ᐃᓐᖏᕈᑎᑦ 54 - ᐊᒡᓔᑦ ᐃᑦᔪᕐᖕᓁᑦᑐᑦᑐᒃᓯᐊᕐᓂᖅ ᓴᐳᑎᔭᐅᔪᒪᓂᕐᒧᑦ ᐊᑭᕋᕐᑐᕐᑎᓂᑦ ᑍᕕᑎᐅᑉ ᐃᓐᖏᕈᑖ, ᔨᑉᕼᐂᑎᒥᐅᑦ ᓴᐅᓕᒧᑦ ᐅᖃᕐᑎᓪᓗᒋᑦ “ᑍᕕᑎᐅᑉ ᐃᔨᕐᓯᒪᕕᒋᕚᑎᒍᑦ” 1 ᒎᑏ, ᓴᐳᑎᓚᐅᓐᖓ, ᐊᑎᕐᓄᑦ, ᐅᓇᑕᕈᑎᓗᖓᓗ ᓴᓐᖏᔫᓂᕐᓄᑦ. 2 ᒎᑏ, ᑐᒃᓯᐊᕐᓂᕋ ᑐᓴᓚᐅᕈᒃ; ᖃᓂᕐᒪᓗ ᐅᖃᐅᓯᖏᑦ ᓈᓚᓚᐅᒃᑭᑦ. 3 ᐃᓅᖃᑎᒋᓐᖏᑕᕗᑦ ᐅᓇᑕᕋᓱᐊᕐᒪᑕ ᐅᕙᓐᓂᒃ, ᐊᑭᕋᕐᑐᕐᑐᓪᓗ ᕿᓂᕐᐹᖓ ᑐᖁᑦᓱᒪᓪᓗᖓ; ᒎᑎᒥᒡᓗ ᐃᓱᒪᒋᔭᖃᓐᖏᓚᑦ. ᓰᓚ 4 ᓱᓕᔪᒥᒃ, ᒎᑎ ᐃᑲᔪᕐᑎᒋᕙᕋ; ᐊᑕᓂᖅ ᐃᓅᓯᓐᓂᒃ ᒪᑭᑕᑎᑦᓯᔨᐅᕗᖅ. 5 ᐊᑭᕋᕐᑐᕐᑎᒃᑲ ᐊᑭᔪᒫᕐᐰᑦ ᐱᐅᖏᑦᑐᒧᑦ; ᓄᖑᑦᓱᒫᕐᐰᑦ ᓱᖁᓯᔪᐃᑦᑑᓂᕐᒥᓄᑦ. 6 ᐃᓱᒪᕐᓱᕐᓗᖓ ᑐᓂᕐᕈᓯᕐᕕᒋᓂᐊᕐᐸᒋᑦ ᖁᕕᐊᓱᒡᓗᖓ; ᐊᑏᑦ ᖁᔭᒋᓂᐊᕐᐸᕋ, ᐊᑕᓂᖅ, ᐱᐅᔫᖕᒪᑦ. 7 ᓴᐳᑎᓯᒪᒐᕕᖓ ᐊᒃᓱᕈᕐᓇᕐᑐᓂᑦ ᑕᒤᓐᓂᑦ, ᐃᔩᒃᑲᒡᓗ ᑕᑯᓯᒪᕘᒃ ᐊᑭᕋᕐᑐᕐᑎᒪ ᓵᓚᐅᓂᖏᓐᓂᒃ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society