ᐃᓐᖏᕈᑎᑦ 76 - ᐊᒡᓔᑦ ᐃᑦᔪᕐᖕᓁᑦᑐᑦᒎᑎᐅᑉ ᐊᖓᔪᖅᑳᔪᐊᑉ ᐱᓐᓇᕐᓇᕐᓂᖓ ᐃᖅᑲᕐᑐᐃᓂᕐᒥ ᐊᓴᐸᐅᑉ ᐃᓐᖏᕈᑖ 1 ᔫᑕᒥᐅᓂᑦ ᒎᑎ ᖃᐅᔨᒪᔭᐅᕗᖅ ᐊᑎᖓᓗ ᐊᖏᔪᕐᔪᐊᖑᕗᖅ ᐃᓴᕆᐊᓕᒥ. 2 ᓴᓕᒥᒥ ᑐᐱᕐᔪᐊᖁᑎᖓ ᐃᓂᖃᕐᐳᖅ, ᐃᓂᖃᕐᐳᕐᓗ ᓮᐅᓂᒥ. 3 ᑕᕝᕙᓂ ᐱᑎᒃᓯᐅᑉ ᖃᕐᔪᖏᑦ ᓯᖁᒥᑉᐰᑦ, ᓴᐴᓗᑍᑦ, ᓴᕕᒡᔪᐊᑦ, ᐅᓇᑕᐅᑎᓕᒫᓪᓗ. ᓰᓚ 4 ᓂᕐᑐᕐᓇᕐᓂᕐᓴᐅᕗᑎᑦ ᑕᑯᒥᓇᕐᓂᕐᓴᐅᓪᓗᑎᓪᓗ ᖃᖅᑲᓂᑦ ᓂᕐᔪᑎᖃᕐᑐᓂᑦ ᓂᕿᒃᓴᕐᓯᐅᕐᕕᐅᕙᒃᑐᓂᑦ. 5 ᐊᖑᑎᑦ ᓴᓐᖏᔪᑦ ᑎᒡᓕᒐᕐᕕᐅᓯᒪᕗᑦ, ᐃᑎᔪᒥᒡᓗ ᓯᓂᓕᕐᐳᑦ; ᐅᓇᑕᕐᑐᒃᓮᑦ ᐊᔪᖏᑦᑐᕐᔪᐊᑦ ᐊᒡᒐᑎᒃ ᐊᑐᕈᓐᓇᓐᖏᓔᑦ ᖃᐅᔨᒪᓂᑎᒡᓗ. 6 ᔧᑰᑉ ᒎᑎᖓ, ᓱᐊᒃᑲᕕᑦ, ᕿᒻᒥᕐᔪᐊᑦ ᐃᑭᒪᔪᓪᓗ ᐅᕐᕈᕗᑦ ᑐᖁᓪᓗᑎᒃ. 7 ᐃᕝᕕᑐᐊᖅ ᓯᕘᕋᒋᔭᐅᔪᒃᓴᐅᕗᑎᑦ; ᑭᓇ ᓇᔪᕐᑕᕐᓂ ᓇᖏᕈᓐᓇᕐᐹ ᓂᓐᖓᒃᑎᓪᓗᑎᑦ? 8 ᐃᖅᑲᕐᑐᐃᓂᕐᒥᒃ ᓴᖅᑭᑎᑦᓯᕗᑎᑦ ᕿᓚᖕᒥᑦ; ᓄᓇᕐᔪᐊᖅ ᓯᕘᕋᒐᒥ ᑕᕝᕙ ᓄᖅᑲᓚᐅᕐᐳᖅ. 9 ᒎᑎ ᒪᑭᒻᒪᑦ ᐃᖅᑲᕐᑐᐃᔭᕐᑐᕐᓗᓂ, ᐅᖁᒤᒃᓴᕐᑎᑕᐅᔪᑦ ᓄᓇᒥ ᓴᐳᑎᔭᕐᑐᕐᓗᒋᑦ. ᓰᓚ 10 ᐃᓄᐃᑦ ᓂᓐᖓᖕᓂᖏᑦ ᐃᓕᖕᓂᒃ ᓂᕐᑐᕐᓇᕐᓯᑎᑦᓯᔪᒃᓴᐅᕗᑦ; ᓂᓐᖓᐅᒪᓂᕐᓂᑦ ᐊᓐᓇᒃᑐᑦ ᐃᓕᖕᓂᒃ ᑕᑦᓯᕈᓯᕐᓯᔪᒫᕐᐳᑦ. 11 ᐊᖏᒻᒪᕆᒋᑦᓯ ᐊᑕᓂᕐᒧᑦ ᒎᑎᑦᓯᓐᓄᑦ, ᑲᔪᓯᑎᑦᓯᐊᕐᓗᒋᓪᓗ; ᑲᓂᒋᔭᖓᓃᑦᑐᓕᒫᑦ ᑐᓂᕐᕈᓯᓕᕐᓕᑦ ᑖᑦᓱᒧᖓ ᓯᕘᕋᒋᔭᐅᔭᕆᐊᖃᕐᑐᒧᑦ. 12 ᑖᑦᓱᒪ ᐊᖓᔪᖅᑳᕐᔪᐊᑦ ᐃᕐᓂᖏᑕ ᐊᓂᕐᓂᖏᑦ ᑭᐱᕔᑦ, ᓄᓇᒥᓗ ᐊᖓᔪᖅᑳᕐᔪᐊᓄᑦ ᓯᕘᕋᒋᔭᐅᕗᖅ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society