ᐃᓐᖏᕈᑎᑦ 68 - ᐊᒡᓔᑦ ᐃᑦᔪᕐᖕᓁᑦᑐᑦᒎᑎᐅᑉ ᐱᓐᓇᕐᓇᕐᓂᖓ ᐃᓴᕆᐊᓕᒥᒃᓗ ᐱᑦᓯᐊᕐᓂᖓ ᐃᓐᖏᕐᑏᑦ ᑲᒪᔨᖓᓄᑦ ᑍᕕᑎᐅᑉ ᐃᓐᖏᕈᑖ 1 ᒎᑎ ᒪᑭᓕᕐᓕ, ᐊᑭᕋᖏᓪᓗ ᓯᐊᒻᒪᕐᓗᑎᒃ; ᐊᑭᕋᖏᑦ ᕿᒫᓕᑦ ᑖᑦᓱᒪ ᓵᖓᓂᑦ. 2 ᐳᔪᖅ ᐅᖓᕙᕐᐸᕐᒪᑦ, ᑍᒫᒃᑕᐅᖅ ᐅᖓᕙᕐᑎᒃᑭᑦ; ᐳᓐᓂᕐᓗ ᐊᐅᒃᐸᖕᒪᑦ ᐃᑯᒪᒧᑦ, ᑍᒫᒃᑕᐅᖅ ᐱᐅᖏᑦᑐᓕᔪᑦ ᓄᖑᑕᐅᓕᑦ ᒎᑎᐅᑉ ᓇᔫᑎᓂᖓᓂ. 3 ᐃᓱᐊᕐᑐᓪᓕ ᖁᕕᐊᓱᒡᓕᑦ; ᐊᓕᐊᓁᒍᓱᒡᓕᑦ ᒎᑎᐅᑉ ᓵᖓᓂ; ᐃᓛᒃ, ᐊᒃᓱᐊᓗᒃ ᐊᓕᐊᓁᒍᓱᒻᒪᕆᒡᓕᑦ. 4 ᒎᑎᒧᑦ ᐃᓐᖏᕆᑦᓯ, ᐃᓐᖏᕆᑦᓯ ᐊᑎᖓ ᓂᕐᑐᕐᓗᒍ; ᐊᖏᔪᕈᕐᑎᓯᐅᒃ ᓄᕗᔭᓂ ᐃᑭᒪᔪᖅ, ᐊᑎᖓ ᐊᑕᓂᖅ ᑍᓗᒍ, ᓵᖓᓂ ᖁᕕᐊᓱᒃᑐᐊᓘᒋᑦᓯ. 5 ᐊᑖᑕᖃᖏᑦᑐᑦ ᐊᑖᑕᖓᑦ, ᐅᐃᒡᒐᕐᓃᑦ ᓴᐳᑦᔨᔨᖓᑦ, ᒎᑎ ᐃᓂᒋᔭᒥᓃᑉᐳᖅ ᐃᑦᔪᕐᓁᑦᑐᒥ. 6 ᒎᑎ ᐃᓚᒋᔭᐅᕗᖅ ᐊᖏᕐᕋᒥ ᐃᓄᑑᔪᓂ; ᑎᒍᔭᐅᓯᒪᔪᑦ ᐊᓂᑎᑉᐰᑦ ᐊᔪᕐᓴᕐᓇᖏᑦᑐᒧᑦ; ᐊᑭᕋᕐᑐᕐᑐᓪᓕ ᐃᓂᖃᕐᐳᑦ ᓄᓇᒥ ᐸᓂᕐᑐᒥ. 7 ᒎᑏ, ᐃᓄᖁᑎᕕᑦ ᓯᕗᓂᖓᓃᓚᐅᕋᕕᑦ ᐊᐅᓪᓚᕐᑎᓪᓗᒋᑦ, ᐱᓱᖃᑦᑕᐅᓚᐅᕐᐳᑎᑦ ᐃᓄᖃᖏᑦᑐᒃᑰᕐᑎᓪᓗᒋᑦ. ᓰᓚ 8 ᓄᓇ ᓴᔪᓚᐅᕐᐳᖅ, ᕿᓔᓪᓗ ᑯᕕᓚᐅᕐᐳᑦ ᓯᓚᓗᖕᒥᒃ, ᒎᑎᐅᑉ ᓇᔪᕐᓂᖓᓄᑦ; ᓮᓁᓗᑦᑕᐅᖅ ᓴᔪᓚᐅᕆᕗᖅ ᒎᑎᐅᑉ ᓇᔪᕐᓂᖓᓄᑦ, ᐃᓴᕆᐊᓕᑏᑦ ᒎᑎᖓᓐᓄᑦ. 9 ᐃᕝᕕᑦ ᒎᑏ, ᓯᓚᓗᒃᑎᑦᓯᓚᐅᕐᐳᑎᑦ ᐊᒥᒐᖏᑦᑐᒥᒃ, ᑍᒫᒃ ᐱᒃᓴᕆᔭᑎᑦ ᓇᓗᓁᓚᐅᕐᐸᑎᑦ, ᑕᖃᓯᒪᔪᓐᓃᕐᑎᓪᓗᒋᓪᓗ. 10 ᐃᓄᖁᑎᑎᑦ ᐃᓂᖃᓕᓚᐅᕐᐳᑦ ᑕᕝᕙᓂ; ᐃᕝᕕᑦ ᒎᑏ, ᐱᐅᔫᓂᕐᓄᑦ ᐱᒃᓴᖃᕐᑎᑦᓯᔪᑎᑦ ᐊᔪᕐᓴᕐᑐᓂᒃ. 11 ᐊᑕᓂᖅ ᑐᓂᓯᓚᐅᕐᐳᖅ ᐅᖃᐅᓯᕐᒥᒃ; ᐃᓄᒋᐊᒃᑐᐊᓘᓚᐅᕐᐳᑦ ᐅᖃᐅᓯᖃᕐᑐᑦ ᑕᒪᑐᒥᖓ ᑐᓴᕈᒥᓇᕐᑐᒥᒃ: 12 ᐅᓇᑕᕐᑐᒃᓴᕐᔪᐊᑦ ᐊᖓᔪᖅᑳᕐᔪᐊᖏᑦ ᕿᒫᓚᐅᕐᐳᑦ, ᑐᐊᕕᕐᓗᑎᒃ; ᐊᖏᕐᕋᖏᓐᓂ ᐊᒥᐊᒃᑰᔪᑦ ᐱᖁᑎᖏᓐᓂᒃ ᐊᒡᒍᕐᓗᑎᒃ ᐱᑖᕐᑐᓚᐅᕐᐳᑦ. 13 ᓰᐱᒃᑯᕕᐅᒃ ᐃᓱᐊᓂ ᓯᓂᒃᑲᓗᐊᕐᑎᓪᓗᑎᑦ, ᑑᕕᐅᑉ ᐃᓴᕈᖏᑎᑐᑦ ᑍᒤᓐᓂᐊᕐᐳᑎᑦ ᓯᐅᓪᕕᕆᒥᒃ ᓯᓚᑉᐱᐊᖃᕐᑐᑎᑐᑦ, ᓱᓗᖏᓪᓗ ᕿᓪᓕᕐᑑᓪᓗᑎᒃ ᒎᓗᑎᑐᑦ ᐃᓚᓯᒪᖏᑦᑐᑎᑐᑦ. 14 ᐊᔪᒐᖃᖏᑦᑑᓪᓕ ᐊᖓᔪᖅᑳᕐᔪᐊᑦ ᓯᐊᒻᒪᕐᑎᒻᒪᒋᑦ ᑕᕝᕙᓐᖓᑦ, ᐊᐳᒻᒥᒃ ᒪᓂᖅᑲᒦᑦᑐᒥᒃ ᐊᑦᔨᖃᓚᐅᕐᐳᖅ ᔭᓪᒨᓂᒦᑦᑐᒥᒃ. 15 ᒎᑎᐅᑉ ᖃᖅᑲᖁᑎᖓ ᐹᓴᓂ ᑕᑯᒥᓇᕐᑑᓪᓗᓂ ᖃᖅᑲᐅᕗᖅ; ᓄᕗᖃᐅᕐᐳᖅ ᐅᓄᕐᑐᓂᒃ ᖃᖅᑲᖅ ᐹᓵᓐ. 16 ᓱᖕᒪᑦ ᑕᑯᓐᓇᕐᐱᓰ ᑐᓱᓪᓗᓯ, ᖃᖅᑲᐅᔪᓯ ᓄᕗᖃᐅᕐᑐᑦ ᐅᓄᕐᑐᓂᒃ, ᑕᑯᓐᓇᕐᓗᓯᐅᒡᓗ ᖃᖅᑲᖅ ᒎᑎᐅᑉ ᐃᓂᒋᔪᒪᔭᖓ, ᑕᕝᕙᓂ ᐊᑕᓂᖅ ᐃᓂᖃᕐᓂᐊᕐᐳᖅ ᐃᓱᖃᖏᑦᑐᒧᑦ. 17 ᐊᒃᓴᓗᐊᓖᑦ ᐱᐅᔪᕐᔪᐊᑦ ᒎᑎᐅᑉ ᐱᖏᑦ ᐊᕙᑎᑦ ᑕᐅᓮᕐᑐᕐᓗᒋᑦ ᐊᒡᓛᑦ, ᑕᐅᓮᑦ ᑕᐅᓮᕐᑐᕐᓗᒋᑦ, ᐊᑕᓂᐅᑉ ᓮᓁᒥᑦ ᐃᓚᒋᓪᓗᒋᑦ ᐃᑦᔪᕐᓁᑦᑐᕕᖕᒧᐊᓚᐅᕐᐳᖅ. 18 ᖁᒻᒧᐊᒃᐳᑎᑦ ᖁᑦᓯᒃᑐᒧᑦ, ᑎᒍᔭᐅᓯᒪᔪᑦ ᓇᒃᓴᕐᓗᒋᑦ, ᑐᓂᕐᕈᑎᓂᒡᓗ ᐃᓄᖕᓂᑦ ᐱᑎᑕᐅᕗᑎᑦ, ᐊᑭᕋᕐᑐᕐᑐᓂᑦ ᐊᒡᓛᑦ, ᐊᑕᓂᖅ ᒎᑎ ᐃᓂᖃᖁᓪᓗᒍ ᑍᑲᓂ. 19 ᐊᑕᓂᖅ ᓂᕐᑐᕐᑕᐅᓕ, ᖃᐅᑕᒫᑦ ᐅᖁᒤᒋᔭᕗᑦ ᐊᒡᔭᕐᒪᒋᑦ, ᒎᑎ ᐱᐅᓕᔭᐅᕕᒃᓴᕆᕙᕗᑦ. ᓰᓚ 20 ᒎᑎᕗᑦ, ᒎᑎᐅᕗᖅ ᐱᐅᓕᔨ; ᒎᑎᓗ ᐊᑕᓂᖅ, ᐱᖃᕐᐳᖅ ᑐᖁᒥᒃ ᕿᒫᔪᓐᓇᕐᓂᕐᒥᒃ. 21 ᒎᑎᐅᓪᓕ ᐊᑭᕋᕐᑐᕐᑎᒥ ᓂᐊᖁᖏᑦ ᓯᖁᒥᑦᓱᒫᕐᐰᑦ, ᓂᐊᖁᖏᑦ ᓄᔭᖅᑯᕐᑐᔪᑦ ᑖᒃᑯᐊᖑᕗᑦ ᐸᓯᔭᒃᓴᐅᓪᓗᑎᒃ ᐱᓇᓱᐊᕐᑐᑦ. 22 ᐊᑕᓂᖅ ᐅᖃᓚᐅᕐᐳᖅ, “ᐹᓴᓂᒥᑦ ᐅᑎᕐᑎᑦᓱᒪᕙᒃᑲ; ᐃᒪᕐᔪᐊᓪᓗ ᐃᑎᓂᕐᔪᐊᖏᓐᓂᑦ ᐅᑎᕐᑎᑦᓱᒪᕙᒃᑲ. 23 ᐃᑎᒐᑎ ᐃᐸᕌᖁᓪᓗᒋᑦ ᐊᑭᕋᕐᑐᕐᑎᕕᑦ ᐊᐅᖏᓐᓄᑦ, ᕿᒻᒥᑎᓪᓗ ᐅᖃᕐᒥᖕᓄᑦ ᐃᓚᓐᖕᒊᖁᓪᓗᒋᑦ ᐊᑭᕋᕐᑐᕐᑎᖕᓂᑦ.” 24 ᑭᖑᓕᕇᒃᑐᖁᑎᑎᑦ ᕾᓕᕐᑐᑦ ᑕᑯᒃᓴᐅᓕᕐᐳᑦ, ᒎᑏ, ᒎᑎᒪ ᐊᖓᔪᖅᑳᕐᔪᐊᒪᓗ ᑭᖑᓕᕇᒃᑐᖁᑎᖏᑦ ᐃᑦᔪᕐᓁᑦᑐᕕᖕᒧᑦ ᐂᓕᕐᐳᑦ. 25 ᐃᓐᖏᕐᑏᑦ ᓯᕗᓪᓕᐅᕗᑦ, ᓂᑦᔭᐅᓯᔭᕐᑏᑦ ᑭᖑᓪᓕᐅᓪᓗᑎᒃ; ᐊᕐᓁᓪᓗ ᑖᒃᑯᐊ ᐊᑯᓐᓂᖓᓐᓂ ᓯᕙᓂᕋᐅᑎᓂᒃ ᓂᓪᓕᐊᑎᑦᓯᕗᑦ. 26 “ᒎᑎ ᓂᕐᑐᕐᑕᐅᓕ ᐃᓄᒋᐊᒃᑐᕐᔪᐊᑦ ᐊᑯᕐᖓᓐᓂ; ᐊᑕᓂᖅ ᓂᕐᑐᕐᑕᐅᓕ ᐃᓴᕆᐊᓕᑎᑦ ᑲᑎᒪᔪᕐᔪᐊᖁᑎᖏᓐᓂ.” 27 ᐱᓐᔭᒥᓂᐅᑉ ᑭᖑᕚᖏᑦ ᐅᓄᖏᑦᑐᑦ, ᓯᕗᓕᕐᑎᐅᕗᑦ, ᔫᑕᐅᓪᓗ ᐊᖓᔪᖅᑳᖁᑎᖏᑦ ᐅᓄᕐᑐᕐᔪᐊᑦ, ᓯᐳᓗᓂᐅᓪᓗ ᐊᖓᔪᖅᑳᖁᑎᖏᑦ, ᓈᑉᑕᓕᐅᓪᓗ ᐊᖓᔪᖅᑳᖁᑎᖏᑦ. 28 ᒎᑏ, ᓴᓐᖏᓃᑦ ᓇᓗᓁᓚᐅᕈᒃ; ᓴᓐᖏᓃᑦ ᓴᖅᑭᑎᓚᐅᕈᖅ ᒎᑏ, ᐅᕙᑦᑎᓐᓄᑦ ᐱᓂᐊᕐᓂᕆᓯᒪᔧᑦ. 29 ᔨᕉᓴᓕᒦᑦᑐᖅ ᑐᒃᓯᐊᕐᕕᒃᔪᐊᖁᑏᑦ ᐱᓪᓗᒍ, ᐊᖓᔪᖅᑳᕐᔪᐊᑦ ᐂᑦᑑᑎᓂᒃ ᕾᑦᓯᕕᒋᓂᐊᕐᐹᑎᑦ. 30 ᐃᕕᒡᔪᐊᓃᑦᑐᑦ ᐆᒪᔪᑦ ᐃᓂᕐᑎᒃᑭᑦ, ᐃᒻᒧᒃᓯᐅᒐᐅᑉ ᐸᖕᓂᖏᑦ ᓄᕐᕅᓪᓗ ᐃᓚᒋᓪᓗᒋᑦ. ᑕᒪᕐᒥᒃ ᓯᐅᓪᕕᕆᒥᒃ ᑐᓂᓯᓚᐅᖏᓐᓂᖏᓐᓂ. ᐊᕕᑎᓚᐅᒃᑭᑦ ᐃᓄᐃᑦ ᐅᓇᑕᕈᒪᔪᑦ. 31 ᐄᑦᔨᑉᑎᒥᐅᑦ ᑎᓕᔭᖏᑦ ᑎᑭᑦᓱᒫᕐᐳᑦ; ᐃᑎᐅᐱᐊᒥᐅᑦ ᒎᑎᒧᑦ ᐃᒻᒥᖕᓂᒃ ᑐᓂᔪᓐᓇᖁᓪᓗᒋᑦ. 32 ᐃᓐᖏᕆᑦᓯ ᒎᑎᒧᑦ, ᓄᓇᒥ ᐊᖓᔪᖅᑲᐅᕕᐅᔪᓯ; ᐃᓐᖏᕆᑦᓯ ᓂᕐᑐᐃᓗᓯ ᐊᑕᓂᕐᒥᒃ. ᓰᓚ 33 ᕿᓔᑦ ᕿᓚᖏᓐᓂ ᐃᑭᒪᔪᒧᑦ, ᑍᒪᓐᖓᓂᓴᐅᔪᒧᑦ! ᑕᑯᒋᑦ, ᓂᓪᓕᐊᕗᖅ ᐃᒃᑐᑑᕐᑐᒥᒃ, ᐊᔪᖏᑦᑐᕐᔪᐊᕐᒥᒃ ᓂᐱᖃᕐᓗᓂ. 34 ᒎᑎᐅᑉ ᓴᓐᖏᓂᖓ ᐅᖃᐅᓯᕆᓯᐅᒃ; ᐊᖓᔪᖅᑳᕐᔪᐊᖑᓂᕐᒧᑦ ᐅᐱᓐᓇᕐᓂᖓ ᐃᓴᕆᐊᓪ ᖁᓛᓃᑉᐳᖅ, ᓴᓐᖏᓂᖓᓗ ᓄᕗᔭᓃᓪᓗᓂ. 35 ᒎᑎ, ᑲᒪᓇᕐᑐᕐᔪᐊᖑᕗᖅ ᐃᓂᒋᔭᒥᓂ ᐃᑦᔪᕐᓁᑦᑐᒥ, ᐃᓴᕆᐊᓕᑏᑦ ᒎᑎᖓᑦ ᑐᓂᓯᕗᖅ ᓴᓐᖏᓂᕐᒥᒃ ᐱᔪᓐᓇᕐᓂᕐᒥᒡᓗ ᐃᓄᖁᑎᒥᓄᑦ. ᒎᑎ ᓂᕐᑐᕐᑕᐅᓕ! |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society