎᒋᔪᒪᓪᓗᓂᐅᒃ, ᓄᓇᒧᑦ ᐄᑦᔨᑉᑎᓂᒧᑦ ᐃᖏᕐᕋᓕᕐᑎᓪᓗᒍ. ᓂᐱᒥᒃ ᑐᓴᓚᐅᕐᐳᖓ ᑐᓴᓚᐅᕐᓯᒪᓐᖏᑕᓐᓂᒃ ᐅᖃᕐᑐᒥᒃ: 6 “ᓇᖕᒪᒃᑕᑎᑦ ᐅᖁᒤᑦᑐᑦ ᐲᕐᐸᒃᑲ; ᐊᒡᒐᑎᓪᓗ ᖃᑦᑕᕐᒥᒃ ᐅᖁᒤᑦᑐᒥᒃ ᑎᒍᒥᐊᕈᓐᓃᕐᑎᑉᐸᒃᑲ. 7 ᐅᖁᒤᑦᑐᒦᓕᕐᑎᓪᓗᑎᑦ ᓂᓪᓕᐊᕕᒋᒐᕕᖓ, ᑕᕝᕙ ᓴᐳᑎᓚᐅᕐᐸᒋᑦ; ᑭᐅᓚᐅᕐᐸᒋᑦ ᐃᓂᒋᔭᓐᓂᑦ ᓯᓚᕐᓂᕐᓗᖕᒥᑦ; ᑕᕝᕙᓂ ᖃᐅᔨᒪᓚᐅᕐᐸᒋᑦ ᒥᕆᐸᐅᑉ ᐃᒪᖓᓂ. ᓰᓚ 8 ᐃᓄᖁᑎᒃᑲ, ᑐᓴᓚᐅᕐᓯᓐᖓ, ᐅᓗᕆᐊᒋᔭᐅᖁᔭᓐᓂᒃ ᐅᖃᕐᑎᓪᓗᖓ; ᐃᓴᕆᐊᓕᑎᐅᔪᓯ, ᓈᓚᒍᓐᓇᓚᐅᕐᓯᓐᖓᑐᖅ! 9 ᐊᑯᓐᓇᑦᓯᓐᓂ ᐊᑦᔨᐅᖏᑦᑐᓂᒃ ᒎᑎᖃᕐᑐᖃᕐᑐᒃᓴᐅᓐᖏᓚᖅ; ᔫᑎᐅᖏᑦᑐᑦ ᒎᑎᒋᔭᖏᓐᓂᒃ ᓇᓪᓕᐊᓐᓂᒡᓘᓐᓃᑦ ᑐᒃᓯᐊᕐᕕᖃᕐᑐᒃᓴᐅᓐᖏᓚᓯ. 10 ᐅᕙᖓ ᐊᑕᓂᐅᕗᖓ ᒎᑏᑦ, ᐃᓕᖕᓂᒃ ᐊᐅᓪᓚᕐᑎᑦᓯᓚᐅᕐᑐᖅ ᓄᓇᒥᑦ ᐄᑦᔨᑉᑎᒥᑦ; ᐂᑦᑕᕖᓐᖓᓚᐅᕆᑦ, ᑕᕝᕙ ᖃᓃᑦ ᑕᑕᑎᓐᓂᐊᕐᐸᕋ. 11 ᐃᓄᖁᑎᒪᓕ ᓂᐱᒐ ᓈᓚᓐᖏᓛᑦ; ᐃᓴᕆᐊᓕᑎᑦ ᐅᕙᓐᓂᒃ ᑲᒪᔪᒪᓐᖏᓚᑦ. 12 ᑍᒤᒻᒪᑦ ᐃᓱᒤᓐᓇᕐᕆᑎᓕᕐᐸᒃᑲ ᑐᓴᕈᓐᓇᖏᒻᒪᑕ, ᐱᔪᒪᔭᒥᖕᓂᒃ ᒪᓕᖕᓂᐊᓕᕐᒪᑕ. 13 ᐃᓄᖁᑎᒃᑲ ᐅᕙᓐᓂᒃ ᓈᓚᒍᒪᒐᔭᕐᐸᑕ, ᐃᓴᕆᐊᓕᑎᓪᓗ ᐊᑐᕐᑕᐅᖁᔭᓐᓂᒃ ᐃᓅᔪᒪᒐᔭᕐᐸᑕ! 14 ᑕᕝᕙ ᐊᑭᕋᕐᑐᕐᑎᖏᑦ ᓵᓚᒋᑦᓴᐅᑎᒋᒐᔭᕐᐸᒃᑲ, ᐱᔪᓐᓇᕐᓂᓐᓄᓪᓗ ᐊᑭᕋᕐᑐᕐᑎᖏᑦ ᐱᔪᓐᓇᕐᓃᕈᑎᓂᐊᕐᐸᒃᑲ. 15 ᐊᑕᓂᕐᒥᒃ ᐆᒥᓱᒃᑐᑦ ᐅᑯᓂᐊᕐᐳᑦ ᓯᕘᕋᓂᕐᒧᑦ ᑖᑦᓱᒥᖓ, ᓱᒋᐊᕐᑕᐅᓂᖏᓪᓗ ᓄᖑᓐᓂᐊᓐᖏᓚᑦ ᐃᓱᖃᖏᑦᑐᒧᑦ. 16 ᐃᓕᑦᓯᓕ ᓂᕆᑎᒐᔭᕐᐸᑦᓯ ᓂᐊᖂᔭᒃᓴᓂᒃ ᓂᕿᑦᓯᐊᕙᐅᓂᕐᐹᓂᒃ, ᐃᒍᑦᓮᓪᓗ ᓰᕐᓇᐅᑎᖓᓂᑦ ᕼᐊᓂᒥᒃ ᕾᕐᑐᒥᑦ ᐱᔪᓂᒃ ᐃᓚᖃᕐᑎᓪᓗᒍ ᐱᔪᒪᓃᑦ ᓈᒻᒪᒃᓯᑎᒐᔭᕐᐸᕋ.” |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society