ᐃᓐᖏᕈᑎᑦ 47 - ᐊᒡᓔᑦ ᐃᑦᔪᕐᖕᓁᑦᑐᑦᒎᑎᒥᒃ ᓂᕐᑐᐃᓂᖅ ᓄᓇᕐᔪᐊᕐᒥᒃ ᐊᐅᓚᑦᓯᔪᒥᒃ ᐃᓐᖏᕐᑏᑦ ᑲᒪᔨᖓᓐᓄᑦ ᑰᕋᐅᑉ ᐃᕐᓂᖏᑕ ᐃᓐᖏᕈᑖᑦ 1 ᐊᒡᒐᓯ ᐸᑎᒃᑕᕐᓕᑦ, ᐃᓄᓕᒫᖑᔪᓯ! ᓂᐱᖅᑯᕐᑐᓗᓯ ᓂᓪᓕᐊᒋᑦᓯ ᒎᑎᒧᑦ ᐃᓐᖏᕐᓗᓯ ᖁᕕᐊᓱᖕᓂᕐᒧᑦ! 2 ᐊᑕᓂᖅ ᖁᑦᓯᖕᓂᕐᐹᖑᔪᖅ ᐊᔪᖏᑦᑐᕐᔪᐊᖑᕗᖅ; ᐊᔪᖏᓐᓂᕐᐹᖑᓪᓗᓂ ᐊᖓᔪᖅᑳᔪᐊᖑᕗᖅ ᓄᓇᕐᔪᐊᓕᒫᒧᑦ. 3 ᐃᓄᒋᐊᒃᑐᕐᔪᐊᓂᒃ ᓵᓚᖃᕐᑎᓐᓂᐊᕐᐹᑎᒍᑦ, ᐃᓅᖃᑎᒌᒡᔪᐊᓪᓗ ᐃᑎᒐᑦᑕ ᐊᑖᓄᑦ ᐱᑎᓐᓂᐊᕐᐰᑦ. 4 ᐱᒋᔭᒃᓴᑦᑎᓐᓂᒡᓗ ᓂᕈᐊᕈᑎᓂᐊᕐᐹᑎᒍᑦ, ᓇᒡᓕᒋᔭᒥ, ᔧᑰᑉ ᖁᕕᐊᒋᓪᓚᕆᒃᑕᖓᓂᒃ. ᓰᓚ 5 ᒎᑎ ᖁᒻᒧᐊᒃᐳᖅ ᖁᕕᐊᓱᖕᓂᕐᒧᑦ ᓂᐱᖅᑯᕐᑐᓪᓗᑎᒃ ᓂᓪᓕᐊᑎᓪᓗᒋᑦ, ᐊᑕᓂᖅ ᑎᑦᑐᓚᐅᑎᑦ ᓂᓪᓕᐊᑎᑕᐅᔪᑦ ᐊᑯᕐᖓᓐᓂ. 6 ᐃᓐᖏᕆᑦᓯ ᓂᕐᑐᕐᓗᒍ ᒎᑎ, ᐃᓐᖏᕆᑦᓯ ᓂᕐᑐᐃᓗᓯ! ᐃᓐᖏᕆᑦᓯ ᓂᕐᑐᐃᓗᓯ ᐊᖓᔪᖅᑳᕐᔪᐊᑦᑎᓐᓂᒃ, ᐃᓐᖏᕆᑦᓯ ᓂᕐᑐᐃᓗᓯ! 7 ᒎᑎ ᐊᖓᔪᖅᑳᕐᔪᐊᖑᖕᒪᑦ ᓄᓇᕐᔪᐊᓕᒫᒧᑦ; ᐃᓐᖏᕆᑦᓯ ᓂᕐᑐᐃᓗᓯ ᐃᓐᖏᕈᑎᓄᑦ. 8 ᒎᑎ ᐊᐅᓚᑦᓯᕗᖅ ᐃᓅᖃᑎᒌᒡᔪᐊᓂᒃ; ᒎᑎ ᐃᒃᓯᕙᕗᖅ ᐃᒃᓯᕙᐅᑕᕐᔪᐊᒥ ᐃᑦᔪᕐᓁᑦᑐᒥ. 9 ᐃᓅᖃᑎᒌᒡᔪᐊᑦ ᐊᖓᔪᖅᑳᖏᑦ ᑲᑎᓯᒪᕗᑦ ᐂᑉᕋᕼᐋᒻ ᒎᑎᖓᑕ ᐃᓄᖁᑎᖏᑎᑐᑦ. ᓄᓇᕐᔪᐊᑉ ᓴᐴᓗᑕᖏᑦ ᒎᑎᐅᑉ ᐱᒋᕔᑦ; ᑖᓐᓇ ᐊᖏᔪᒥᒃ ᐊᖏᔪᕈᕐᑎᑕᐅᓕ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society