ᐃᓐᖏᕈᑎᑦ 44 - ᐊᒡᓔᑦ ᐃᑦᔪᕐᖕᓁᑦᑐᑦ

ᐅᑎᕐᑎᑕᐅᓂᐅᑉ ᐃᖅᑲᐅᒪᔭᐅᓂᖓ ᓇᕐᕈᒋᔭᐅᓂᕐᒦᓪᓗᓂ

ᐃᓐᖏᕐᑏᑦ ᑲᒪᔨᖓᓐᓄᑦ   ᑰᕋᐅᑉ ᐃᕐᓂᖏᑕ ᐃᓐᖏᕈᑖ

¹ ᒎᑏ, ᓯᐅᑎᑦᑎᓐᓄᑦ ᑐᓴᓚᐅᕐᐳᒍᑦ, ᐊᑖᑕᑦᑕ ᐅᓂᒃᑳᕐᕕᒋᓚᐅᕐᒪᑎᒍᑦ, ᐱᓂᐊᕐᓂᕕᓂᕐᓂᒃ ᑍᒃᑯᐊ ᐃᓅᑎᓪᓗᒋᑦ ᑍᑦᓱᒪᓂᐊᓗᒃ.

² ᐃᓅᖃᑎᒌᒡᔪᐊᑦ ᐊᒡᒐᖕᓄᑦ ᐊᐅᓪᓚᕐᑎᓚᐅᕋᕕᒋᑦ, ᐊᑖᑕᕗᓪᓗ ᓄᓇᒃᓴᖏᓐᓄᐊᕐᑎᓪᓗᒋᑦ; ᐃᓄᐃᑦ ᓵᓚᒋᓚᐅᕐᐸᑎᑦ ᐊᐅᓪᓚᕐᑎᓪᓗᒋᓪᓗ.

³ ᓄᓇᒥᒃ ᑎᒍᓯᓚᐅᖏᒻᒪᑕ ᓇᖕᒥᓂᖅ ᓴᕕᒡᔪᐊᖏᑕ ᐱᔪᓐᓇᕐᓂᖏᓐᓄᑦ, ᓇᖕᒥᓂᕐᓘᓐᓃᑦ ᐊᒡᒐᖕᒥᖕᓄᑦ ᓴᐳᑎᓚᐅᓐᖏᓚᑦ; ᐃᕝᕕᓪᓕ ᑭᓯᐊᓂ ᐊᒡᒐᖕᓄᑦ ᑕᓕᕐᐱᖕᓄᑦ, ᑮᓇᕐᐱᓪᓗ ᖃᐅᒪᓂᖓᓄᑦ, ᖁᕕᐊᒋᓚᐅᕋᕕᒋᑦ.

⁴ ᐊᖓᔪᖅᑳᔪᐊᕆᕙᒋᑦ, ᒎᑎᒋᓪᓗᑎᓪᓗ; ᓵᓚᖃᐅᑦᔨᕗᑎᓪᓗ ᔧᑯᒥᒃ.

⁵ ᐃᕝᕕᑦ ᐃᑲᔪᕐᑎᒋᓗᑎᑦ ᐊᑭᕋᕗᑦ ᓵᓚᒋᓂᐊᕐᐸᕗᑦ; ᐊᑏᑦ ᐊᑐᕐᓗᒍ ᑐᓪᓕᕋᕐᓂᐊᕐᐸᕗᑦ ᐅᕙᑦᑎᓐᓂᒃ ᐊᑭᕋᕐᑐᕋᓱᐊᕐᑐᑦ.

⁶ ᐱᑎᒃᓯᒐ ᑕᑎᒋᓂᐊᖏᓐᓇᒃᑯ, ᓴᕕᒡᔪᐊᒪᓗ ᓴᐳᑎᓂᐊᖏᒻᒪᖓ.

⁷ ᐃᕝᕕᓪᓕ ᐊᑭᕋᑦᑎᓐᓂᑦ ᓴᐳᑎᕙᑦᑎᒍᑦ, ᑲᓐᖑᓇᕐᑐᒦᑎᑉᐸᑎᓪᓗ ᐅᕙᑦᑎᓐᓂᒃ ᐆᒥᓱᒃᑐᑦ.

⁸ ᒎᑎᒥᒃ ᓂᕐᑑᑎᖃᕐᐳᒍᑦ ᐅᓪᓗᖅ ᓈᓪᓗᒍ, ᐊᑏᓪᓗ ᓂᕐᑐᕐᐸᕗᑦ ᐃᓱᖃᖏᑦᑐᒧᑦ. ᓰᓚ

⁹ ᑭᓯᐊᓂ ᓇᕐᕈᒋᓯᒪᒐᑦᑎᒍᑦ, ᑲᓐᖑᓇᕐᑐᒦᑎᓪᓗᑕᓗ, ᐅᓇᑕᕐᑐᒃᓴᖁᑎᕗᓪᓗ ᐅᓇᑕᕆᐊᕌᖓᑕ ᐃᓚᒋᓐᖏᓚᑎᑦ.

¹⁰ ᐅᓇᑕᕐᓂᕐᒥ ᕿᒫᑎᑕᐅᑎᑉᐸᑦᑎᒍᑦ ᐊᑭᕋᑦᑎᓐᓂᑦ, ᐆᒥᒋᔨᕗᓪᓗ ᐱᖁᑎᑦᑎᓐᓂᒃ ᐱᑖᕐᑐᕐᐳᑦ.

¹¹ ᓰᐱᑎᑐᑦ ᓂᕿᒃᓴᑎᑐᑦ ᑐᓂᓚᐅᕐᐸᑦᑎᒍᑦ, ᓯᐊᒻᒪᕐᑎᓪᓗᑕᓗ ᐃᓅᖃᑎᒌᒡᔪᐊᓄᑦ.

¹² ᐃᓄᖁᑎᑎᑦ ᓂᐅᕐᕈᑎᒋᓚᐅᕐᐸᑎᑦ ᐊᑭᑭᓐᓂᕐᐹᒧᑦ, ᓂᐅᕐᕈᑎᒋᒐᓗᐊᕋᕕᒋᑦ ᑮᓇᐅᔭᓕᐅᕈᑎᒃᓴᐅᓚᐅᓐᖏᓚᑦ.

¹³ ᐃᓅᖃᑎᑦᑎᓐᓄᑦ ᓇᕐᕈᓇᕐᑎᓚᐅᕐᐸᑦᑎᒍᑦ, ᒥᑕᐅᑎᒃᓴᓐᖑᕐᓗᑕᓗ ᐊᓖᒃᑯᑎᒃᓴᓐᖑᕐᓗᑕᓗ ᐃᓄᖕᓄᑦ ᐊᕙᑎᑦᑎᓐᓃᑦᑐᓄᑦ.

¹⁴ ᐃᔪᕆᔭᒃᓴᓐᖑᕐᐳᒍᑦ ᐃᓅᖃᑎᒌᒡᔪᐊᓄᑦ, ᐃᓕᕿᑕᒫᕈᑕᐅᓕᕐᓗᑕᓗ ᒥᑕᐅᑕᐅᓂᕐᒧᑦ ᐃᓄᖕᓄᑦ.

¹⁵ ᓇᕐᕈᓇᕐᓂᕋ ᑍᒪᓐᖓᑦ ᓵᓐᓃᑉᐳᖅ, ᑮᓇᕐᒪᓗ ᑲᓐᖑᓇᕐᓂᖓᑕ ᐅᓕᒃᓯᒪᕚᖓ.

¹⁶ ᓱᐊᒃᑐᑦ ᓂᓐᖓᐅᒪᔪᓪᓗ ᓂᐱᖏᓐᓄᑦ, ᐊᑭᕋᕐᑐᕐᑎᓐᓂᑦ ᐊᑭᓂᐊᕈᒪᔪᓂᓪᓗ.

¹⁷ ᑕᒪᒃᑯᓄᖓ ᑍᒤᑦᑐᓄᑦ ᑎᑭᑕᐅᕗᒍᑦ; ᐃᓕᖕᓂᒡᓕ ᐳᐃᒍᓐᖏᓚᒍᑦ, ᐊᖏᖃᑎᒌᒍᑎᒋᓯᒪᔭᕐᓂᒡᓗ ᓱᓕᖏᓪᓗᑕ ᐱᓇᓱᐊᕐᓯᒪᓐᖏᓚᒍᑦ.

¹⁸ ᐆᒻᒪᑎᕗᑦ ᐅᑎᕆᐊᕐᓯᒪᓐᖏᓚᑦ, ᐃᑎᒐᕗᓪᓘᓐᓃᑦ ᐊᖅᑯᑎᖕᓂᒃ ᕿᒤᓯᒪᓐᖏᓚᑦ;

¹⁹ ᓯᖁᒥᑦᑎᐊᕐᓯᒪᒐᑦᑎᒍᑦ ᔮᑯᓄᑦ ᑎᕆᒐᓂᐊᖑᔮᕐᑐᓄᑦ ᐃᓂᒋᔭᐅᓕᕐᓗᑕ, ᐅᓕᒃᓯᒪᒐᑦᑎᒍᓪᓗ ᑐᖂᑉ ᑕᕐᕋᓕᓂᖓᓄᑦ.

²⁰ ᒎᑎᑦᑕ ᐊᑎᖓ ᐳᐃᒍᕋᔭᕈᑦᑎᒍ, ᐊᒡᒐᕗᓪᓘᓐᓃᑦ ᐃᓵᖓᒐᔭᓚᐅᕈᑦᑎᒍ ᐊᓯᑦᑕ ᒎᑎᖏᓐᓄᑦ,

²¹ ᒎᑎ ᖃᐅᔨᒐᔭᓐᖏᓛᖅ? ᖃᐅᔨᒪᖕᒪᑦ ᐆᒻᒪᑎᐅᑉ ᐃᔨᕐᓯᒪᔭᖏᓐᓂᒃ.

²² ᐱᑦᔪᑎᒋᓪᓗᑎᑦ ᐅᓪᓗᖅ ᓈᓪᓗᒍ ᑐᖁᑕᐅᕗᒍᑦ. ᓰᐱᑎᑐᑦ ᐱᔭᐅᕗᒍᑦ ᑐᖁᑕᐅᔭᕐᑐᕐᑐᑎᑐᑦ.

²³ ᑐᐸᓕᕆᑦ! ᓱᖕᒪᑦ ᓯᓂᒃᐲᑦ ᐊᑕᓃᖅ? ᒪᑭᓕᕆᑦ! ᐃᒃᓯᓐᓇᕐᑍᓕᑎᒍᑦ ᐃᓱᖃᖏᑦᑐᒧᑦ.

²⁴ ᓲᖅ ᑮᓁᑦ ᐃᔨᕐᓯᒪᕕᐅᒃ, ᐳᐃᒍᕐᓯᒪᓪᓗᑎᓪᓗ ᓴᐱᕐᓇᕐᑐᒦᓐᓂᑦᑎᓐᓂᒃ ᐅᖁᒤᑦᑐᒦᓐᓂᑦᑎᓐᓂᒡᓗ?

²⁵ ᑕᕐᓂᕗᑦ ᐅᑯᖓᕗᑦ ᓄᓇᒧᑦ; ᑎᒥᕗᓪᓗ ᑐᓐᖓᕗᑦ ᒪᓂᖅᑲᒧᑦ.

²⁶ ᒪᑭᓕᕆᑦ ᐃᑲᔪᕐᓗᑕᓗ, ᐅᑎᕐᑎᓚᐅᕐᑎᒍᑦ ᓇᒡᓕᖕᓂᕐᓄᑦ ᓱᖁᓯᔪᐃᑦᑐᒧᑦ.