ᐃᓐᖏᕈᑎᑦ 52 - ᐊᒡᓔᑦ ᐃᑦᔪᕐᖕᓁᑦᑐᑦ

ᒎᑎᐅᒃ ᐃᖅᑲᕐᑐᐃᓂᖓ ᐱᑦᓯᐊᕐᓂᖓᓗ

ᑍᕕᑎᐅᑉ ᐃᓐᖏᕈᑖ

¹ ᓱᖕᒪᑦ ᐱᑦᓯᐊᖏᓐᓂᕐᒥᒃ ᐱᐅᔪᕆᑦᔪᑎᖃᕐᐱᑦ, ᐊᔪᖏᑦᑐᐊᓘᔪᑎᑦ ᐊᖑᑦ? ᒎᑎᐅᑉ ᐃᓄᖁᑎᖓᓄᑦ, ᐅᓪᓗᓕᒫᖅ ᓈᓪᓗᒍ.

² ᐅᖃᓯ ᐋᖅᑭᒃᓱᐃᕗᑦ ᐊᓯᕈᐃᓂᕐᒥᒃ ᐃᐱᒃᑐᑐᑦ ᐅᓐᖏᔭᐅᑎᑐᑦ, ᐅᐃᕕᕆᒃᓯᓂᕐᒥᒃ ᐱᓇᓱᐊᕐᐳᓯ.

³ ᐱᐅᖏᑦᑐᒥᒃ ᐅᖓᓂᕐᓴᐅᕗᑎᑦ ᐱᐅᔪᒥᑦ, ᓴᒡᓗᖃᑦᑕᕐᓂᕐᓴᐅᓪᓗᑎᓗ ᓱᓕᔪᒥᒃ ᐅᖃᖃᑦᑕᕐᓂᕐᓂᑦ. ᓰᓚ

⁴ ᐅᖃᐅᓰᑦ ᐋᓐᓂᕐᓇᕐᑐᑦ ᖁᕕᐊᒋᕙᑎᑦ, ᐅᖃᖃᕐᐳᑎᑦ ᐅᐃᕕᕆᒃᓯᔪᓂᒃ.

⁵ ᒎᑎᐅᑉ ᑍᒫᑦᓮᓐᓇᖅ ᐊᓯᕈᕈᒫᕐᐹᑎᑦ ᐃᓱᖃᖏᑦᑐᒧᑦ; ᐊᐅᓪᓚᕈᑎᔪᒫᕐᐹᑎᑦ, ᐃᓂᒋᔭᕐᓂᑦ ᓄᓱᒍᒫᕐᒪᑎᑦ, ᐲᕐᑎᓪᓗᑎᓪᓗ ᐃᓅᔪᑦ ᓄᓇᖓᓂᑦ. ᓰᓚ

⁶ ᐃᓱᐊᕐᑐᑦ ᐊᒡᓛᑦ ᑕᑯᔪᒫᕆᕗᑦ ᓯᕘᕋᓗᑎᒡᓗ, ᐃᒡᓚᐅᑎᒋᔪᒫᕐᐹᑎᑦ ᐅᖃᕐᓗᑎᒃ,

⁷ “ᐆᒪ ᐊᖑᑎᐅᑉ ᒎᑎ ᐊᔪᖏᑦᔪᑎᒋᓚᐅᓐᖏᓛ, ᑕᑎᖃᕐᓂᕐᓴᐅᓚᐅᕐᐳᕐᓕ ᐊᒃᓗᐃᑦᔪᑎᒥᓂᒃ, ᐱᐅᖏᑦᑐᓕᓂᕐᓗ ᓴᓐᖏᔫᑦᔪᑎᒋᓚᐅᕐᐹ.”

⁸ ᓇᐹᕐᑐᖅ ᐅᕐᓱᒃᓴᓕᒃ ᑐᖑᔪᕐᑐᖅ ᐊᑦᔨᒋᕙᕋ ᒎᑎᐅᑉ ᐃᒡᓗᖓᓂ; ᒎᑎᐅᑉ ᓇᒡᓕᒍᓱᖕᓂᖓ ᑕᑎᒋᕙᕋ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

⁹ ᖁᔭᒋᓂᐊᕐᐸᒋᑦ ᐃᓱᖃᖏᑦᑐᒧᑦ, ᐱᓂᐊᕐᓯᒪᔭᑎᑦ ᐱᑦᔪᑎᒋᓪᓗᒋᑦ. ᐃᑦᔪᕐᓁᑦᑐᖁᑎᑎᑦ ᐃᓚᒋᓗᒋᑦ ᐊᑏᑦ ᐅᖃᐅᓯᕆᔪᒪᕙᕋ, ᐱᐅᔫᖕᒪᑦ.