ᐃᓐᖏᕈᑎᑦ 73 - ᐊᒡᓔᑦ ᐃᑦᔪᕐᖕᓁᑦᑐᑦ

ᐅᖃᓕᒫᒊᑦ ᐱᖓᔪᖏᑦ ᐃᓐᖏᕈᑎᑦ 73ᒥᑦ—89ᒧᑦ ᒎᑎᐅᑉ ᓈᒻᒪᓈᕐᑐᒥᒃ ᐱᓇᓱᐊᕐᓂᖓ

ᐊᓴᐸᐅᑉ ᐃᓐᖏᕈᑖ

¹ ᓱᓕᔪᒥᒃ ᐃᓛᒃ ᒎᑎ ᐱᑦᓯᐊᕐᐳᖅ ᐃᓴᕆᐊᓕᓂᒃ, ᐃᑦᔪᕐᓁᑦᑐᓂᒃ ᐆᒻᒪᑎᓕᖕᓂᒃ.

² ᐅᕙᖓᓕ, ᐃᑎᒐᒃᑲ ᐹᓪᓚᑲᓴᓚᐅᕐᐳᑦ; ᐊᓪᓗᕐᓂᒃᑲᓗ ᖁᐂᔭᕿᑲᓴᓚᐅᕐᐳᑦ.

³ ᐱᐅᔪᕆᔪᓂᒃ ᑐᓱᓚᐅᕋᒪ, ᑕᑯᒐᒪ ᐱᐅᖏᑦᑐᓕᔪᑦ ᐊᔪᕐᓴᖏᑦᓯᐊᕐᓂᖏᓐᓂᒃ.

⁴ ᑐᖁᕕᒃᓴᒥᖕᓂᒃ ᑲᑉᐱᐊᓱᖏᒻᒪᑕ, ᑎᒥᖏᓪᓗ ᖃᓄᐃᖏᑦᓯᐊᕐᓗᑎᒃ ᓴᓐᖏᔫᓪᓗᑎᒃ.

⁵ ᐃᓱᐊᖏᑦᑐᕐᓯᐅᓐᖏᓚᑦ ᐃᓄᐃᑦ ᐊᓯᖏᑎᑐᑦ; ᖃᓂᒪᒐᔪᓐᖏᓚᓪᓘᓐᓃᑦ ᐃᓄᐃᑦ ᐊᓯᖏᑎᑐᑦ.

⁶ ᑍᒤᒻᒪᑦ ᐱᐅᔪᕆᓂᖅ ᐱᐅᓴᐅᑎᑐᑦ ᐅᔭᒥᒋᕚᑦ; ᑲᑉᐱᐊᓇᕋᓱᐊᕐᓂᕐᒥᒃ ᐅᓕᒃᓯᒪᕗᑦ ᐊᓐᓄᕌᕐᓯᒪᔪᑎᑐᑦ.

⁷ ᐊᔪᕐᓴᖏᓐᓂᕐᒧᑦ ᑮᓇᖏᑦ ᐳᕕᑦᑐᑐᑦ ᑍᒤᑉᐳᑦ, ᐆᒻᒪᑎᒥᒍᑦ ᐱᔪᒪᔭᖏᑕ ᐅᖓᑖᓂ ᐱᖃᕐᐳᑦ.

⁸ ᐃᓅᖃᑎᒥᖕᓂᒃ ᒥᑕᐅᑎᒃᓴᕐᓗᑎᒃ ᐱᐅᖏᑦᑐᓂᒃ ᓂᓪᓕᐊᕗᑦ; ᑲᑉᐱᐊᓱᒃᑎᑕᐅᔪᑦ ᐱᐅᔪᕆᑦᔪᑎᒋᓪᓗᒋᑦ ᐅᖃᖃᑎᒌᒃᐳᑦ.

⁹ ᕿᓔᑦ ᐊᑭᕋᕐᑐᕐᓗᒋᑦ ᓂᓪᓕᐊᕗᑦ, ᐅᖃᖏᓪᓗ ᓇᒧᑐᐃᓐᓇᖅ ᐱᓱᒃᑐᑎᑐᑦ ᓄᓇᒥ ᑍᒤᑉᐳᑦ.

¹⁰ ᑍᒤᒻᒪᑦ ᐃᓄᐃᑦ ᑖᒃᑯᓄᖓ ᓵᑉᐳᑦ ᓂᕐᑐᕐᓗᒋᓪᓗ; ᐸᓯᔭᒃᓴᐅᓂᕐᒥᒡᓗ ᓇᓂᓯᖏᓐᓇᒥᒃ ᓈᓚᒃᐳᑦ ᑖᒃᑯᓂᖓ.

¹¹ ᐅᖃᕐᓗᑎᒡᓗ, “ᖃᓄᖅ ᒎᑎ ᖃᐅᔨᒪᔪᓐᓇᕐᐹ? ᖁᑦᓯᖕᓂᕐᐹᖑᔪᖅ ᖃᐅᔨᔪᓐᓇᕐᓂᐊᕋᓗᐊᕐᐹ?”

¹² ᑕᑯᒋᑦ, ᑖᒃᑯᐊ ᐱᐅᖏᑦᑐᑦ ᑍᒤᓕᐅᕐᐳᑦ; ᐃᓱᒪᒥᖕᓂᒃ ᐃᓅᔪᑦ, ᐊᔪᕐᓴᕈᓐᓃᕐᐸᓪᓕᐊᓗᑎᒡᓗ.

¹³ ᐃᓛᓕ, ᑕᒪᐅᖓᑐᐃᓐᓇᖅ ᐆᒻᒪᑎᒐ ᐃᑦᔪᕐᓁᑎᓚᐅᕐᐸᕋ, ᐊᒡᒐᒃᑲᓗ ᐅᐊᓴᓚᐅᕐᐸᒃᑲ ᐸᓯᔭᒃᓴᐅᖏᓐᓂᕐᒧᑦ.

¹⁴ ᐅᓪᓗᖅ ᓈᓪᓗᒍ ᐃᓱᒪᔮᕐᑎᑕᐅᓚᐅᕐᐳᖓ, ᐅᓪᓛᑕᒫᓪᓗ ᐸᓯᔭᐅᓂᕐᒧᑦ ᓱᒋᐊᕐᑕᐅᕙᒃᓗᖓ.

¹⁵ ᐅᖃᓚᐅᕈᒪ, “ᐃᒫᒃ ᐅᖃᓛᕐᓂᐊᕐᐳᖓ,” ᑕᕝᕙ ᓱᓕᖏᑦᑐᒥᒃ ᐅᖃᕋᔭᕐᐳᖓ ᕿᑐᕐᖓᕕᑦ ᑭᖑᕚᖏᓐᓄᑦ.

¹⁶ ᐃᓱᒪᓕᕌᖓᒪ ᑕᒪᑐᒥᖓ ᑐᑭᓯᔪᒪᓪᓗᖓ, ᐅᕙᓐᓄᑦ ᐊᔪᕐᓇᓗᐊᕐᐸᓚᐅᕐᐳᖅ ᑕᒪᓐᓇ,

¹⁷ ᑭᓯᐊᓂ ᒎᑎᐅᑉ ᐃᑦᔪᕐᓁᑦᑐᕕᖁᑎᖓᓄᑦ ᐃᑎᕋᒪ; ᑕᕝᕙ ᐃᓱᓕᕝᕕᒃᓴᖏᑦ ᑐᑭᓯᓕᑍᓐᓇᓚᐅᕐᐸᒃᑲ.

¹⁸ ᐃᓛᒃ ᓱᓕᔪᒥᒃ ᐃᓕᕙᑎᑦ ᖁᐂᑦᑖᕐᓇᕐᑐᓄᑦ; ᐃᒋᓪᓗᒋᓪᓗ ᑲᑕᖁᓪᓗᒋᑦ ᐊᓯᕈᕐᑕᐅᕕᖕᒧᑦ.

¹⁹ ᑕᕝᕔᓐᓇᖅ ᐊᑯᓂᐅᖏᑦᑐᖅ ᐊᓯᕈᕐᑕᐅᕗᑦ, ᐊᑕᖏᕐᓱᑎᒃ ᓄᖑᑕᐅᕗᑦ ᑲᑉᐱᐊᓇᕐᑐᒧᑦ.

²⁰ ᓲᕐᓗ ᓯᓐᓇᒃᑑᒪᒥᑦ ᑐᐸᒃᑐᑐᑦ ᑍᒤᑉᐳᑦ, ᑍᒫᒃ ᐊᑕᓃᖅ ᒪᑭᒃᑯᕕᑦ, ᑕᐅᑦᑐᖏᑦ ᐊᓯᐅᔪᒫᕐᐳᑦ.

²¹ ᑍᒫᒃ ᑕᕐᓂᕋ ᕿᒃᓵᓚᐅᕐᐳᖅ, ᐆᒻᒪᑎᒃᑯᓪᓗ ᐋᓐᓂᕐᓱᖓ.

²² ᓯᓔᑦᑑᓚᐅᕋᒪ ᖃᐅᔨᒪᓇᖓᓗ, ᓂᕐᔪᑎᑎᑐᑦ ᖃᐅᔨᒪᓚᐅᓐᖏᓚᖓ ᐃᓕᖕᓂᒃ.

²³ ᐃᓕᖕᓄᓪᓕ ᖃᓂᑦᑑᖏᓐᓇᓚᐅᕐᐳᖓ; ᐊᒡᒐᒃᑯᑦ ᑕᓕᕐᐱᒃᑯᑦ ᑎᒍᒥᐊᓚᐅᕋᕕᖓ.

²⁴ ᑕᓯᐅᕋᕕᖓ ᐅᖃᐅᑦᔪᐃᖃᑦᑕᕐᓂᒃᑯᑦ, ᐱᓐᓇᕐᓇᕐᑐᕐᔪᐊᒧᓪᓗ ᐃᓚᓕᐅᕈᒫᕋᕕᖓ.

²⁵ ᑭᓇᒥᒃ ᐊᓯᖕᓂᒃ ᕿᓚᖕᒥ ᐱᖃᕐᐳᖔ? ᐃᕝᕕᑑᕗᖅ, ᐊᓯᖕᓂᒃ ᐱᔪᒪᔭᓐᓂᒃ ᓄᓇᒥ ᐱᑕᖃᓐᖏᓚᖅ.

²⁶ ᑎᒥᒐ ᐆᒻᒪᑎᒐᓗ ᐊᔪᓕᓕᕋᓗᐊᕐᐴᒃ, ᒎᑎᓕ ᐆᒻᒪᑎᒪ ᓴᓐᖏᔫᑦᔪᑎᒋᕚ ᐱᔪᓐᓇᐅᑎᒋᓪᓗᒍᓗ ᐃᓱᖃᖏᑦᑐᒧᑦ.

²⁷ ᐃᓛᒃ ᐃᓕᖕᓂᑦ ᐅᖓᓯᒃᑐᑦ ᑖᒃᑯᐊ ᐊᓯᐅᔪᒫᕐᐳᑦ; ᓄᖑᑎᑦᓱᒫᕋᕕᒋᑦ ᐃᓕᖕᓂᒃ ᕿᒤᓪᓗᑎᒃ ᐊᓯᓐᓂᐊᕐᓯᒪᔪᑦ.

²⁸ ᐅᕙᓐᓄᓪᓕ ᐱᐅᕗᖅ ᒎᑎᒧᑦ ᖃᓂᑦᑑᓗᖓ; ᐊᑕᓂᖅ ᒎᑎ ᕿᒫᕕᒃᓴᓕᐊᕆᓯᒪᒐᒃᑯ, ᐅᖃᐅᓯᖃᕈᓐᓇᖁᓪᓗᖓ ᐱᓇᓱᐊᕐᓂᕆᓯᒪᔭᓕᒫᕐᓂᒃ.