ᐃᓐᖏᕈᑎᑦ 75 - ᐊᒡᓔᑦ ᐃᑦᔪᕐᖕᓁᑦᑐᑦᖁᔭᓕᓂᖅ ᒎᑎᐅᑉ ᐃᓱᐊᕐᑐᒥᒃ ᐱᓇᓱᐊᕐᓂᖓ ᐱᓪᓗᒍ ᐊᓴᐸᐅᑉ ᐃᓐᖏᕈᑖ 1 ᖁᔭᓕᕝᕕᒋᕙᑦᑎᒋᑦ, ᒎᑏ; ᖁᔭᓕᕗᒍᑦ! ᐊᑏᑦ ᑐᒃᓯᐊᕐᕕᒋᕙᕗᑦ ᐱᓂᐊᕐᓂᑎᓪᓗ ᑲᒪᓇᕐᑐᑦ ᐅᖃᐅᓯᕆᓪᓗᒋᑦ. 2 ᐱᕕᒃᓴᒥᒃ ᓈᒻᒪᑦᓯᐊᕐᑐᒥᒃ ᓂᕈᐊᕈᒪ, ᐊᑦᔨᒌᒃᑎᑦᓯᔪᒥᒃ ᐱᓇᓱᐊᕈᒪᒐᔭᕐᐳᖓ. 3 ᓄᓇᕐᔪᐊᖅ ᓴᔪᒃᐱᓗᒃᐸᑦ, ᑕᕝᕙᓂᓗ ᐃᓅᔪᓕᒫᑦ, ᑕᕝᕙ ᐅᕙᖓ ᓱᑲᖏᓐᓂᒃ ᐋᖅᑭᒃᓯᓯᒪᕗᖓ ᐊᐅᓚᖏᑦᑐᒥᒃ. ᓰᓚ 4 ᐱᐅᔪᕆᔪᓄᑦ ᐅᖃᓚᐅᕐᐳᖓ, “ᐱᐅᔪᕆᓂᐊᕋᓯ,” ᐱᐅᖏᑦᑐᓄᓪᓗ ᐅᖃᕐᐳᖓ, “ᓇᒡᔪᖁᑎᑎᑦ ᐃᓴᐅᑎᓂᐊᕐᓇᒋᑦ. 5 ᓇᒡᔪᓯ ᖁᒻᒧᑦ ᐃᓴᐅᑎᓐᓂᐊᕋᓯᐅᒃ; ᑕᑎᑐᓗᓯᓗ ᓂᓪᓕᐊᓂᐊᕋᓯ.” 6 ᓂᕐᑐᕐᑕᐅᓂᖅ ᑎᑭᓐᓂᐊᓐᖏᓚᖅ ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᓯᕿᓂᐅᑉ ᓂᐱᕕᐊᑕ ᓇᓛᓃᑦ, ᐅᓪᓗᓪᓗᐊᑉ ᓇᓛᓂᓪᓘᓐᓃᑦ. 7 ᒎᑎᓕ ᐋᖅᑭᒃᓱᐃᔨᐅᕗᖅ, ᐂᑉᐸᖓ ᐅᕐᕈᑎᑉᐹ, ᐂᑉᐸᖓᓗ ᐊᖏᔪᕈᕐᑎᓪᓗᒍ. 8 ᐊᑕᓂᖅ ᐃᒥᐅᑎᒥᒃ ᑎᒍᒥᐊᕐᐳᖅ, ᕔᓂᒥᒃ ᐃᓚᓯᒪᓪᓗᓂ ᐃᖑᓚᕐᓯᒪᑦᓯᐊᕐᓗᓂ; ᑯᕕᔪᒫᕐᐹ ᐃᒤᕐᓗᒍ, ᑕᕝᕙ ᐱᐅᖏᑦᑐᓕᔪᓕᒫᑦ ᓄᓇᒥ ᐃᒥᕈᒫᕐᐳᑦ; ᐃᒥᕐᓗᒍ ᐃᒤᑦᓯᐊᕈᒫᕐᐹᑦ. 9 ᐅᕙᖓᓕ ᓇᓗᓁᕐᓯᔪᒫᕐᐳᖓ ᐃᓱᖃᖏᑦᑐᒧᑦ, ᔧᑰᓪᓗ ᒎᑎᖓ ᐃᓐᖏᕐᕕᒋᔪᒪᕙᕋ ᓂᕐᑐᕐᓗᒍ. 10 ᐱᐅᖏᑦᑐᓕᔪᑦ ᓇᒡᔪᓕᒫᖏᑦ ᓇᑲᑎᕈᒫᕐᐰᑦ, ᐃᓱᐊᕐᑐᓕᔪᓪᓕ ᓇᒡᔪᖏᑦ ᐊᖏᔪᕈᕐᑎᑕᐅᔪᒫᕐᐳᑦ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society