ᐃᓐᖏᕈᑎᑦ 53 - ᐊᒡᓔᑦ ᐃᑦᔪᕐᖕᓁᑦᑐᑦᒎᑎᖃᖏᑦᑐᑦ ᓯᓔᓐᓂᖓᑦ ᐃᓐᖏᕈᑦ 14 ᑍᕕᑎᐅᑉ ᐃᓐᖏᕈᑖ 1 ᓯᓔᑦᑐᖅ ᐆᒻᒪᑎᒥᒍᑦ ᐅᖃᕐᐳᖅ, “ᒎᑎᑕᖃᓐᖏᓚᖅ.” ᑕᒻᒪᕐᓯᒪᕗᑦ, ᐱᓂᐊᕐᓂᖏᓪᓗ ᐱᐅᖏᑦᑐᐊᓘᓪᓗᑎᒃ; ᐱᐅᔪᒥᒃ ᐱᓇᓱᐊᕐᑐᖃᓐᖏᓚᖅ ᑖᒃᑯᓇᓂ. 2 ᒎᑎᓕ ᐊᒻᒧᑦ ᑕᑯᓐᓇᕐᐳᖅ ᐃᓄᐃᑦ ᕿᑐᕐᖓᖏᓐᓂᒃ, ᖃᐅᔨᔪᒪᓪᓗᓂ ᑐᑭᓯᐊᔪᖃᕐᒪᖔᑦ, ᒎᑎᒥᒡᓗ ᕿᓂᕐᑐᖃᕐᒪᖔᑦ. 3 ᑕᒪᕐᒥᒡᓕ ᑐᓄᑦᓯᓯᒪᕗᑦ; ᐊᑕᐅᑦᓯᒃᑯᓪᓗ ᑕᒻᒪᕐᓯᒪᓪᓗᑎᒃ; ᐱᐅᔪᒥᒡᓗ ᐱᓇᓱᐊᕐᑐᖃᓐᖏᓚᖅ, ᐊᑕᐅᓯᕐᒥᒡᓘᓐᓃᑦ. 4 ᐱᐅᖏᑦᑐᒥᒃ ᐱᓇᓱᐊᕐᑐᑦ ᑐᑭᓯᐅᒪᔪᖃᓐᖏᓚᑦ, ᐃᓄᖁᑎᓐᓂᒃ ᓂᕆᕗᑦ ᓲᕐᓗ ᓂᐊᖂᔭᕐᑐᕐᑐᑎᑐᑦ, ᒎᑎᒧᓪᓗ ᓂᓪᓕᐊᓇᑎᒃ. 5 ᑲᑉᐱᐊᓱᒃᑐᐊᓘᕗᑦ ᑲᑉᐱᐊᓇᕐᑐᖃᓐᖏᑎᓪᓗᒍ, ᐃᓕᑦᓯᓐᓂᒃ ᓱᕐᔪᒃᑐᑦ ᓴᐅᓂᖏᑦ ᒎᑎᐅᑉ ᓯᐊᒻᒪᕐᑎᓐᓂᐊᕐᒪᒋᑦ; ᑲᓐᖑᓇᕐᑐᒦᑎᑕᐅᓂᐊᕐᐳᑦ, ᒎᑎᐅᑉ ᖁᔭᓈᕐᓯᒪᖕᒪᒋᑦ. 6 ᐃᓴᕆᐊᓕᒧᑦᑐᖅ ᐃᑲᔪᕐᑎᒃᓴᒥᒃ ᑎᑭᑦᑐᖃᓚᐅᕐᓕ ᓮᐅᓂᒥᑦ! ᒎᑎᐅᑉ ᐃᓄᖁᑎᓂ ᐅᑎᕐᑎᓕᕐᐸᒋᑦ ᐊᐅᓪᓚᕐᑎᑕᐅᓯᒪᕕᖕᒥᑦ, ᔧᑯ ᖁᕕᐊᓱᒍᒫᕐᐳᖅ ᐃᓴᕆᐊᓕᓗ ᐊᓕᐊᓁᒍᓱᒡᓗᓂ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society