ᐃᓐᖏᕈᑎᑦ 63 - ᐊᒡᓔᑦ ᐃᑦᔪᕐᖕᓁᑦᑐᑦᒎᑎᒥᒃ ᐃᓚᖃᕐᓂᐅᑉ ᖁᕕᐊᓇᕐᓂᖓ ᑍᕕᑎᐅᑉ ᐃᓐᖏᕈᑖ 1 ᒎᑏ, ᒎᑎᒋᕙᒋᑦ, ᐅᓪᓛᒻᒪᕆᒃᑯᑦ ᕿᓂᕈᒪᕙᒋᑦ, ᑕᕐᓂᕋ ᖀᓕᕐᐳᖅ ᐃᓕᖕᓄᑦ; ᐅᕕᓂᖕᒪ ᐅᖓᕚᑎᑦ, ᓄᓇᑐᑦ ᐸᓂᕐᑐᑐᑦ ᐃᒥᕈᒃᑐᑐᓪᓗ ᐃᒪᖃᖏᑦᑐᒥ. 2 ᐃᑦᔪᕐᓁᑦᑐᕕᖕᒥ ᕿᓂᓚᐅᕐᐸᒋᑦ, ᐊᔪᒐᖃᖏᓐᓃᑦ ᐱᓇᕐᓇᕐᓃᓪᓗ ᑕᑯᔪᒪᓪᓗᒋᒃ. 3 ᓇᒡᓕᖕᓃᑦ ᓱᖁᓯᔪᐃᑦᑐᖅ ᐱᐅᓂᕐᓴᐅᖕᒪᑦ ᐃᓅᓯᕐᒥᑦ, ᖃᓂᕐᒪ ᓂᕐᑐᕐᓂᐊᕐᐹᑎᑦ. 4 ᑍᒫᒃ ᓂᕐᑐᕈᒪᕙᒋᑦ ᐃᓅᓂᓕᒫᓐᓂ; ᐊᑎᕐᓂ ᐊᒡᒐᒃᑲ ᖁᒻᒧᐊᒃᑎᓐᓂᐊᕐᐸᒃᑲ. 5 ᑕᕐᓂᕋ ᑕᕝᕙ ᓂᕆᓂᐊᕐᐳᖅ ᓂᕿᓄᑦ ᖁᐃᒃᓯᑦᓯᐊᕐᓇᕐᓂᕐᐹᓄᑦ; ᖃᓂᕐᒪᓗ ᓂᕐᑐᕐᓂᐊᕐᐹᑎᑦ ᖃᓂᕐᒧᑦ ᖁᕕᐊᓱᒃᑐᒧᑦ. 6 ᐃᓂᓪᓚᖓᕕᓐᓂ ᐃᖅᑲᐅᒪᕙᒃᐸᒋᑦ, ᐃᓱᒪᒃᓴᕐᓯᐅᕈᑎᒋᕙᒃᐸᒋᓪᓗ ᐅᓐᓄᐊᑉ ᖃᐅᔨᓴᕐᕕᖏᓐᓂ. 7 ᐃᑲᔪᕐᑎᒋᖃᑦᑕᕐᓯᒪᒐᒃᑭᑦ, ᐃᓴᕈᕐᐱᓪᓗ ᑕᕐᕋᓕᓂᖓᓂ ᖁᕕᐊᓱᒃᓗᖓ ᐃᓐᖏᕐᓂᐊᕐᐳᖓ. 8 ᑕᕐᓂᕐᒪ ᑎᒍᒥᐊᕐᐹᑎᑦ ᐊᑕᕕᒋᓪᓗᑎᑦ; ᐊᒡᒐᒃᐱᓪᓗ ᑕᓕᕐᐱᒃᐱᑦ ᒪᑭᑕᑎᑉᐹᖓ. 9 ᐅᕙᓐᓂᒡᓕ ᑐᖁᑦᓯᔪᒪᓪᓗᑎᒃ ᕿᓂᕐᑐᑦ ᓄᓇᒧᑦ ᐊᒃᐸᓯᖕᓂᕐᓴᒧᑦ ᐂᔪᒫᕐᐳᑦ. 10 ᓴᕕᒡᔪᐊᒧᑦ ᑐᖁᑕᐅᔪᒫᕐᐳᑦ, ᑎᕆᒐᓂᐊᖑᔮᕐᑐᓄᑦ ᔮᑯᓄᑦ ᓂᕿᒃᓴᐅᔪᒫᕐᐳᑦ. 11 ᐊᖓᔪᖅᑳᕐᔪᐊᕐᓕ ᖁᕕᐊᓱᒍᒫᕐᐳᖅ ᒎᑎᒥ; ᒎᑎᒥᒡᓗ ᐊᖏᕈᑎᖃᕐᑐᓕᒫᑦ ᑖᑦᓱᒥᖓ ᓂᕐᑐᓕᕈᒫᕐᐳᑦ, ᓴᒡᓗᑐᔪᑦ ᖃᓂᖏᑦ ᓂᐸᖏᕐᑎᑕᐅᔪᒫᕐᒪᑕ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society