ᐃᓐᖏᕈᑎᑦ 70 - ᐊᒡᓔᑦ ᐃᑦᔪᕐᖕᓁᑦᑐᑦᑐᒃᓯᐊᕐᓂᖅ ᐊᑭᕋᕐᑐᕐᑐᓂᑦ ᓴᐳᑎᔭᐅᔪᒪᓂᕐᒧᑦ ᑍᕕᑎᐅᑉ ᐃᓐᖏᕈᑖ 1 ᒎᑏ, ᑐᐊᕕᕐᓗᑎᑦ ᓴᐳᑎᓚᐅᓐᖓ! ᐊᑕᓃᖅ, ᑐᐊᕕᕐᓗᑎ ᐃᑲᔪᓚᐅᓐᖓ! 2 ᑲᓐᖑᓇᕐᑐᒦᓪᓕᑦ ᓇᕐᕈᓇᕐᓯᓗᑎᒡᓗ ᐃᓅᓯᓐᓂᒃ ᑐᖁᑦᓯᔪᒪᔪᑦ! ᐅᑎᕆᐊᓕᕐᓕᑦ ᓇᓗᓕᕐᓗᑎᒡᓗ ᐅᕙᓐᓂᒃ ᐋᓂᐊᑎᑦᓯᔪᒪᔪᑦ. 3 ᐅᑎᕆᐊᓕᕐᓕᑦ ᑲᓐᖑᓇᕐᑐᒦᓐᓂᑎᒃ ᐱᓪᓗᒍ ᐅᖃᖃᑦᑕᕐᑐᑦ, “ᐋᕼᐊ, ᐋᕼᐊ!” 4 ᐃᓕᖕᓂᒡᓕ ᕿᓂᕐᑐᑦ ᑕᒪᕐᒥᒃ ᖁᕕᐊᓱᒡᓕᑦ ᐊᓕᐊᓁᒍᓲᑎᖃᕐᓗᑎᒡᓗ ᐃᓕᖕᓂᒃ; ᐱᐅᓕᒃᓯᓂᕐᓂᒡᓗ ᖁᕕᐊᒋᔭᖃᕐᑐᑦ ᑍᒪᓐᖓᑦ ᐅᖃᖃᑦᑕᕐᓕᑦ, “ᒎᑎ ᐊᖏᔪᕐᔪᐊᖑᕗᖅ!” 5 ᐅᕙᖓᓕ ᐊᒃᓗᕗᖓ ᐊᔪᕐᓴᕐᓗᖓᓗ; ᒎᑏ, ᑐᐊᕕᕐᓗᑎᑦ ᐅᕙᓐᓄᑦ ᕾᓚᐅᕆ! ᐃᑲᔪᕐᑎᒋᒐᒃᑭᑦ ᓴᐳᑦᔨᔨᒋᓪᓗᑎᓪᓗ; ᐊᑕᓃᖅ, ᐃᑲᔪᕐᓇᓵᕐᑍᓕᓐᖓ! |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society